الحلقه الاولى :
اسمي مَي بنت زي اَي بنت ومعتقدش فـي حاجه مميزه فيا عن البنات خاطي الهم اللي اني فيه عمري20 سنه تانيه طب بشري حنطيه وشعري طويل وعسلي وعيوني كبار وعسليات بحيث نشوف فيهم احلى حاجه فيا جسمي قنين طويله ومليانه شويه نحب نلبس زي اَي بنت بس حاله ماديه مش مساعدتني مع هادا مش حارمه روحي من شي..
نعرفكم ۶ عيلتي:امي(عائشه)مفيش احن من قلبها بس معنداهاش كلمه مع بوي وخوي :بوي(خالد)انسان عصبي هلبا ومعندناش معاه كلمه منبيش نقوله عنه كلام مش كويس مهما كان بوي بس كنت ناخد اني وماما فَـ احقر معامله منه وبالأخص امي من خيانه وضرب وهزايب والحمدالله صابرين وخوي:احمد:مش حنكي عليه لان كتله من الارف والسكر والحشيش ربي يرحمه ويغفرله انشالله هادي اسرتي والباقي تعرفوهم مع الروايه .
خالد:ضروري منجوزها ليه ياعيشه الديون عليا فوق راسي ومعندي باش نصرف عليكم يابيقتلوني يابيقتلوكم
عيشه:يهديك ربي يا خالد حرام عليك بنت زي الورده والله حرام
خالد:باش تفهمي انتِ اَي ورد تحكي عليه احمد ومات كان قتلوني اني من ليكم من ليكمم والولد مخيره شي فلوس وعنده وسمعته باهية وصاحب المرحوم خيره الولد وبيساعدنا وبيكمل عليا ديوني شن تبي تاني يا مرا؟
عيشه:والله ماعارفه ياخالد هك الولد مش مرتاحتله فيه شي غلط وحاسه احمد مماتش سقطه قلبيه فـي حد قتله مش مرتاحه يا خالد مش مرتاحه وبنيتي شاطره خليها اتم قرايتها وموضوع الزواج يسهل ربي وانتَ شوف حل تاني والله هادي اللي زادتلي اني يا خالد💔
خالد:معاش نبي دوه فَـ الموضوع كلامي تم بري قوليلها توتي روحها غدوا بيجي بيشوفها والأسبوع الجاي تتوكل واني طالع نروح نلقا العشي واتي (وطلع وقربع الباب)
عيشه تندب ع حالها:اخخخخ يابنتي شن اندير اني كيف نديرلك ياكبدي كيف نقول هولك الكلام هادا كيف نضحي بيك يا نعطيك بايدي كيف ياربي صبرني ياربي ساعدني ياربي وريها الطريق الصح من الغلط.........طق طق طق نخش يابنتي
مي:خشي خشي ماما
عيشه:شن ديري يا ياقلب اميمتك
مي:واللهي نقرا يا ماما تعرفي القرايه كلها فوق راسي والنصفيات الاسبوع الجايه ادعيلي ياغاليه
عيشه تبكي:😭😭😭😭😭
مي:خيرك ياغاليه لالا امسحي دموعك من زعلك بوي ولا خيره شن قالك بالله عليك لا معاش تبكي خيره شن دار
عيشه:اخخخ يابنتي كيف نفرط بيك اني كيف نعطيك بايدي😭😭
يتبع..
أنت تقرأ
زقوم
Roman d'amourتفنى اللذاذة ممن نال صفوتها*من الحرام ويبقى الإثم والعار*تبقى عواقب سوء في حقيبتها*لا خير في لذة من بعدها نار
