#حوش ـ الجد ـ وحفاده 🔥
ـــــــــــــــــــــــــــــــــــــ🔥
اسفه ع التأخير هلباا
ـــــــــ
نعيمه: كيف
بنت خوها: هدا يلي صار وتوا هوا في المستشفى
نعيمه:صكرت الخط
جيداء: خير شن في
نعيمه: خوي دار حادت يارب سترك 😢
جيداء: لا حول ولاقوة إلا بالله
نعيمه: خلي انكلم علي يرفعني ليه
جيدلء'ربي يقومه بالسلامه يارب العالمين
نعيمه'ان شاء الله ربي يسمع منك
جت جميله: خير شن في
جيداء: خو نعيمه دار حادت
جميله: لا حول ولاقوة إلا بالله ربك يستره😳
عند الاولاد سمعو بي خو نعيمه
ع اشرف:شن امتا بتطلع ي علي
ع علي: الفجر طالع
ع جميل:بترفع الصغار
ع علي:اي بنرفغهم
الجد:مش ضروري يمشو خليهم اهني
ع علي:لكن هدا خالهم مايجيش
الجد:توا نرفعوهم احني يوم تاني وانروحوو بيهم
ع علي:ان شاءالله خير 🙂
عند البنات
اميرة:قصدك مات
نغم:تي عينك قاعد ف العنايه
ربى: 🙂انحس فيه مش مطول😂.
حياة: دمك ولا زيت سيارة
ربى: نفس دمك🙂
خش فارس ووسيم ومحمد
وسيم: جعان ديرولي شي بنموت
ربى:موت شن تراجي
وسيم: ماخطريش ف طولة لسانك توا
حياة: توا نديرولك دحي
محمد: ديرولي معه
فارس: انا خاش بنرقد
حياة: خيرك مريض
فارس: راسي بس
ف اليل الكل مقعمزين جي اتصال لي عمك علي
علي: الو
خو نعيمه صالح: علي خوي عطاك عمره
على: لا حول ولا قوة إلا بالله ان لله وان اليه راجعون
نعيمه: خيرك شن في
على: اهدي خوك عطاك عمره
نعيمه: ووووه عليااا وخييييي ي حليييلي
على: استهدي باالله ادعليه
الجد: لا حول ولاقوة إلا بالله
خشو النساوين يهدو في نعيمه والبنات ف الكوجينه
نغم مقعمزة فوق الطاوله وتأكل
جنى:انتي ي نم امك قريب تموت من البكى وخالك ميت ونتي ولا ع بالك
نغم:وحقربي ف حياتي ماشفته خالي كان ف الصور شن بنبكي بسيف😒.
اميرة:الله يرحمه مانعرفوه🙂
ربى:انا جعانه
حياة:صكري فمك وانتي اربعه وعشرين ساعه جعانه
ربى: ناكل من رزقك😒
تالا: خلي نديرو عشاء الكل جعانين اكيد
خش سامي: مافيش عشاء
حياة: توا نديرو
فات اليوم
#الساعه 8 الصبح
نعيمه: ديرو بالكم ع ارواحكم
جيداء: ربى وجنى متعات المصايب اديرو حاجه انوريكم
جميله: راكم تخلو اعمامكم واولاد عمكم بلا عشاء
ربى: نمشي معاكم🙄
محمد: تمشي قهرتك خشي الداخل
ربى: 😒خزو بارد
الجد: غدوا تجيبوو اميرة ونغم الصبح باش تروحو
يزن: انا ماشي غدوا نرفعهم
محمد: نمشي حتى انا غدوا
الجد:مفروض انت وسامي تمشو اليوم
محمد: لالا نمشو غظوا
مشوو اعماهم وجدهم ونسوين عمهم
ربى: انا بنخش نتمرقد نعسانه
جنى: مرقد الحولي
ربى: مش راده عليك توا🙂
حياة&وتالا: حتى انا بنرقد🤝🏻
جنى: تمرقدو 😑
ربى: خشت بترقد جتها رساله من محمد 💬
محمد: طشتي💬✨💞
ربى: هاا💬😒
محمد: عصا💬🤨
ربى: ع ظهرك💬🙂
محمد: نفهم منك زعلانه💬😙
ربى: شن تبي بنرقد💬😪
محمد: اسف حبي💬❤
ربى: 🙄معاش تعاودها ونت ديما تهزب قدامهم💬
محمد: اخر مرة غلاي💬
ربى: تمام💬
محمد: مستاحشك تعالي تحت نهدرزو💬
ربى: نعسانه نهدرزو بعدين💬
محمد: تمام نوم العوافي حبيبي ❤😚💬
ربى: سلمك عمري❤😴💬
تالا وسامر
سامر: بنيتي❤
تالا: حبعمري❤
سامر: كلمت جدي قالي اجلها 😒
تالا: عادي حبي يصير خير
سامر: ان شاء االله. بترقدي بنيتي💛😙
تالا: اي بنرقد شوي
سامر: تمام حبي
هيثم وجنى ف الكوجينه مقعمزة تأكل
هيثم: تي ساد بتولي بقرة
جنى: عينك
هيثم: واحلا بقرة🤤❤
جنى: زعلت☹️
هيثم: حليلي من الزعلان امواااه🤤❤😙باسه
جنى: ي صايع توا يشوفنا حد
هيتم: حبي وحياتي وبتكون حلالي❤
جنى: هيثم نقولك شي ماتعصب
هيثم: احكي
جنى: اوعدني
هيثم: احكيييي
جنى: ولد خالي امس اتصل ويهدد وقالي وربي كان مش لياا لما نفسد بينك. وبين هيثم
هيثم: امتا صار
جنى: امس
هيثم: شكله طريحة قبل مانفعتش بيه وربي لما نوريه
جنى: هيثم بالله عليك اسمع
هيثم: اقلبي وجهك اداخل
طلع هيثم البرا
نغم: خيرك تبكي
جنى: قلت لي هيثم ع ولد خالي
نغم: من جدك حمارة انتيييي ولا كيفففف
جنى: كان ماقتله وربي يقوله حد تاني يقتلني
فلاش باك
ولد خال جنى معاد: الوو
جنى: نعم شن تبي
يتبع........
للكاتبه Reham AK🔥
