بعد مامشو وراحو ل ديره رشاش ووصلو للبيت الي بينامون فيه الليله نزلو كلهم ودخلو وجا رشاش بيدخل لاحظ ان عمر مادخل وقال له : وشفيك ماتدخل معنا عمر : هاه ؟ بتمشى شوي واجيكم
رشاش : تبي اجي معك
عمر : لا لا مايحتاج بمشي لحالي
رشاش : طيب
جا عمر بيروح عن المكان وصرخ رشاش وقال : عمر
عمر خاف ولف راسه بسرعه تجاه رشاش وقال : هلا ؟؟؟؟؟؟؟؟
رشاش : انتبه لنفسك
طالع فيه عمر وابتسم وقال ابشر وكمل طريقه ورشاش قعد يطالع فيه الى ان راح ودخل رشاش البيت
مهل : وش عندك تاخرت ؟؟؟؟ لحظه! ووين خويك السبيكه عمر
رشاش : والله ما السبيكه الا انت واشكالك وبعدين وش دخلك فيني
مهل : طيب شفيك معصب اهدى اهدى
رشاش: اشوفك تغلط على عمر ادفنك هنا تسمع ؟؟؟؟؟؟
مصلح : رشاش وشفيك هدي هدي وش سوا ذا لك
رشاش : انسى الي صار
مهل يضحك ويقول : شفيك ماودك تعلمه عن النونو الي جايبه معنا
رشاش قام بيضرب مهل ومصلح وقحص يمسكونه بقوه
مصلح : امسحها بوجهي يارشاش واقعد يرحم امك
قحص : خذ اشرب مويه وتعوذ من ابليس
مهل يرجع يضحك
رشاش طنش مهل وقعد يفكر ب عمر وليش تاخر ؟
قحص : يعيال الحين متى بتمشون ؟
رشاش ماسمعه وكل تفكيره مركز على ليش عمر تاخر
قحص يقرب من رشاش ويضربه على كتفه لف عليه رشاش وقال : يخوي وش تبي !
قحص : رشاش تمزح صارلي ساعه اكلمك !!! وتقول لي وش تبي ؟
رشاش : طيب اخلص وش عندك
قحص : متى بتمشون انت واخوياك
رشاش : بكره ، بتجون معنا ؟
قحص يطالع ب مصلح ومصلح قال : قدام
يبتسم رشاش ويفتح الباب بيطلع
مهل : وين رايح يارشاش ؟
رشاش : وانت وش عليك
مهل يبتسم ويقول : خلاص عرفت هه
رشاش يطلع ويسكر الباب بقوه
قحص : يعيال شفيه رشاش معصب اليوم
سلطان : يمكن لاننا اخذنا وقت طويل بالطريق
مهل يضحك
مصلح : وشبك انت من اليوم تضحك قروشتنا تراك
مهل : لا والله ابد
رشاش يدور عمر بكل مكان بالديره وماحصله !!!!! رشاش بدا يعرق من الخوف وبدا يخاف ان عمر يصير له شي
بعد ساعتين
رشاش حصل عمر واخيرا
رشاش : عمررررر !!!!!! انت وينك ؟
عمر : رشااش ! وش جابك انت
رشاش : تستهبل ؟ صارلك ساعات وماجيت وينك ؟
عمر : هاه ؟
رشاش يقعد جمب عمر
رشاش : ليش قاعد بالخرابه هنا < بيت مهجور > لحالك ؟
عمر : برتاح شوي
رشاش : عمر بك شي ؟
عمر بصوت مخنوق : لا لا مافيه شي
رشاش : عمر يعني مااعرفك انا ؟
عمر يلتفت على وجه رشاش وتطيح عيونهم على بعض وينزل راسه عمر وهو مستحي من نظرات رشاش له
رشاش : عمر قل لي وش فيك
عمر : رشاش والله اني خايف
رشاش : من وش ؟
عمر : اخاف يصير لكم شي ! رشاش تعبت وانا افكر فيكم وتعبت وانا اخاف عليكم من الاذى ! شف سلطان وش صار فيه !
رشااش عصصب لانه فكر بالكل ومفروض مايفكر ب احد غير رشاش
رشاش يتكلم وهو معصب : ايه طبعا بتفكر فيهم !
عمر : مافهمتك ؟
رشاش : هاه ؟ لالا معليك انا معك مابيصير شي
عمر : بس انا ماتكلمت عن نفسي ؟
رشاش : ها ؟ يلا يلا قم
عمر : رح انت وبلحقك
رشاش مستحيل امش معي يلا
عمر متوتر ان رشاش يشوف اصابته ويحاول يقوم بدون مايشك
رشاش :لحظه لحظه وش ذا الجرح الي ب رجلك !!!!!!!!
عمر : جرح بسيط قم يلا نمشي
رشاش يقعد عمر ويشوف جرحه
رشاش : عمر ليش ماقلت لي؟
عمر : اقولك وش ؟
رشاش ب صراخ : عمر ليش ماقلت لي
عمر : اسف
رشاش يمسك يد عمر ويساعده
بالطريق ........
اذا شفت دعم بكمل
