241, اخي لا تفعل هذا بي
#بقلم مها المندلاوي
#بارت الثالث والثلاثون
:اعترفتلي بان انته اتحبني وهسه المطلوب......
:اذا اتقدمت وخطبتج تقبلين ....
ضليت صافنه عليه ...
:بس مهيمن اني مره مطلقه وعندي طفل ومصارلي من اهواي اطلكت هسه يالله اشوي بديت اتأقلم ونته شاب ماشاء الله عليك الف وحده تتمناك ....
:واني ماريد الالف وحده اريدج انتي واذا جنتي مطلكه هذه الشي ميهمني وابنج عادي يضل يمج ممضايق منه اخلي بعيوني .....
:افرض قبلت بس بنفس الوكت راح انحرم من ابني سهيل مستحيل يبقي يمي ....
:هاجر ابنج من حقه يبقه يمج القانون الصالحج ....
درت وجهي واني افرك بكصتي ماعرف شسوي محتاره ومفكرت بهذه الشي فديوم باوعت عليه ومبين من شكله مصر يعرف شنو قراري كلت خل اكله قصتي والي عشته .....
:مهيمن ماعرف شردك بس اريدك تنتضرني من يخلص الدوام حته احجي وياك....
:بشنو تحجين....
:بشغله ....
:غير افهم الشغله شنو....
:لتستعجل....
كمت من يمه وطبيت للقاعه وبدت المحاضرات ضل بالي يم الي راح احجي وكعدت ارهم الكلام ومنين ابدي ومنين انتهي لحد مخلص الدوام واني كلشي ممفتهمه منه طلعت لكيته واكف اكبال الكليه شافني ومشه قبلي لسيارته صعد وصعدت يمه بلصدر باوع عليه .....
:يالله هاجر احجي ....
:حرك السياره من باب الكليه ....
شغلهة ومشه بينه وكفهة على صفحه وباوع عليه اخذت حسره ....
:ماريدك اتقاطعني اريدك تسمع كلشي حكوله ومن اكمل ترجعني لباب الكليه وفكر زين قبل متتقدم وتخطب لان ماريدك بعدين تتندم....
:احجي يمعوده والله هبطتيني ...
نزلت راسي وضليت باوع على ايدي وحجي ماريد اباوع بعيونه وشوف نضراته الي لان مرح اتحملهة ....
:مهيمن الي حجيته الك اتمنه ميطلع ومينكال لاي احد ....
جنت احجي وياه وابجي ضل ساكت رجعني للكليه نزلت من السياره واني امسح بدموعي ركبت سيارتي وضليت كاعده بيهة وابجي رفعت راسي اريد اتنفس مخنوكه فتحت باب السياره وكعدت بتجاه الباب بس رجليناتي طالعه من السياره ضليت اجر النفس كوه راسي كام يوجعني ووجع قوي طبيت وسديت الباب...
حركت السياره ورجعت للبيت طبيت للكراج ونزلت فتحت الباب وكبل صعدت لغرفتي ماريد اشوف اي احد طبيت للغرفه لكيت كيان نايم رحت بهدومي تمددت يمه واني اشبك بي وابوس بعدهة غفيت يمه كعدت عليه بل7 يكعد بيه جوعان كمت نزلت سويت اكل الي واله كعدنه ناكل طبت مامه للمطبخ....
:شنو من نوم عدكم انوب معلمه الطفل على النوم نايم من الاربعه ...
:على امه فديته لحبيبي ...
أنت تقرأ
اخي لا تفعل هذا بي
Художественная прозаتم تثبيته من قِبل قصص عراقية وروايات حقيقية**, 350, 219, #اخي_لا_تفعل_هذا_بي (( جريئه⑱)) قصه حقيقيه على لسان صاحبتها راح نعيش حزنهة وفرحهة اخ يسافر وقت طويل وعندما يعود يرا اخته قد بلغت واصبحت جميله وفي سن الكراهقة يستغلها لا من اجل غريزته ويتحكم ف...
