239, تكملة34
باوعت عليه وبتسمت لزمني من ايدي وجرهة باسهة ...
:احبج...
:ممم ...
باوع عليه...
:شنو ال ممم....
:ماعرف شجاوب ....
:بسيطه بس خل نعقد واني اعلمج بشنو اجاوبين ....
استحيت منه ودرت وجهي للجامه وصلنه للكليه ونزلت طبيت جانت المحاضره الاولى مخلصيهة طبيت بلثانيه ومشه باقي الوكت بسرعه طلعت من الكليه وجه من يمي مهيمن....
:حتلكين مفاجئه تنتضرج بلبيت ....
:قصدك ابيتي ....
:اي ابيتج ....
:اوك انتاني ....
:يالله حب باي ....
:باي...
رجعت للبيت واني متحمسه اعرف شنو يتانيني نزلت من السياره وطبيت سمعت صوت نسوان بلصاله طبيت نسوان اثنين اكبار بلعمر ووحده شابه .....
:سلام عليكم....
:وعليكم السلام ....
:ام مهيمن هياتهة جنتج ....
باوعت واني اشوف المره كوه كامت رحت عليهة بوستهة ويه اصلي على محمد وتمدح بجمالي كعدت يمهن خجلانه بس انتبهت لنضرات البنيه الي وياهن اتخوزر بيه ضلن كاعدات الي وياهة خالته لمهيمن والشابه بت خالته كامن وهنه يتفقن على موعد عقد السيد اسبوع الي ييجي ....
:ام مهيمن ليش مستعجلين قليل اسبوع....
:شسوي الوليد حامي مستعجل ....
عززه احس البوخه كامت تطلع من وجهي من المستحه طلعن واني صعدت للغرفه دكيت على مهيمن ....
:الوو...
:هلا بعلصوت وراعيته شفتي الموفاجئه....
:مهيمن ليش مستعجل تره اني ماريد ازوج اله من اخلص دراسه ماريد التهي عنهة...
:هاجر صدك تحجين....
:اي والله مهيمن قبل التهيت عن الدراسه وتركتهة رجعت ادرس لان هيه مستقبلي....
:اني مستقبلج متوثقين بيه....
:مهيمن موشغلت ثقه بس الدراسه تفيدني لا سامح الله صار بيك شي اني موجوده وبشهاتي اكدر اتعين وساعدك ....
ضل بينه نقاش طويل وبلشافعات رضه منزوج اله اكمل دراسه مر اسبوع حياتي عاديه دوام ونوم ودراسه بس باخر يومين رحت للصالون حفيت وعدلت خلقتي وحجزت ثوب وصالون وطلعنه اشترينه الذهب صح قبلت بمهيمن ومطمنه راح اكدر ارجع ابني الي بس كلبي مفرفح على كيان صايره مثل السمجه المزوهره لوما مهيمن وكل مايشوفني او يحاجيني يصبرني جان اتراجعت من الزواج من ذاك اليوم الي اجه بي سهيل واخذ كيان بعد موصل ...
فقبل المهر بيوم كعدت المغرب النوم بعيني فتحت الباب مال الغرفه ونزلت البيت هادء طبيت للصاله شفت سهيل كاعد على القنفه باوع عليه وبتسم وكفت مصدومه بلباب هذه اشدخله ووين مامه عنه وشرايد ....
:حليانه العروس....
:شرايد سهيل ....
:رايدج الج....
:واني مستحيل ارجعلك....
عفته وطلعت من الصاله ماحس غير جرني وسد الباب صرت بينه وبين الباب ....
:وخر سهيل هاي اشدسوي ....
:اشش لا اتعلين صوتج كتلج ابنج ميرجعلج اذا توافقين ....
:واني وافقت اتهنه بي بس هلكميوم وابني حيرجعلي ....
:ههه حلمي يرجع اذا تردي يرجع هسه خابري على هذه مادري شسمه العار وكليله ماريد ازوجك....
:وخر سهيل شنو اشايفني هيته وكل مااجي ابالك تجي تهدد وتروح احلم افصخ الخطوبه ونته هم احلم ارجعلك بفديوم...
محجه شي وضل ساكت دفعته اريد اروح واكف كدامي وميتحرك باوعت عليه يباوع على تفاصيل وجهي عرفت نضراته عليه شنو نضرات شهوه رفعت ايدي ودت وجهة عني....
:وخر سهيل لا الم الناس عليك وخر وشطببك للبيت ووين مامه....
:ههه المامه نايمه وطبيت برجلي للبيت....
لزمني من حنجي وجرني عليه يريد يبوسني ضليت اتلاوه وياه اريده يوخر اخر شي ضربته ابمنطقته لان ملكيت غير حل هوة كعد بلكاع ولازمهة اني استغليت الوضع فتحت الباب وشويت الدورج بايتين طبيت للغرفه قفلتهة واني الهث اعرف بهاي اسوالفه يريد ياخذني حته اكره الزواج ورفض مهيمن بس يحلم.....
وسويتهة وياه شغلت اعناد بعد منزلت جوه الثاني يوم جان يوم جمعه من نزلت جانو كرايبنه موجودين عماتي وعمامي وخلاتي ضحكت بستهزاء همه اشوكت عرفونه كل واحد حاير بنفسه وبس بلمناسبات نشوفهم طلعت للصالون واني خايفه لا سهيل يسوي شي لازمه كلبي وعلى ساعه ويصير شي اعرف سهيل مو راحه....
ومحيعديهة على خير كملت مكياج ولبست الثوب جانت جايه وياي مريم جابت بنوته رجعنه سوه للبيت ساعه بل4 طبيت هلاهل وهوست جهال كعدت وجني الجوارين يباركلي للل5 وكالو اجوي اهل الولد طبن النسوان هوسات ويكمزن اجتي امه بوستني وخواته هم اجني ومرت ابو نص ساعه وكالو خلي تجي....
العروس لان حيعقد الشيخ كعدت وره الباب وخلن على راسي اقماش ابيض وخلن طاسه وخلن رجلي بيهة وهيل من سمعت صوت الشيخ واني كلبي كام يدك بهلحضه قررت اتراجع ومااقبل اشوش عقلي لحد مكال الشيخ ....
:اذا جنتي موافقه كولي اقبل وانت وكيلي ....
ضليت حايره وباوع بلوجوه اجتي مريم يمي.....
:شبيج هاجر كولي يالله و قبلي ....
:اقبل وانته وكيلي ...
كملت جملتي وعلت صوت الهلاهل كومني ورجعني للصاله اشوي وجابت مريم جهازي ....
:هاج هاجر جهازج ديدك....
اخذته منهة واني كلبي مقبوض باوعت سهيل ديدك كمت وطلعت من الصاله طبيت للمطبخ وفتحت الخط....
:ها سهيل ....
:يتبع....
أنت تقرأ
اخي لا تفعل هذا بي
Ficción Generalتم تثبيته من قِبل قصص عراقية وروايات حقيقية**, 350, 219, #اخي_لا_تفعل_هذا_بي (( جريئه⑱)) قصه حقيقيه على لسان صاحبتها راح نعيش حزنهة وفرحهة اخ يسافر وقت طويل وعندما يعود يرا اخته قد بلغت واصبحت جميله وفي سن الكراهقة يستغلها لا من اجل غريزته ويتحكم ف...
