مختلةة عقليا

الاخيره

الموهمم عدت الايام وهبوووش جات لا بس جات بصدمه جات وفي طرفها كارثه جابت معاها الجلطه 😳😳🐵م تركزو المهم جات مخطوبه اييي وربي مخطوبه وعرسها بعد شهر اتا لم سمعت الكلام دا رجليني بردن وبقيت م شايفه عيوني زغلللن وبطني طمت والله بهدوم حقت البيت لفحت المقشاشه وجريت🐸🪨

طيران خشيت  ورفست الباب دا هناك وطوالي مسكت ليك هبه ووقعنا ف التراب واشيل واضرب م خليت ليها جنبه بعد اتفشيت تمام

يكلبه يا رمه ي كرور م نافعه عوالي جزمه زفته متخلفه تفف على دي صحبه وتاني اتفرست منها ودقيتها 🌚🌚☄👣

استني افهمي ي حيوانه

انتي خليتي فيها فهم تتخطبي وانا م اعرف لا وكمان وزعتيني من بيت أهلكم دا عشان تغني بالعرسان الا اربيك ي هبه

اسي انتي فايره لي اول شي هو ود خالي جا من قطر للبكاء  وحصل انو شافني وطلبني 🙂💃

وبتقوليها لي ي كلبه خلتها زين وطرت بيتنا بعد خميس لي توب منهم طبعا ولباقي يومي دا خميت شنطتي وجيت عسكرت معاهم كيف م السكر دي هبه ياناس

الموهمم مشى اسبوع وكان عرس رضا لبست داك يالفستان وداك ي الشبط دايره اجيب لي عريس واعرس مع هبه 😎💃💃

مشيت الصاله واتلفت زي سواق التكسي وبعد باركت وكشفت زين مشيت اترزعت وهبوووش محبوسه يناسي صورت ليها وامي تشيل وتحمر لي وانا ولا شغاله بيها الشغله 💃🐸🌚

خلص العرس بعد فضيحه بجلاجل من سمسم انو قالت ل وحده من اهل العروس البت دي مطرطشه ساي قاعده لي ف قلبي وم بتعرف تعمل اي شي (اجي اجييي والحبشيه الشغاله في البيت دي ان شاء الله مصطفى ولدك 🐸🌚👣💔🙂) ونحن برا جا مصطفى مسكني رفعني فوق وقال لي عامله بت بت وانا افرفر واعيي فكني ف نهايه فكاني جيت ع وشي وخشمي بقى قدر الصابونه ورم ورم الله يجازيك ي مصطفى 🥺😭

رجعنا وبقينا ف الشيله حقت هبه ونبعو م دايره قعدتي عندهم دي كلو كلو بس انا بهبب ليها كمان جا يوم الحنهه حردتها وحلفت كان امشي امشي كيف واخضر حنه هبه كيف بس 😭😭😭😭😭

م مشيت الحنه ويوم العرس ابكي من الصباح (يناس اقسم انا عندي قلب م قاعده طرطور ساي😭🥺)
بعد العقد اقسم بالله مشيت ادردقت ف الشارع

واااي ليي ليي تعقدو ليها وااي ي خالتو م شفتي هبه حمشي تخلينا واايي ي قلبي

وخالتي جات وقعت معاي وعملنا عمايل سودااا

وعداا العرس والله بقت فاضيه بعد هبه والله يومي بقى اكل نوم نضافه بس حتى تلفوني نسيتو هبه فرقت معاي شديد وف يوم قاعده ف امان الله الباب خبط مشيت فتحتو ولقيت هبه والله عملنا عمايل بطاله شي صريخ وكواريك وزغاريد 💃💃💃💃......

وخلاص دي النهايه ياحلوين اسفه لو في آخر حلقات خميتكم بالخلا والنهايه م مرضيه بالنسبه ليكم بس كان لازم اتمها سرعه نسبه للدراسه وغيرها واسفه اسفه جدااا ع الوعود الكاذبه والقطعات الحصلت المهم اسفه ع كل شي البارت قصير والروايه قصيره واي شي بس خلو لي العذر عارفه انو ف تشابه ف النهايات زي زوله مجنونه بس انا قلت ليكم هي بتشبهها المهم كدا خلاص م اوعدكم ب اي روايه جديده الصراحه بس ان شاء الله نرجع بروايات من نوع تاني كفانا كوميديا بقا ولا ايه المهم مع السلامه

م تنسو التصويت ومتابعه لصفحتي الشخصيه عشان تدعموني وبس يلا بحبكم كلكم

#ابقو -عافيه 💜