كنت رح حط تاغات لصاحب كل سؤال بس كان في أسماء مزخرفة قام استسلمت
طبعا جاوبنا انا وجاد بس جاد طلع يشتري غراض لهيك رح انشر لحالي (':
١) توضيح !
جاد intp عمرو رح يصير ٢٠ بشهر ١١
ريان infp عمرو ٢٠ الشهر الأول من السنة الجاية بصير ٢١
٢) ريان بتحس نفسك انك مو جيد كفاية وانك سيء وما تستحق شي حلو لما شخص يبعد عنك ؟
ج/كنت حس هيك هلأ لاء ببساطة كل شي مؤقت واحتمال باي لحظة اي حدا يتخلى عنك لهيك مو من العدل انو الشخص يلوم نفسو بهيك حالة
٣) جاد عندي فضول اعرف كيف هو شعورك لما تتجاهل شخص وهو يدري فيك انك موجود وانت تدري فيك انه يعرف انك موجود. وكيف بعدين ترد عليه ؟
ج/
بصراحة ما فهمت السؤال صح بس اذا عم تسأل عن شعوري وانا عم اتجاهل الناس ف شعور رائع جدا مخلوط بالذنب بس لسا رائع 😭😂
اما اذا القصد انو اذا حدا تجاهلني قصداً ف كبريائي رح يجعني لدرجة انو رح احظرو وامحي رقمو وانساه نهائياً وممكن صير اتنمر عليه بوشو يعني اعملو حركاات قرف واشمئزاز بس شوفو او اضحك ع شكلو قدامو 🥲
٤) حسابات الانستا عشان اتابعكم
ج/ لسا حاسينها خطوة صعبة بصراحة 🥲
٥)اوصفوا نفسكم بكلمة واحدة
ج/ جاد: "متنمرنرجسي" هدول كلمة وحدة 😂
ريان: ماكنت اعرف كيف ممكن جاوب ف جاد كتب وقال "الأم الحنون"
٦) شو الرياضة الي بتحبوها وشو بتحبو تكونو بالمستقبل؟
ج/ جاد : بحب كرة السلة مع انو سيء جداً فيها
وبدي صير بالمستقبل صخرة ✨
ريان: مابحب ولا رياضة
ورح صير متوحد عايش بوادي
٧) جاد شو ناوي يتخصص بالجامعة ؟
ج/ جاد حابب ينتحر لأنو رسب بسنة البكالوريا بكندا وهي السنة عدتها ادبي بسوريا وطلعت حرفيا أسهل بمراحل من تبع كندا ف حاليا يب ناطر المفاضلات واكتر شي انا منيح فيه هو الأنكليزي لهيك رح فوت انكليزي واختص ترجمان "بظن...
٨) اذا شفناكم بالطريق وحكينا معكم بتتقبلو الشهرة ولا بتهربو؟
ج/ اذا شفتونا وعرفتونا اعزمونا ع قهوة او حليب او مي.... ❤️
٩) صداقتكم بتتأثر بس يقولو عنكم شواذ؟
ج/ ع الواتباد ماضل حدا ما فكرنا شواذ استغفر الله
بس بالواقع كمان كانو يفكرو جاد فيه شي واكتر من شخص نصحني بعد عنو بسبب سوء فهم 🙂
+ اكيد هيك شي مارح يأثر علينا واساسا منتجاهلو سو عادي
١٠) كيف حالكم مع سورية بتوقع ندمانين ع الجية؟
ج/مو ندم بس صدمة بوضع البلد ولأنو جاد ما اخد البكالوريا بكندا بسبب صعوبتها وصار أبوه بدو ينزلو معو بعالم الأعمال وهو مسؤولية نفسو مابقدر يتحملا 💔
١١) وين عايشين؟
ج/ عايشين بسوريا
١٢)كم شخص موجود في عائلة ريان/جاد؟
ج/ ريان: اخ اكبر مني واخ اصغر مني
جاد: اخ اكبر مني وتنتين اصغر مني
١٣)ماذا تفعلان في عطلة نهاية الاسبوع واحكو عن مصايبكم وانتو صغار
ج/ جاد: كل يوم هو عطلة نهاية اسبوع بالنسبة الي بعد ما خلصت بكالوريا وماعندي لا شغل ولا مسؤولية 🙂✌️
بس غالباً منشوف فلم او منجتمع مع حدا من رفقاتنا ومنسهر بالبيت
بالنسبة للمصايب ريان اكبر مصيبة عملها بحياتو انو وقع الخزانة ع اخوه الصغير بدون قصد ووقعت عليه كمان 💔 (اكلت كف)
جاد عندو موسوعة يحكي عنها بس مرة بالمدرسة تنمر ع واحد وضربو والولد غاب يومين وصار جاد عندو سمعة المتنمر بالمدرسة 🙃
١٤) اخر مكان خبينا فيه مصيبة
ج/ جاد : كسرت جوال امي وانا صغير وخبيتو بخزانة اختي ✨✨
ريان: خبيت الكيك تحت التخت مشان ما يشوفو جاد
١٥) نوع الفتيات المفضل
ج/ ريان : مافكرت بالموضوع سابقآ بس بظن ما عندي نوع 🙃
جاد: كل البنات حلوين ✨🥲
١٦) مو مقررين تعملو كتاب عن شي تاني ؟
ج/ فكرنا بالموضوع بس ماعنا اي فكرة عن شو
اذا في عندكم افكار حطوهاااا
١٧) كيف قدرتو تندمجوا مع بعض بهالقوة
ج/هلأ اولا نحن بشر وكل شخص فينا بيختلف عن غيرو حتى لو كنا تحت نفس البرج او نفس النمط او نفس شهر الميلاد مو مهم إجباري في اختلافات
+نحن عملنا من زمان للاختبار عدة مرات وكنا تحت ال١٨ يلي هو سن النضوج والبلوغ فاحتمال ماكنا واصلين لشخصياتنا الحالية ونفس الشي بينطبق ع الجميع
واي اوقات في اختلافات كبيرة بيننا بس كمان مو مهم
مافي سبب انو ندقق ع الاختلافات ابدا لانو مافي حدا متطابق مع حدا ولو في حيكون شي ممل
وبرضو من البداية مو نحن يلي بلشنا الكتاب كانت وحدة من معارفنا وبعد فترة قالتلنا وكملنا بغرض المتعة فأكيد احتمال كبير مايكون في شبه للانماط المذكورة
١٨) أكتر صفة بتكرهوها ببعض ؟
ج/
ريان: وقت يصير شي غلط او شي مشكلة دغري بميل للشخص يلي اخد مساحة بقلبو اكتر حتى لو كان هالشخص غلط بيتجاهل انو على غلط
وعصبي :)
جاد: ريان فيه شغلة بتقلقني عليه وبتزعجني انو بيساير الكل -بجاريهم حسب تفكيرهم- علما انو غالبا ما بكون مضطر والناس هدول بيستغلو طيبتو احيانا بشكل مزعج ومابيقدر يتخلص منهم بطريقة ترضي الطرفين والي كمان بيستنفذ منو طاقة وجهد
١٩)هل ستكملون دراستكم هنا في سوريا؟!
ج/
ريان: انا مسجل بالجامعة الافتراضية تبع كندا لهيك ما بتفرق
جاد: مستحيل ارجع فكر بالدراسة هنيك صعبة !
غير هيك انا مشي حالي رح سجل بجامعة بدمشق 🙃
كان في أسئلة مكررة لهيك دمجنا بعض الاجوبة سوا
____________
هلو اسف ع التأخير بس كنت عم ادرس ووقت خلصت كان جاد عم ياكل فما رضي ننشر لحتى يخلص بعدها تذكرت انو لسا باقي عليي دراسة 💔💔
أنت تقرأ
محادثات intp&infp
Non-Fictionهنا سنشارك بعضاً من مواقف حياتنا كفتيان intp و infp بدأ في: ١٩٧٢٧
