جعلتني ملتزما ❤️بقلم /ملك شعبان

الفصل الاول 💙

* استغفر الله العظيم رب العرش العظيم عدد ما كان وعدد ما يكون وعدد الحركات والسكون ❤️
*اللهم صل وسلم وبارك على سيدنا محمد وعلى اله وصحبه اجمعين ❤
&_____________&
رقيه : انتي مجنونة يا همس بتحبي واحد مش ملتزم كل بنات الكليه حواليه دا يعتبر أصيع واحد في الكليه كلها
حفصه: همس الولا دا مش شبهك خالص يعني أنتي ملتزمة ومختمرة وحافظة كتاب ربنا ومش بتسيبي فرض
لكن دا واحد كل همه البنات دا احنا مش شوفناه مره واحده دخل مسجد الكليه يا همس
همس بدموع :طيب انا أعمل اي دا غصب عني والله وأنتوا عارفين أنا بحبه مع نفسي يعني عمري ما أتكلمت معاه ولا مره
رقيه: احنا عارفين بس لازم تنسيه وتطلعيه من دماغك ربنا أن شاء الله هيرزقك بالزوج الصالح لكن دا مش شبهك خالص دا واحد عايش كل حياته عادي شايف أن الحرام حلال بيكلم بنات وبيسهر معاهم وحياته كلها مش فيها حاجه مفيده
حفصة : خليكي فاكره يا همس أن الطيور علي أشكالها تقع
يعني كل واحد بياخد اللي شبه مش ينفع واحد ملتزم يتجوز واحد حياتها بين الولاد ولبسها كله ضيق ونفس النظام مش ينفع واحدة ملتزمة تتجوز واحد كل حياته خروج وبنات وسهر دا حتي مش بيهتم بدراسته في الكليه
همس بدموع: خير ان شاء الله يلا علشان المحاضره هتبدأ
رقيه وحفصة : يلا
همس ورقيه وحفصه ذهبوا للمدرج كي يحضروا المحاضره
(همس بنت محترمه ومختمرة وملتزمة عمرها ما اتكلمت مع ولد في سنه 2 في الكليه زميلاتها رقيه وحفصة مختمرين وملتزمين . همس يوم ما تحب تحب واحد حياته كلها مع البنات وصحابه كلهم مش كويسين وحياته كلها سهر حتي الكليه مش بيهتم بيها )
&_____________&
حازم في سنه 2كليه وبيحب السهر والخروجات وعايش حياته كلها بيكلم بنات وحتي الفرض مش بيصليه ولا يعرف اي حاجه علي الدين زميلته اللي في الشله اسمها جني بتحبه وبتغير عليه بتحاول تبعد عنده البنات بأي طريقه
جني بدلع : حازم حبيبي وحشتيني اوي .
حازم : وانتي كمان يا قلبي
يوسف : انا خلاص اتفقت مع الشباب وسهي جايبه صحابها وهنخرج النهارده
حازم: ايوه هنروح فين وانت مش عايز تقول من أمبارح
يوسف : لا دي مفاجاءه بقا
احمد: اهم حاجه الخروج فين بقا مش هتفرق
حازم : اشطا أهم حاجه ننبسط .
جني بدلع : احلي حاجه أننا ننبسط يا حبيبي ❤
حازم : طبعا يا قلبي اومال احنا عايشين لي 😂
جني: علي رايك كلهم يومين هنعشهم ننبسط فيهم ونعمل كل اللي نفسنا فيه (وضحكت بدلع )
احمد : طيب يلا علشان المحاضره
حازم : يلا بس هحضر المحاضره دي بس مش هكمل اليوم لان مش ليا مزاج إني أحضر
جني بدلع : وانا كمان مش قادره خالص إني أكمل اي رايك نبقي نخرج انا وانت ونبقي نسهر مع بعض كلنا بليل
حازم : اشطا أنا مواقف
حازم و أصدقاءه وصلوا المدرج و تلقائيا همس نظرت له ثم نظر إلي الجهه الأخري
حفصة : يلا المحاضره هتبدا ركزي فيها
همس : حاضر
و بالفعل بداءت المحاضره وهمس كانت تحاول أن تجعل كل تركيزها في المحاضره ولا تجعله في اي شئ اخر
*حازم حضر المحاضره ولم يكمل اليوم وبالفعل خرج مع جني
وهمس حضرت كل المحاضرات وعندما كانت تنظر مكانه لم تراه
رقيه : قولت ليكي أن حتي الكليه مش بيهتم بيها
همس إكتفت بالصمت وكانت لا تعلم ماذا تفعل وكيف تخرجه من عقلها وقلبها
اليوم إنتهي وهمس ذهبت الي منزلها وجلست مع عائلتها واتوضت وأدت فرضها وظلت تدعو ربنا بأن يخرج من قلبها ويرزقها بالزوج الصالح وقالت الأذكار ونامت
&____________________&
عند حازم بعد أن حضر اول محاضره خرج مع جني واتصل عليه يوسف
يوسف: اي يابني انت وجني فين ؟
حازم: مع بعض أهو في اي
يوسف: اي انت نسيت أننا هنسهر مع بعض ولا اي ؟
حازم : لا مش نسيت احنا هنجيلكوا اهو انتو فين ؟
يوسف : احنا في ********
حازم : تمام
حازم و جني وصلوا عند يوسف وباقي الشباب والبنات
ويوسف أخذهم كي يخرجوا معا
تفاجاء حازم عندما وجد أنهم أمام بار
حازم : اي دا انت جايبنا بار ؟
يوسف: اي يعني اول مره نيجي مش فيها حاجه يعني
حازم : أشطا نجرب
سويف : أشطا
حازم وأصدقاءه دخلوا البار ورقصوا و شربوا وأحبو المكان وقرروا أنهم يأتوا إليه دائما
&_______________&
ظل شهر بأكمله علي نفس الحال
حازم وأصدقاءه يوميا يذهبوا الي البار و سهر مع الفتيات وجني تحاول أن تقترب منه وهو أهمل الجامعة وحاله أصبح اسوء من السابق بكثير
* عند همس ظلت علي حالها لا تعرف كيف تخرج حازم من قلبها فهي تتمني أن تنساه لانه لا يشبها فهو لم يأتي الي الكليه منذ شهر تقريبا ( بالعلم أن همس مش اتعاملت معاه ولا مره ولا اتكلمت معاه ولا اي حاجه )
&________________& حازم قرر أن يعود إلي  الجامعه مره أخري
حازم : أنا زهقت حاسس أن أيامي كلها شبه بعضها
يوسف : لي يا بني كدا دا حتي احنا بنعمل كل اللي احنا عايزينه
حازم : مش عارف زهقان حاسس ان أيامي كلها بقيت روتين ثابت يعني بصحي وقت ما أنا عايز وأنام برضو زي ما أنا عايز وأسهر معاكوا وأخرج وعلي طول فاتح سوشيال وأنا مش عارف مالي كدا مخنوق اوي
جني بدلع ومسكت أيده : قولتلك تعالي نتجوز
حازم : جني انا قولتلك مش هينفع اتجوز
جني بعصبيه : لي يعني ؟
حازم بعصبيه : هو كدا انا مش هتجوز يا جني أعملي اللي انتي عايزاه
جني بعصبيه : ماشي يا حازم( تركته وغادرت )
يوسف : ما تتجوز البنت دي بتحبك اوي
حازم بقرف: وانا مش بحبها هو غصب
يوسف : طيب خلاص شوف واحده تانيه
حازم: زهقت
يوسف : أقولك علي حاجه لاحظت أن في بنات هنا في الكلية مش زي اللي بنمشي معاهم
حازم : ازاي يعني مش زي اللي بنمشي معاهم عندهم رجل واحده؟؟!
يوسف : رجل واحده اي بس أنت عبيط
حازم : مش أنت اللي بتقول كلام غريب
يوسف : ياعم لا دول مختلفين خالص مختمرين  وملتزمين يعني غير كل البنات اللي عرفتهم قبل كدا وأهو تغير شويه شوف واحده فيهم في بنت حلوه  شوفها كدا
حازم : فكره حلوه فين دي ؟ واسمها اي
يوسف : اسمها همس وعندها صحبتها رقيه وحفصه معانا في المدرج مش بتغيب يوم واحد
حازم : بجد مخدش بالي اصلا أن في بنات مختمره في المدرج
يوسف بضحك : عادي يعني انت كنت هتبص عليهم لي أانت حواليك بنات قد كدا
ظل يوسف و حازم يتحدثوا كثير الي أن سارت همس ورقيه وحفصه من أمامهم
يوسف : أهي هي دي وشاور عليها
حازم : أنهي واحد
يوسف : اللي لابسه خمار بنفسجي دي يابني
حازم : اه شوفتها تمام
يوسف : اشطا
*حازم ظل ينظر إلي همس فقد أرتاح عندما نظر إلي وجهها الذي يشبه الملاك فقد أرتاح مجرد أن نظر لها فكيف إذا حادثها  فكان يفكر كيف يتحدث معاها وقد جاءت له فكره وإنتظر عندما كانت بمفردها فهو كان كل ما يفكر بيه هو تغير من روتينه اليومي الذي إعتاد عليه 
حازم : لو سمحتي
همس بدهشه : نعم قصدك انا ؟
حازم بإبتسامه : ايوه انتي
همس كانت متوتره جدا: نعم!!
حازم : انا كنت عايز المحاضرات وكدا لأني غبت كتير وعرفت أنك علي طول بتيجي الكليه
همس كان قلبها يخفق بشده وكانت لا تعلم كيف تتصرف : اه انا فعلا باجي علي طول ومعايا المحاضرات
حازم : طيب ينفع أخدهم ؟
همس : اه تمام بس هما كتير
حازم : مش مشكله
همس : تمام
همس قامت بفتح حقيبتها وأخرجت المحاضرات وقالت: هما كتير أوي انا ممكن أساعدك فيهم
همس في ذلك الوقت كانت لم تعي لما تقول
حازم بإبتسامه ( فقد شعر ان خطته قد نجحت ):ماشي بس لو مش هيتعبك
همس قالت مسرعه:لا مش هيتعبني ولا حاجه
حازم: تمام
بالفعل أخذت بعض المواد كي تسجل له المحاضرات وهو ايضا ولكن همس أصرت أنها تأخذ الجزء الأكبر من المواد
حازم :لا مش هينفع انتي كدا خدتي مواد أكتر مني
همس بإبتسامه : مش مشكله
حازم : شكرا يا همس
همس : أنت عرفت اسمي منين؟
حازم بتوتر : احم اصل انا سألت مين بيجي الكليه علي طول وكدا علشان اخد المحاضرات فقالولي عليكي وكدا علشان كدا جيت ليكي ... انا اسمي حازم
همس بفرحه : تمام
حازم : عن اذنك
همس : أتفضل
حازم غادر وهمس كانت سعيده بأنه تحدث معها وفي نفس الوقت تضايقت من نفسها فكيف لها أن تقف معه وتتحدث معه فكانت لا تعلم كيف تتصرف فهي تعلم أن كلامها معه حرام ولاكن أقنعت نفسها بأنها ستساعده في الكليه لا اكثر من ذلك
رقيه: حازم كان بيعمل اي هنا ؟
همس : كان عايزه المحاضرات لانه غاب فتره كبيره
رقيه بزعيق:انتي مجنونة يا همس انتي ازاي تقفي تتكلمي معاه أصلا يعني مش في غيرك في الكليه علشان يأخد منك المحاضرات ؟!!
&_____________&
رايكم يا قمرات 💙
ياريت تعملوا فوت🌼🌼

بقلم /ملك شعبان ♥️