جعلتني ملتزما ❤️بقلم /ملك شعبان

الفصل الخامس 💙

*استغفر الله العظيم رب العرش العظيم عدد ما كان وعدد ما يكون وعدد الحركات والسكون ❤️
*اللهم صل وسلم وبارك على سيدنا محمد وعلى اله وصحبه اجمعين ❤
&________________&
صباح يوم جديد تشرق الشمس بنورها علي أبطالنا فماذا يخبئ القدر لهم
حازم ظل طوال الليل مستيقظ لم ينام من كثره التفكير في همس فقد تعلق بها علي الرغم أنه لم يتعامل معها كثيرا فهو يود أن يبقي معاها دايما لا يريد أن يبقي مع أحد من أصدقاءه أو اي شخص غيرها يريد أن يبقي لها فقط . فقط هي لا غيرها
قرر حازم أن يذهب الي الجامعه حتي يراها ويحاول أن يتحدث معها و يقول لها أنه لا يستطيع العيش بدونها فإنه لم يستطع النوم وظل يفكر بها طوال الليل عندما علم فقط أنه لن يتحدث معها مره أخري فكيف سيكون حاله بعد عده أيام
&_________&
همس ذهبت إلي االجامعه و قابلت رقية وحفصة وقرروا الذهاب الي كافيه الجامعه حتي تبدأ المحاضرات
وصلوا الكافيه وجلسوا سويا وبعد عده دقائق وصلت لهم جني
جني بجدبه : همس
نظرت لها همس وقامت من مكانها :نعم !!
جني بعصبيه : أنا عايزه أعرف انتي عملتي اي لحازم ؟
همس بإستغراب : عملت اي لحازم مش فاهمه
جني : يعني حازم اتخلي عن صحابه وعني علشانك انتي عملتي له اي ؟
همس :انا معملتش اي حاجه انا ساعدته بس في المحاضرات مش أكتر وقولتله إني مش هتعامل معاه تاني وهو بقا في حاله وأنا في حالي
جني بإستهزاء : يعني هو أتغير كدا علشان بس خد منك المحاضرات !! 
همس: والله أنا مش عارفه هو أتغير لي دي حاجه متخصنيش .. نصيحه مني يا جني الطريق اللي أنتي ماشيه فيه دا حرام وميرضيش ربنا ارجعي وتوبي وربنا بإذن الله هيقبل توبتك
جني بإستهزاء : وأنتي بقا اللي هتقوليلي أعمل اي واسوي اي
همس : جني صدقيني أنتي حياتك كلها غلط بتسهري مع شباب وبتخرجي معاهم ولبسك كله ضيق وعلي طول المكيب علي وشك وشعرك بيبان من الطرحه دا ميرضيش ربنا أنتي لو موتي دلوقتي هتقابلي ربنا إزاي بلبسك دا ؟ ها ؟ هتقولي له اي أصل دي الموضه ؟ ربنا أمرنا بالزي الشرعي علشان يحافظ علينا علشان محدش يفتن بينا أو يبص لينا بصه وحشه كل حد بيبص عليكي باللبس دا بتخدي عليه ذنوب شوفي بقا قد اي شافوكي باللبس دا أنتي متخيله كميه الذنوب !! الكام شعره اللي باينه من الطرحه دي كل واحد هيشوفك هتخدي عليهم ذنوب مش مثلا دول كام شعره وخلاص اي يعني كام شعره
لا الكام شعره دول بتخدي عليهم ذنوب قد كدا !! احفظي نفسك واستري نفسك قبل ما الكفن يسترك اعرفي أن الدنيا دي مش دائما أنها هيجي يوم وتنتهي وهنبقي في الاخره هنتحاسب علي كل حاجه الصغيره و الكبيره هنتحاسب اول حاجه علي الصلاه هو انتي بتصلي ؟!! لم تنتظر همس أن ترد عليها جني واكملت أنتي لو عارفه أن في سؤال جاي في الامتحان هتفضلي تذاكريه لحد ما تدخلي الامتحان علشان عايزه الدرجه فمبالك بقا اانتي عارفه أن الصلاه أول حاجه هنتحاسب عليها وبتضيعيها.. في حجات كتير أوي لازم تعمليها اعرفي أننا جاين الدنيا هنا علشان ندفع تمن الجنه الدنيا دي امتحان لينا واحنا لازم ننجح في الامتحان دا  عارفه أن جهاد النفس صعب بس لو غلطنا لازم نرجع تاني ونتوب وربنا هيتقبل توبتنا  (لا يمل الله من قبول توبه العبد حتي يمل العبد من إرتكاب الذنب ) مهما عملتي ارجعي لربنا انتي مش ضامنه تموتي بحسن خاتمه
كل شاب انتي بتكلمه مش هينفعك يوم القيامه مش هينفعك أول يوم في القبر لي تأخدي ذنوب علي حاجه زي  كدا اللي بيحبك هيجيلك في الحلال علي فكره الحلال أحلي مليون مره ومن الحرام واعرفي أن الحب الحرام  مبيكملش أبدا واي حاجه حرام مبتكملش أبدا
ارجعي يا جني عن الطريق اللي انتي فيه وأنا معاكي لو فعلا حابه تتغيري أنا هيبقي معاكي خطوه بخطوه ثم قامت بكتابه رقمها في ورقه واعطتها لها : دا رقمي علشان لو حبه تكلميني
أخذت جني منها الورقه ولم تنطق بحرف واحد ثم غادرت المكان
جلست همس مره اخري
رقيه :ربنا يهديها
حفصة و همس : يارب
همس :بتمني بجد أنها تتغير
رقيه :أن شاء الله
في هذا الوقت وصل حازم الي الجامعه وظل يبحث عن همس بعينيه في كل مكان ثم راي أحمد
حازم : أحمد
نظر له أحمد :نعم
حازم : احم ماشوفتش همس ؟؟
احمد :باين كدا في الكافيه بتاع الكليه
حازم :تمام
ذهب حازم كي يري همس ويتحدث معها
وصل حازم لها
حازم : همس
قامت همس من مكانها : نعم !!!
حازم :عايزك في كلمتين علي أنفراد
همس: أنا أسفه اي حاجه عايزه تقولها اتفضل بس بسرعه
حازم :احم بصي يا همس أنا طول الليل مش عارف أنام من وقت ما قولتيلي انك هتبعدي عني همس أنا اتعلقت بيكي بجد اه هي فتره صغيره بس انا بجد اتعلقت بيكي همس انا حبيتك 
في هذا الوقت كان قلب همس يخفق بشده وكانت لا تعلم كيف تتصرف في هذا الموقف ولكنها استجمعت قواها وقالت :حازم انا اسفه أوي أولا . انا مش ليا في الكلام دا
ثانيا . انا مسمحلكش انك تقول كدا ثالثا ودا الأهم إني يوم ما افكر اني أتجوز هتجوز واحد ملتزم بيخاف ربنا حافظ القران الكريم بيتقي الله وبيعامل ضميره مبيسبش فرض عارف الحلال من الحرام كويس أعتقد ان مفيش ولا واحده من دول عندك .. أنا أسفه اوي
نظر لها حازم نظره انكسار : علي اي دا حقك عن اذنك
غادر حازم وكانت دموعه تتمني أن تسقط ولكنه كان يجاهد نفسه
جلست همس وانهارت في البكاء
نظرت كلا من رقية وحفصة الي بعضهم ثم حاولوا تهدأتها
رقيه :انتي عملتي الصح يا همس
حفصة : والله هيجيلك احسن منه ميت مره بس كفاية عياط بقا
رقيه :اعرفي أن من ترك شيئا لله عوضه الله خيرا منه.
همس ببكاء : أنا عايزه اروح
حفصه :طيب أهدي بس إحنا لسه مش حضرنا المحاضرات لسه فاضل نص ساعه علي أول محاضره أهدي علشان تركزي
همس :بالله خلوني اروح انا مش قادره 
رقيه : همس آخر كلام انتي مش هتمشي هنخلص المحاضرات وهنروح مع بعض
همس بهدوء:تمام
همس ظلت تبكي وحفصة ورقية كانوا يحاولوا معاها كي توقف بكاءها وبالفعل نجحوا في ذلك
همس :أن شاء الله خير
حفصه : أكيد خير رب الخير لا يأتي إلا بخير متقلقيش
إكتفت همس بهزر رأسها
رقيه :يلا فاضل ١٠ دقائق علي المحاضره يدوبك نلحق
همس وحفصة : يلا
ذهب الثلاثه الي المدرج
&_________________________&
بعد ذهاب جني من عند همس ظلت تفكر ماذا تفعل فكل كلمه قالتها همس صحيحه وهي تعلم أن حياتها خطأ  فهي تأخذ ذنوب علي كل شئ خطأ تفعله وكل هذا ستحاسب عليه بمفردها ولكن كيف ستغير حياتها ؟؟
جني لنفسها : همس عنها حق في كل كلمه. كلمها اثر فيا اوي اي دا بس أعمل اي أفرض فعلا موت علي معصيه هدخل النار !!! لا لا انا مش مستعده أنا اه نفسي ادخل الجنه بس ياتري ربنا هيقبلني ؟!!  ثم افتكرت (لا يمل الله من قبول توبه العبد حتي يمل العبد من ارتكاب الذنب ) أيوه هي قالت ربنا بيقبل العبد لما بيتوب مهما عمل يعني دلوقتي أقدر الحق نفسي طيب هغير حياتي إزاي طيب وابدا منين واعمل اي !! ثم قررت أن تتحدث مع همس فهي الوحيده التي تستطيع مساعدتها
&____________&
غادر حازم  الجامعه بأكملها وذهب الي الحديقه فهي قريبه من الجامعه
حازم لنفسه بندم :انا أه وحش وكل حاجه في حياتي غلط بس بحبها اعمل اي بس مش قادر أبقي بعيد عنها بس برضو هي عندها حق يعني واحده زيها هتبصلي مثلا أكيد هتبقي عايزه حد ملتزم زيها  أنا حياتي كلها غلط بس أعمل اي وقعت في صحاب سوء هما السبب في كل حاجه بتحصل دلوقتي سبب اني مشيت في طريق غلط سبب أن همس رفضيتي
في هذه اللحظه رد عليه ضميره : انت من الاول عارف أن صحابك مش كويسين وطريقهم غلط وانت اللي مشيت معاهم كان في إيدك انك تبعد عنهم لما عرفت أنهم كدا
حازم : غلطت ودلوقتي ندمت بس هي كانت خطوات يعني كل يوم كان الحال بينا بيسوء اكتر عن الاول
ضميره : كان برضو بيدك أنك تبعد أنت مش عندك عقل !! مش ربنا ميزنا بالعقل علشان نفكر ونعرف الصح من الغلط !! متعرفش أن المرء علي دين خليله !! أكيد لو صحابك كانوا كويسين كنت هتبقي كويس لكن هما الأسف صحاب سوء فانت بقيت زيهم 
حازم : انا خلاص هبعد عنهم كلهم كفايه بسببهم خسرت همس
ضميره :لسه مخسرتهاش لو بتحبها بجد أتغير ووقتها هي هتوافق عليك وكمان بالتغير دا ربنا هيغفرلك كل الذنوب اللي عملها وهتبقي من أهل الفردوس
حازم بفرحه اكبر : أيوه صح انا لسه مخسرتهاش أنا هتغير وهتجوزها في الحلال وكمان انا عرفت غلطي وندمت واكيد ربنا هيقبلي
ذهب حازم الي منزله مسرعا ثم دخل الي غرفته دون أن يتحدث مع أحد قط
ظل حازم يتحرك في الغرفه بشكل عشوائي
حازم : أعمل اي المفروض أبدا بإيه ؟. طيب اقوم اصلي أيوه انا هصلي .. قام حازم حتي يصلي وكان يصلي بخشوع تام
بعد أن انتهي حازم من الصلاه : يااااااااااااااه ايه كميه الراحه دي دا انا مكنتش عايز اقوم من علي المصليه بجد الصلاه ليها طعم حلوه اوي كميه راحه فظيعه انا إزاي مكنتش بصلي !!  يارب ثبتي يارب
طيب أعمل اي دلوقتي انا صليت أعمل اي . أعمل اي ايوه تمام انا هقوم اقرا قران شويه وبعد كدا ابدا اذاكر انا اه مفتحتش الكتب من اول السنه بس خير هحاول اذاكر
بالفعل قام حازم بفتح سوره في القران وكانت سوره (الاعراف )وكان يقرأ القران بصوت جميل جداً وكان يتأمله واستوقفته ايه  (  وَالَّذِينَ عَمِلُوا السَّيِّئَاتِ ثُمَّ تَابُوا مِنْ بَعْدِهَا وَآمَنُوا إِنَّ رَبَّكَ مِنْ بَعْدِهَا لَغَفُورٌ رَحِيمٌ) ابتسم حازم وقال إن الله غفور رحيم الحمد لله يارب
أكمل حازم قرأه القران وبعد أن أنتهي كانت ابتسامته تملاء وجهه وقال :  انا إزاي كنت متخلف كدا مش بصلي ولا بقرأ قران إزاي كنت بعيد عن ربنا كدا بجد ليهم طعم حلو اوي حاسس إني فرحان أوي مستحيل اقدر أفرط فيهم تاني
&________&
كانت همس وصديقاتها قد أنتهوا من محاضراتهم وخرجوا من المدرج وكانوا في طريقهم الي المنزل وقابلتهم جني
جني :همس انا عايزه اتغير وابقي ملتزمه !!💙💙

&___________&
رايكم يا قمرات❤❤