السلام عليكم ورحمه الله وبركاته
عاملين اي ♥️
رمضان مبارك عليكم يارب ♥️
كنت حابه اتكلم شويه علي كام حاجه ممكن حد يستفاد منها ♥️
كان في مره شيخ قال إن إحنا ربنا خلقنا علشان نعمل ذنوب انا استغربت في الاول زيكوا كدا بس بعد كدا قال
احنا بشر مفيش حد مبيعملش ذنوب لأن اللي دائما علي طاعه ربنا ومش بيذنبوا ابدا هم الملائكة بس. لكن احنا مش ملائكة ولازم أننا نجاهد ، ربنا عايز يشوفنا بنحاول عايز يشوف صدق نيتنا. مش معني كدا أننا نغلط ونقول في الاخر احنا بشر ؟!
فانا لقيت طريقه حلوه انك مثلا لو بتعمل ذنب وبتحاول تغيره الاحسن و تبطله وهي جابت معايا نتيجه ممكن تجيب معاكوا انتوا كمان 💙
يعني مثلا وانا صغيره مش صغيره اوي يعني لا يكمن لحد ٣اعدادي أو قبل اولي ثانوي تقريبا المهم كنت لما بتخانق مع واحده صحبتي الله اكبر عليا كنت بنم نم يلهوي😂 كنت ممكن اقول حجات حصلت من سنه فاتت المهم اني لازم اتكلم عليها واطلعها غلطانه .حقيقي كنت فظيعه اوي في الحته دي 😂💔
بس الحمد لله ربنا هداني وبدأت اغير شويه من نفسي يعني انا مش عايزه حد ياخد مني حسنات يوم القيامه أو اني ادخل النار بسسب حاجه انا اقدر اني اغيرها بس فبدأت اني انصح غيري بكعس اللي انا بعمله يعني انا مثلا بنم وبتكلم علي الناس .لا خلاص بقا انصح أن النم حرام وان كدا هشيلي ذنب ابسط حاجه لو ماشيه مع صحابك وجابوا في سيره حد قولي /خلاص يا جدعان مش عايزين نشيل ذنب ربنا يهديها ويهدينا جميعا واقفلي الموضوع فأنت كدا تلقائي هتلاقي نفسك بتبعدي علي الحاجه دي يعني انا مثلا نصحت صحبتي أنها متتكلمش علي حد فهاجي بقا قدامها وانا اللي هتكلم علي حد ؟ اكيد لا دا كدا عيب في حقي اوي
يعني مره كنت مكسله اوي اني اقوم اصلي والكسل بقا اللي هو انا مش قادره اقوم حتي بس افتكرت اني اتكلمت قبل كدا علي الصلاه . فاللي هو انا بنصح وانا مبعملش ؟ في ثانيه كنت بتوضي وصليت
الفكره هي انك تنصح غيرك بعكس اللي انت بتعمله هتلاقي نفسك تلقائي الصفه دي بتتغير فيك دا بيكون دافع ليك
وفي حاجه كمان اني اعمل العكس يعني انا مثلا بحب الاغاني اوي مش قادره اني اسيبها وعلي فكره انا كملك كنت مدمنه اغاني حقيقي كنت بسمعها كتير اوي بس مع الوقت مبقتش اسمع غير قليل لو حد شغلها أو فرح وكدا لكن اني اشغلها كدا من نفسي الحمد لله متبحصلش غير قليل اوي ربنا يهديني وهديكوا 💙
واكيد الموضوع اخد وقت لحد ما اتعودت الفكره أن مفيش قلب بيكون فيه القرآن والاغاني مع بعض اكيد في حاجه بتكون اكتر من التانيه انا مش بقولك بقا الاغاني حرام و مينفعش ومتسمعيش والكلام دا لا مش كدا خالص في اغاني من غير موسيقى وكلماتها كويسه ممكن تسمعها وفي اناشيد دينيه جميله جدا ♥️و اناشيد رومانسيه للناس اللي عايزه رومانسي وكدا 😂♥️
المهم انت عايزه تبطيلي موضوع الاغاني زودي من سماع القرأن هاتي صوت شيخ انتي بتحبه واسمعيه وشغليه جنبك علي طول هتلاقي أن قبلك اتعلق اكتر بالقران خصوصا لو بسمعي صوت شيخ انتي بتحبه يعني مثلا في شيخ انا بحب صوته اسمه (حمزه بوديب ) وبرضو (عبدالرحمن مسعد ) تقريبا دول اكتر اتنين انا بسمع ليهم ممكن يعجبوا حد فيكوا ♥️
يبقي انا عايزه ابطل اي ذنب ورقه وقلم كدا واقعدي مع نفسك واكتبي كل الذنوب اللي بتعملها خليكي صريحه مع نفسك في حجات معروفه أنها غلط وفي مثلا ذنوب احنا مش عارفين الحاجه دي حرام ولا حلال ممكن اسال فيها وفي حجات بنعملها ومش في دماغنها انها حرام فدي بتكون من غير قصد لو عرفت انها حرام خلاص بقا ابدأ اغيرها
يعني مثلا انا صوتي عالي لا أحاول اني اخلي بالي من نبره صوتي بعد كدا فاهمين قصدي ؟
ابدا احدد بقا انا هغير من الصفه دي وبعدها الصفه دي وهكذا الموضوع هياخد وقت علشان تعود بس مش أكتر
أنت تقرأ
جعلتني ملتزما ❤️بقلم /ملك شعبان
Mistério / Suspenseروايه / توضح ان من المهم معرفة اشخاص صالحون تساعدنا علي التغير والتقرب من الله سبحانه وتعالي وتعاتبنا عندما نخطئ وإذا حدث وعرفنا اصدقاء سوء لازم نبتعد عنهم نستطيع أن نبتعد لأن الذنوب والمعصيه من خطوات الشيطان وان مهما لإنسان أذنب وتاب بصدق وندم عل...
