ابو التؤام (أحمد): ايلا ايلا
ايلا: نعم يا بابا
أحمد: تعرفي حد اسمه ادم مصطفي شغال مهندس
ايلا اتوترت ومجاوبتش
ايتن: مش ده كان زملينا في ثانوي مش كده
ايلا : ايوه صح ليه يا بابا
أحمد: مفيش يا لولو
ايلا : طالما لولو يبقي
ايتن: عريس صح
أحمد: صح والمره دِ مش هيترفض ولا هيطفش الولد كلمني امبارح وانا سألت كويس عليه والكل شكر فيه وفي أهله وعلي العموم انا هكلمه وابلغه اننا هنقابله بكره الساعه ٥
ايلا: بكره ازاي مينفعش
ايتن: بكره بدري اوي يا بابا
أحمد: مش بدري ولا حاجه يلا روحوا علشان تشوفوا هتلبسوا ايه يلاااا
ايلا وايتن :حاضر عن إذن حضرتك
في غرفه البنات
ايتن: الف الف مبروك يا لوليتا يا قمر واخيرا هاخد الاوضه لوحدي
ايلا : بقي كده عاوزاني اتجوز علشان تاخدي الاوضه لوحدك ونعم الاخوه
ايتن :يلا كفايه رغي ورانا ماسكات واسكرابات للصبح
عند أدم
ادم في الفون: تمام يا عمي بكره ٥ بالدقيقه هكون عند حضرتك مع السلامه
اسر : مبروك يا ادم واخيرا هتبقي عريس
ادم: الله يبارك فيك يا حبيبي عقبالك
اسر: عرفت مامتك وباباك
أدم : لسه مش عارفه أجبها ازاي انا كنت رافض فكره الزواج خالص فجاه اقولهم يلا رايحين نتقدم للبنت اللي بحبها
بتدخل في اللحظه دِ مامت أدم (ثريا)
ثريا: بنت مين يا ادم
ادم : احم ماما اهلا تعالي
اسر: ازيك يا طنط بالاذن بقي يا آدم سلام يا طنط
ادم: عيل واطي
ثريا: رد عليا يا ادم في ايه ومين دِ
ادم: البنت دِ تبقي أيلا احمد الشافعي كانت زميلتي قي الثانويه فاكره وتبقي اجمل بنت شافتها عيني بحبها اووووي وكلمت باباها ووافق اننا نتقدم بكره
ثريا: كل دا من ورانا يا ادم
ادم : والله يا ست الكل كل حاجه جات فجاه انا اول ما شوفتها مصدقتش نفسي وكلمت باباها علي طول امبارح ولسه مكلمني انهارده
ثريا : ماشي يا ادم بس مش هعديهالك وخريجه ايه ايلا ودا اسم دا
ادم : كليه علوم واسمها جميل و ومعناه ضوء القمر وهي كده فعلا وانا متأكد انك هتحبيها اوووي
ثريا: لما نشوف وهتعرف باباك امتي ان شاء الله
ادم: حالا هنزل اعرفه
ثريا في نفسها : ام نشوف ست ضوء القمر دي
في غرفه مكتب ابو ادم ( مصطفي)
مصطفي : انت اتجننت يا ادم ازاي تفكر كده يعني ايه باباك يبقي سيادة المستشار مصطفي العدلي وعاوز تخطب واحده ابوها شغال حتة محاسب
ادم : لو سمحت يا بابا دا اختياري واحنا من امتي بنشوف الناس بالطبقيه دِ
مصطفي : مش قصه طبقيه احنا نتعامل عادي مع الناس كلها بس مش لدرجه اننا نناسبهم
ادم : بابا انا خلاص إديت كلمه لبابا ايلا ومعتقدش حضرتك ابدا تحب تصغرني قدمهم
مصطفي: علي اساس انك كبرتني قدمهم انت حتي مكلفتش خاطرك تعرفني قبل ما تكلمهم علب عموم عاوز تروح عندك امك واختك انا مش رايح مكان
ادم: شكرا يا بابا عن إذنك
علي الجانب الاخر عند أسر
اسر بيكلم صورة أيتن وهو بيكمل رسمها : مش ناويه تحنِ بقي يا قمري بس اكيد هيجي وقت وتحبيني وانا مش هستسلم بحبك اوي يا ايتن
عند ادم
ادم بعصبيه : يعني ايه مش هيجي معايا اروح ازاي يعني من غيره مينفعش يصغرني
اخته ( فرح) : اهدي شويه يا ادم قولهم عنده شغل مهم وهما هيتفهموا اكيد
ادم: وبعد كده ازاي هنتجوز وهو مش موافق وانا مش هقدر اسيبها لا مش هقدر انا مصدقت لقيتها
فرح :متقلقش يا حبيبي ايلا جميله وطيبه وهما هيحبوها وهيتقبلوها الموضوع بس شويه وقت روح نام بس كده يا عريس وكله هيبقي تمام يلا تصبح علي جنه
أدم :وانتِ من اهلها
عند أيتن
أيتن في الفون : أيوة انا أيتن
مجهول: ممكن نتقابل حالا في كافيه**** موضوع حياه او موت يخص تؤامك
أيتن : مين معايا وايلا مالها الو الو
يتبع
فاطمة جمال
