وعدي الاسبوع بين فرحه أدم وايلا وتجهيزاتهم ليومهم المنشود و بين قلق أيتن علي اختها وانها عارفه انها هتتجوز فب عيله مش بتحبها وبين احلام آسر بأيتن اللي مش بتخلص وطبعا بين حقد وغل علي الجوازه وتخطيط انها ازاي هتخرب
" ليلة كتب الكتاب"
أيلا : ااااه انا مش قادره اصدق والله يعني خلاص كلها الليله دي وهبقي حرم الباشمهندس أدم يا فرحه قلبي
أيتن :ربنا يكمل فرحتك علي خير يا قلبي
أيلا : امين يا روحي ويارب ترضي علي الواد بقي حرام عليكي
أيتن : ايلا علشان خاطري بلاش نتكلم في الموضوع ده
أيلا : لا مش هنتكلم غير فيه ممكن افهم ليه كده انت بتحبيه ومتخبيش عليا انا تؤامك يعني عارفه كويس اوووي بتفكري في ايه وبتحسي بإيه
أيتن بدموع : أيلا انا أيوه بحبه وبحبه من زمان اوووي بس مش هينفع مش هينفع خالص تمام
أيلا : ليه بس انتِ بتحبيه وهو بيحبك فين بقي المشكله
أيتن : كفايه كلام انهارده لازم تنامي بدري ورانا تجهيزات كتيره اووي بكره ماشي
أيلا : تمام يا ست الغامضه نخلص بس من حوار بكره ومش هسيبك غير لما تحكي كل حاجه علشان انا زهقت منك ومن سكوتك
أيتن : ان شاء الله يلا بقي نامي
أيلا : استني
أيتن: ايه تاني
أيلا: بحبك
أيتن: مي توو يا قلبي تصبحي علي جنه
أيلا :وانتِ من اهلها يا قلبي
أيتن في نفسها : انا قلقانه اووي حاسه ان الموضوع مش هيكمل علي خير يلا أيلا نامت اروح اكمل كتابة مذكراتي
في بيت أدم
ثريا: يعني ايه مش هتحضر كتب كتاب ابنك
مصطفي : لا والله علي أساس ابنك احترامني اووي اختار البنت وحدد معاد بدون علمي وبعد كده عاند معايا ورايح قابلهم وايه كمان يحدد معاظ كتب الكتاب وهو عارف إني رافض مم الاساس كأنه بيحطني امام الامر الواقع ودي حاجه انا مقبلهاش أبدا زي ما عمل كل حاجه لوحده يكمل بقي وانا مش هحضرله حاجه وكفايه اووي اني لسه بعتبره إبني رغم عصيانه لكلامي
فرح : بس يا بابا ادم هيزعل اووي
مصطفي : انا قولت كلمتي ويلا كلكوا بره
أدم بيدخل عليهم
أدم : السلام عليكم بابا ممكن اقعد مع حضرتك
دقيقه
الكل : وعليكم السلام
مصطفي: انا قولت اللي عندي ولو مكنتش سمعت خلي اختك تقولك
أدم: بابا لو سمحت دقيقه واحده بس
مصطفي : تمام
ثريا وفرح بيطلعوا وكل واحده بتروح اوضتها
نروح لفرح شويه
فرح بغضب : كل حاجه بتبوظ مني يعني خلاص ايلا هتتجوز أدم بردو وفكره اني اخوف أيتن منفعتش ولا حتي كلامي مع بابا جاب فايده سابه يتجوزها مش قادره افهم ليه كل ما اعمل حاجه تبوظ حتي امي بعد ما اقنعتها انها متنفعش زوجه بمجرد ما شافتها معرفش حبيتها علي ايه بس كتب الكتاب مينفعش يتم بأي حال من الأحوال حتى لو وصلت للقتل
عند أدم
أدم : يا بابا انا مليش غيرك يعني إيه كتب كتابي يتم من غيرك
مصطفي : زي قراية الفاتحه بالظبط
أدم: يا بابا علشان خاطري والله ايلا انسانه كويسه جداا وعمي أحمد بردو والله راجل محترم
مصطفي: انا قولت كلمه ومش هرجع فيها دول مش من مستوانا ولا شبهنا
أدم : تمام يا بابا علي العموم بعد كتب الكتاب هحاول اقنع ايلا نعمل الفرح بسرعه وبعد الفرح انا هسافر.ط ومش هرجع تاني غير لو زيارات ما هو مش هقدر اعيش في مكان مراتي مرفوضه فيه
مصطفي:انت بتقول ايه انت بتهددني
أدم : لا طبعا انا بس بعرف حضرتك علشان تكون علي علم بكل حاجه
مصطفي: لا والله فيك الخير
أدم : فكر علشاني يا بابا علشان فرحه ابنك تكمل
مصطفي :خلصت كلامك
أدم : أيوه عن أذنك
مصطفي :إذنك معاك
بيمشي أدم وهو عارف ان ابوه هيحضر بس قلقان اووي
بينام الكل و بيجي يوم جديد يوم مليان مشاعر مختلفه بين فرحه وقلق وخوف وغل وكره
أيلا :أيتن أيتن يا بنتي
أيتن : سبيني انام بالله عليكي لسه بدري
أيلا : لا يلااا بقي انهارده كتب كتابي يا ناااس
أيتن : خلاص صحيت اهوو عاملة إزعاج ليه بقي يا عروسه
أيلا :يمكن علشان انا العروسه مثلا
أيتن : وبعدين
أيلا : وبعدين ايه لاا فوقي معايا كده ورانا حاجات كتير أنا عاوزه ابقب زي الملاك
أيتن: انتِ ملاك فعلا يا قلبي والله محد زيك ولا هيكون
أيلا : تعرفي يا ايتن مع انك اختي وتؤامي يعني بس طول عمري بحسك امي علشان حنيتك عليا وخوفك وقلقك ودايما متوليه كل اموري و بتعامليني كأني طفله بحس اني بنتك عمري ما حسيت إني مفتقده مامت لانك كنتي قايمه بدورها وبدور الاخت الكبيره مع ان بابا قال إن انا اتولدت قبلك
أيتن : مكنتش دقيقه
أيلا : ونص
أيتن بتحضن ايلا
أيتن : انتِ بنوتي يا هبله وبحبك اكتر من نفسي
أيلا : وانا كمان
أيتن: يلا كفايه عواطف ورانا هم ما يتلم
أيلا : والله فصيله بجد خرجتيني من الموود انا ماشيه اصحي بابا
أيتن بتبسم وبتفتكر أسر لما قالها كده : شكلي فصيله فعلا وانت مكدبتش يا استاذ أسر
بعد وقت قليل عند أدم
أدم : انا خلاص جاهز كله خلص
فرح وثريا وأسر : كله تمام
أدم : تمام يلا بينا
مصطفي : وانا كمان جاهز
أدم بيبتسم وبيحضن والده : كنت متأكد انك مش هتخذلني
بتيجي اللحظه المنتظره لأيلا وادم
وبيحضر المأذون وبداؤا مراسم كتب الكتاب وقبل ما يتم بتصرخ فرح
يتبع
فاطمة جمال
