#رواية _خيانه
#بقلم_أمل_مصطفي
#البارت_
***********
ظل مستيقظ حتي بزوغ النهار أستمر جلوسه علي السرير فتره مشتت المشاعر وهو يلوم نفسه لأنه أخطاء كثيرا في حقها ويجب عليه إصلاح الوضع و الإعتذار لها يكفي ما ضاع من عمره في وحده وعذاب
توجه للحمام أخذ شاور وخرج أرتدي بدلته ونثر عطره وتوجه بخطوات متردده إلي غرفتها طرق الباب بهدوء ولم ينتظر الرد فتح الباب
دلف إلي الداخل لم يجدها ناداها لم يتلقي رد توجه للحمام وجده خالي
شعر بقبضه بارده تعتصر قلبه مش معقول تكون مشيت زي ما طلبت منها مش معقول تسيبني
دا أنا حبيت نفسي وحياتي من نظرتها ليا
قام بالأتصال عليها وجده مغلق فتح دولابها وجد ملابسها جلس علي طرف الفراش وهو يشعر بالعجز
أسف يا حبيبتي أرجعي وأنا هتغير عشانك وهعوضك
عن كل جرح وكل دمعه كنت السبب فيهم وجد فوق الكوميدين فيزا وعقد شقه وجواب
فتح الجواب
بسم الله الرحمن الرحيم
لما تفتح الجواب هكون أنا خرجت من حياتك للأبد
زي ماأنت عايز وأسفه لأني ماكنتش الزوجه اللي بتتمناها أسفه لأن ماقدرتش أكسب قلبك
أسفه جدا لأن ماعرفتش أداوي جرحك اللي مكنتش
عارفاه بس أنا متأكده أن في حاجه جرحاك مانعتك
تشوف عشقي ليك بس أنا مسمحاك عمر الحب ماكان
غصب
بدعيلك تقابل اللي تقدر تخفف ألمك وتنسيك الماضي بأوجاعه بس مش أسفه أن حبيتك وهفضل أحبك
لأخر يوم في عمري
لم يستطع منع دموعه قبل الجواب وقربه إلي قلبه
أنا بعشقك يا عمري والله من أول مره شوفتك فيها
وأنتي بردتي نار قلبي ورجعتيني للحياه بس أنا كنت خايف ومحتاج أحس بالأمان وحياتك كنت راجعلك
بس كنت محتاج شوية وقت بس شوية وقت
************
ده إقتباس صغير
من روايتي الجديده
خيانه
أتمني إنها تنال اعجابكم
أنت تقرأ
خيانه
Roman d'amourيعيش داخل ماضيه المؤلم ولا يستطيع الخروج منه ويأذي كل شيء جميل إنتقاما لهذا الماضي
