(عنوان القصة )
(مابعد ممات روحي)
اني محمود من محافظة بغداد
مواليد 2001/1/3انتقلت روحي الي جوار ربها في عام 2016/5/11 الي هي (أمي)
جنت اشتغل بكوفي او وكف الشغل كلش وكعدت ضليت كاعد حوالي 5اشهر جان الي صرف علية من كعدت هي امي ومو عيب فخر اليه لان ما لتجأت للطريق الخطأ مثلا بوك تسليب ومن هاي السوالف بتاريخ 2016/3/7 جنت كاعد بالغرفة وضايج اجتني امي كالت حمودي يمة شبيك ضايج بعد امك كوم اتعشة ادري بيك ضايج لان كاعد من الشغل وحقك بس اني ماقصر وياك فدوه الك الفلوس شتحتاج بدون متكلي اني ادري وادري بيك عدك عزة نفس ومتطلب حتلو ماعدك بس اني امك حبيبي كتلهة يمة اني لشوكت اضل اخذ منج اريد اشتغل انتكل على نفسي المفروض اني اصرف عليج مو انتي باستني وكابت دكوم تعشة ويصير خير كمت دا اتعشة بس اني كلش مالي نفس بالأكل ولخاطر امي كمت
المهم كملت اكل وضليت اكلب بالتلفون صارت الساعة ب12نمت
ماحس اله الساعة ب8الصبح كعدتني كلتي كوم خل نروح مدام ابوك اليوم مطالع للشغل خل نروح بسيارتة كتلها وين كالت دكوم والك الصافي المهم كمت سبحت وبدلت وتريكنة ورحنة اني وامي وابوية بس ماعرف وين رايحين اسألهة تكول الك الصافي المهم طبك ابوية على محل مال ذهب كلولي ابقة بسيارة خاف يجي واحد مرور
كتلهم ميخالف بس لهنا اني مادري شكو المهم نص ساعة او اقل طلعو صعدو بالسياره ابوية ضل يشاقة كلها هسه محمود يسوالة 75 ورقة
كلتلة لعد هو المن يباوع غير امة وابو احسن يصير بي شي شنو بعدين تفيدنة الفلوس يشوف اخوتة يشتغلون واحسن ملابس واحسن تلفونات وهو كاعد وهذا بالواقع صحيح
كتلهة ييمة شنو الموضوع كالت واللة ماكلك ضامتلك شغلة بعدين راح تعرف طلعت متفقة ويا ابوية حتا يشترولي فد مشروح وابوية يدري بنسيبي عندة مشروع يريد يبيعة المهم رحنة لبيت اختي كعدنا طلعو الفلوس انطوهن لنسيبي واتفقنة المشروع هو مولدة مل خطوط بعمارة جبيرة والمشتركين كحلات يعني بنص سوك ومنطقة شعبية رجعو امي وابوية للبيت واني رحت ويا نسيبي حتا اتعرف عالعالم واستلم المشروع منه رجعت بليل بس الفرحة متنوصف وبنفس الوقت مقهور على امي باعت ذهبهة علمودي وابوية هم شكو عندة فلوس انطاهن باشرت ثاني يوم بالشغل من الصبح لليل ساعة ب٨اعزل لان بس محلات ويعزلون من وكت استمريت بالشغل يومية قبل لا اطلع اكعد الصبح الكة امي كاعدة محضرتلي ريوك مخليني اطلع اذا ماتريك اروح للشغل تخابرني ها يمة وصلت الظهر تخابرني يمة تغديت العصر تخابرني ها يمة محتاج شي اكلها لايمة بس سلامتج تكلي يلا بعد امك تجي بليل تلكة العشة حاضر من اعزل ورجع بطريق تخابرني ها حبيبي انتة وين اكلهة جاي بطريق تكلي يلة بعد امك لتتأخر حضرتلك العشة والحمام حتا تجي تسبح وتتعشة استمريت على هذا الروتين لحد قبل وفاتهة بشهر تمرضت وضربوها ابره بالمستشفى بالغلط وصلت الموت💔 اني هنا تمرضت نفسيآ عقليآ ذهنيآ اروح للشغل دمعتي بعيني وبالي يمهة اخابر تحجي وياي بالكوه متريد تخوفني عليهة تكلي حبيبي مبية شي عادي قابل واحد ميتمرض ورا 3اسابيع شوية تحسنت ورجعت حياتي طبيعية قبل وفاتهة بيوم واحد جانو خوالي يمنة الي همة امهة واخوهة وعايلتة وابوهة وجان يوم بي الفرح مينوصف واحنا كاعدين عمي الجبير خابر على ابوية عمي هم مريض كال لأبويه انتة مو واعدتني تاخذني ازورني شريبة بنت الحسن ع شنو متعاجز مني ابوية كلة على بختك خوية شنو متعاجز باجر اخذك بس جان الاتفاق يرحون ابوية وعمي بس خلص هذا اليوم كعدت الصبح كالعادة امي كاعدة كتلهة صباح الخير يالجنة خالت صباح النور يبعد امك يلا غسل والجاي عالنار داسوي ريوك الخوالك حتا تتريك وتروح لشغلك كتلهة واللة يمة ماشتهي العسل راح اروح وهناك بالشغل اذا جعت هواية مطاعم موجوده وامداني ماتريكت وياها بهذا اليوم🥺🥺😓 رحت للشغل خالرتني ب10كالت هايمة تريكت كتلهة اي هسه انتي شبعدلج مكطوع كلبج علية كالت لعد اني شعندي غيركم غير انتو فرحتي بهاي الدنية كملت حجي وياها سديت التلفون وضليت بشغلي لحد هنا اني معندي علم امي تروح للزياره ولا هية نوب خابرتني الظهر حتا تعرف اني اكلت لو لا العصر كالو صاير انفجار بسوق بمريدي بالمدينة اني لزمت كلبي لان ابوية يشتغل بسيارتة هناك ونسيت هو اليوم يروح للزيارة ادك مغلق صارت الساعة ب٨ عزلت ورحت للبيت بس شنو كلبي نار على ابوية كلت يمكن بي شي وماخابرت على امي كلت ماريد اسببلة قلق واني دافكر دك التلفون امي حجيت وياها طبيعي بس كتلكم اني ميت على ابوية وخايف عليه من الانفجار كتلهة هلة يمية شلونج كالت بخير يبعد امك كالت وصلت للبيت كتلهة لا لعد انتي وين كالت رايحة ويا ابوك للزيارة كتلهة صدك تحجون اني كلبي راح يوكف ادك على ابوية ميجاوب عبالي بي شي صاير انفجار بمريدي وماخابرتج خفت ليصير بيج شي كالت لا الحمداللة مبي شي بس تليفونة مابي شحن وطافي واصلآ اليوم ابوك مطلع للشغل
