ارض محرمه

البارت 2

237, أرض محرمه

بقلم نسرين الجبوري

البارت الثاني

بعد مرور عشرة أيام على وفاة... والدي عمي يوميه يجي...بحجة يواسينه ويمثل دور العم الحنون...بس اول بطوله سواها....بطلنه من المدارس....

_سمعني اربعتجن زين....من اليوم بعد مدارس ماكو...ماعدنه بنات يطبن ويطلعن...

عمو ليش هيج تسوي....بابا جانت امنيته...يشوفنه متخرجات وشهادات بيدنه....

سناء ما اريد اسمع...صوتج من اشوكت تجاوبيني....ابوج مات واني هسه بمكانه....واني ادره بمصلحتكم....

عمو انته كلتهه ابونه مات... ولو جان عايش مجان قبل بلي كاعد تسوي....ماما ليش ساكته احجي شي ...

_بنتي عمكم يريد مصلحتكم...ويخاف عليكم من ذيابة الشارع...ولو الحرام اهوايه مالين الشوارع...

من سمعت كلام امي....واشون طابكه ويه عمي غسلنه ايدينه منهم ...حجيت بداخلي والله ماكو غيركم ذيابه...و ولد حرام انتي ويا....بيومهه عرفنه الكلام وياهم عقيم... وره يومين اجتي مرة عمي ...على امي تركض....

_ولج خيه تعالي ويايه لحكيلي....

_شكو اشبيج شنو الصار....

_امشي ويايه هسه للبيت ....

طلعت امي وياها واحنه....ركضنه وراهن دخلنه البيت عمي...وشفنه بل غرفه مال ضحى....ابشع منظر ضحى نايمه والدم...طالع من بين رجليهه مفيضهه...ومفيض الكاع صاير عدهه نزف...

_ولج خيه عزه العزاج هاي الابنيه...صاير عدهه نزف....ولج خيه من شنو صار هذا النزف عند الابنيه...خاله ضحى اكعدي تسمعيني...

راحت امي على ضحى...تكعد بيهه وماكو متكعد....

_خيه هاي الابنيه ميته...تصخمتي وين رجلج....خلي يجي ياخذ بنته للمستشفى...

_طالع ما ادري وين راح....

_فهميني شصار بل ابنيه...انطيني جرجف دى اغطيهه

_ما اعرف شي يجي حازم ويسولفلج...

انصدمنه بموتت ضحى خسرت... حياتهه وهيه بعز شبابهه من وره ابوهه العار...بقينه كاعدين نبجي وننتظر عمي العار....يجي حتى ياخذ ضحى للمستشفى...و ام ضحى كاعده تبجي بعدهه...كامت تحجي حجي احنه البنات...افتهمنه بس امي مفتهمت شتحجي مرة عمي.... 

_يمه ماتت بنتي وحيتي...الله ينتقم منه الجان السبب...اني شلت ذنب موتهه...اني الي طمطمت وتسترت على الموضوع....

_شتحجين انتي فهميني....

هستوهه تريد تحجي مرة عمي....الامي الي صار جان يدخل عمي العار ...

_شكو اشبيكم تبجون شصار...

_البقيه بحياتك حازم ضحى انطتك عمرهه...