ارض محرمه

البارت 8

207, أرض_محرمه

بقلم نسرين الجبوري

البارت الثامن

خلال فترة الحمل مال زينه تعبت وياها... لان شكل عدهه صعود الضغط و ورمت.... و رجليهه صارو يخوفون صار عدهه زلال ...خطيه هيه هم حيل تعبت مضت... اربع اشهر و دخلت بل سابع بس... بطنهه جبيره وديناها للدكتوره... اني و عامر و طلع بيهه بنوته.... بس كالت الدكتوره الطفله كولش نازله... و احتمال يصير عدهه ولاده... بل سابع لازم تنام على ظهرهه و متتحرك....
رجعناها للبيت و طلعنه اني و عامر...اشترينه جهاز للطفله و جربايه...كملنه كل غراضهه و اخذنه... عشه جاهز بيتزا و رجعنه للبيت...بعدهه بثمانية ايام ساعه تسعه بل ليل...جان تعيط زينه....

_لج فرح الحكيلي وجع موتني....ااااااخ عامر الحكلي وديني للمستشفى...

_ها شكو ...

بسرعه عامر طلع السياره... يمكن صارت عدهه ولاده راح... ادخلهه للحمام اذب على ...جسمهه مي دافي حتى نروح للمستشفى....

_ماشي بس استعجلي...

تمام دخلتهه بسرعه ذبيت عليهه... مي دافي جان ينزل منهه مي قوي....

_لج فرح بسرعه نزل مي الطفل...

بسرعه لبستهه ملابس... نظيفه و لبستهه عبايه و شال و اخذت... جنطة الطفله إجه عامر طلعناها...صعدناها بل سياره ليوره و كعدت يمهه...خطيه بس تتوجع...

_اااااخ يابه راح اموت ولج يمه... الحكيلي ولج يمه راح اموت الوجع موتني....

من جابت طاري ابويه و امي... و بقت تكول يمه الحكيلي...من كل كلبي و بحركه و بدموع تنزل نار على وجناتي...دعيت على عمي يا ربي اقسى... العذاب عذبه ياربي حرمنه... من اعز ناس بحياتنه...يا ربي اوكف ويه زينه و احفظهه و احفظ بنتهه.... و لا تحرك كلبي بعد بنار الفراك...

_لج فرح شي طلع من عندي....

شنو ولج لتخوفيني....

_لج ما ادري شوفي شنو اكو شي ديطلع...

بيوم الرفعت الدشداشه و شفت رأس الطفله طالع.....يمه لج زين رأس الطفله طالع....لج شنو هاي الطفله دتطلع....هاي دتجيبين شسوي هسه لك عامر بسرعه...

_دا امشي باقصى سرعه اشبيدي يا رب هونهه....

_لج فرح أحس بيهه دتطلع بعد الزميهه و جريهه...

اي زينه ادفعي لج طلعت ايدهه.... و صدرهه بقت بس رجليهه لزمت... الطفله وجريتهه ويه دفعة زينه.... وطلعت بس اكو شي مجلب ما ادري شنو....اخذت الطفله حضنتهه بس كلهه دم...دمرتني والسياره ادمرت...جنت مخليه شال على راسي من البرد نزعته...  و لفيتهه بي  لج  زينه جبتي شوفيهه اشكد حلوه...بس هذا شي مجلب بيج و بيهه ما اعرف شنو...اشويه و بجت الطفله...وصلنه للمستشفى نزل عامر كالهم...اجوي يتراكضون علينه و اجه واحد دكتور....بسرعه كص هذا الي مثل الحبل....و اخذ الطفله وطب يركض...و البقيه شالو زينه و خلوهه على السديه ...و طببوههه و بعدين دخلوهه الصالة... الولاده مخلونه ندخل....