💖𝚃𝚘 𝙼𝚢 𝙰𝚗𝚐𝚎𝚕💖 || 𝙹𝙹𝙺 (𝙲𝙾𝙼𝙿𝙻𝙴𝚃𝙴𝙳)

💖To my angel💖

ගුඩ් හෝප් වෙඩින් පැලස්.... කොරියාවේ තියෙන ලස්සනම වෙඩින් හෝල් එක. හොඳ බලාපොරොත්තුවක නමක් තිබුණත් අද ඒකෙ තියෙන වෙඩින් එක ගැන මගේ හිතේ නම් තිබ්බෙ ඒ තරම් හොඳ බලාපොරොත්තුවක් නෙවෙයි.

ඔව් අද එතන තිබුණේ කාලයක් මන් වැඩියෙන්ම ආදරේ කරපු....
අදටත් ආදරේ කරන.... මගේ ඒන්ජල් කිම් ටේසුගේ වෙඩින් එක.

හෝල් එක පුරාම හිටපු සෙනඟ අතරින් මම ඉස්සරහට ආවෙ ඔය ලස්සන ඇස් දෙක බලන්න.... ඔව් මගේ ඒන්ජල්... මම දැක්කා ඔයාව...

ඒත් ඔයා මාව දැක්කේ නෑ මැණික.... ඔයාට විතරක් නෙවෙයි හෝල් එකේ හිටපු කිසිම කෙනෙක් මාව දැක්කේ නෑ....

වෙඩින් එකට ආපු අනිත් අය හැමෝම ඔයාට සුභ පතද්දි මම විතරක් තනියම පැත්තකට වෙලා හිටියේ ඔයාට මාව පේන්නේ නැති නිසා....

එදා මගේ අතේ එල්ලිලා හිටපු ඔයා අද වෙන කෙනෙක්ගේ අතේ එල්ලිලා හිටියේ එදා වගේම හරිම හුරතල් විදියට....

ඔයාගේ මූණෙ හිනාවක් තිබුණා.... හරිම ලස්සන හිනාවක්.... ඒත් ඒ හිනාවට යටින් හැංගිලා තිබුණ සිතුවිලි ඇතුළෙන් මම දැක්කා මගේම ප්‍රතිබිම්බයක්....

අතීතයේ වුන හැමදෙයක්ම මොහොතකින් මගේ ඉස්සරහ මැවිලා පේන්න පටන් ගත්තා.

යුනී එකේදි මමයි ඔයයි මුලින්ම මුණගැහුන හැටි....
ඔයා මගේ ස්ටඩී පාට්නර් වුන හැටි....
මන් ලෙක්චර්ස් කට් කරන්න හදද්දී ඔයා මාව බලෙන්ම ලෙක්චර් හෝල් එකට ඇදගෙන ගියපු හැටි....
ටිකෙන් ටික අපි දෙන්නට දෙන්නා හුඟක් ළං වුන හැටි....
මටත් නොදැනීම මන් ඔයාට ආදරේ කරන්න ගත්ත හැටි....

ඒ මතක සයුරේ කිමිදෙමින් හිටපු මාව ඊළඟට පාවෙලා ගියේ යුනී එකේ ග්‍රැජුවේෂන් ඩේ එක දවසට... එදා තමයි මම ඔයාට මගේ හිතේ ඔයා ගැන තිබුණ හැම හැඟීමක්ම කියන්න බලාගෙන හිටපු දවස... ඒ වගේම එදා තමයි මගේ හිතේ තිබුණු හැම බලාපොරොත්තුවක්ම බොඳ වෙලා ගියපු දවස....

ඔයා එදා ස්ටේජ් එකේදි පපුවත් අල්ලගෙන ඇදගෙන වැටුණ හැටි මට තාමත් මතකයි.

එදා ඔයාව හොස්පිට්ල් ඇඩ්මිට් කරපු වෙලාවෙ ඩොක්ටර් කියපු වචන කීපයකින් මගේ හදවත කෑලිවලට බිඳිලා ගියා....