سلاممم
بموتتتتتتت طبعا اكو ناس حتكول بسمه ولزكت بشغله
المهم الي ماله خلك يقرا خلي يطلع والي يحب يقرا لان البارت بي ذكريات واشياء ممكن تفيد.
اعرف كومه ناس رايحين ثالث وطلبو احجي لان اني جنت موترتهم ببارتاتي فحقهم يعني
المهم
اول نقطه مالكم علاقه بدفعه 2021 لانهم مادرسو اي شيء جان يوم واحد بالاسبوع والاكتروني يعني ابد لاتخافون. انتو حدرسون سنه كامله وحسب النظام
ثانيا لا تاخذ الثالث بأستهزاء ابداً يعني كل موضوع تاخذه بأي ماده اقرا بيومه وكأنو باجر عندك بي امتحان ولاتأجل وتكول اقرا بفترا المراجعه او اقرا بأمتحان الشهري لان انتو حداومون حضوريي كل الايام ماكو وقت عدكم للتأجيل ويتراكمن عليكم واذا تكولون بعطله الجمعه والسبت فهنا اكيد مدرستكم راح تخليلكم يوم الاحد امتحان شهري. طبعاً مدرستنه ام العربي ربي يحفظها جانت كلما ناخذ موضوع ادب تكول عدكم امتحان الاكتروني بي لحد ماخلتنه ندرخ الادب. طبعا اول موضوع بالادب يغث بس سهل ركزو عليه
ثالثاً لاتكول معندي وقت انت اذ جان دوامك الصبح ترجع ب1 نام 3ساعات وابدي اقرا ماده ماده عندك 10 ساعات منا لل 12 والي يساعد اهله نشيل 4 ساعات ف 6 ساعات زين.حتلو تسهر واتركو الواتباد والمبايل بوقت الدراسه لان يشغلك و فشله شكبرها كدام الطلاب تكوم مامحضر.
رابعاً حتكولون واحنا اذا حضرنا يومي قابل بالشهري او بنص السنه او بأخير السنه حأذكره اكلك اي طبعا راح تذكره اذا انت قاري من كل كلبك بس تباوعله راح تذكره مثلي اني جنت احضر من كل كلبي وبالشهري واخير السنه اتذكره.
خامساً لاتهلك نفسك بالدراسه علمود ال 100 مااكلك عوف دراستك بس لاتهلك نفسك يعني تجيبها من شهر 9 ل شهر 7 مدري 8 انت بس تقرا ومامنطي نفسك فكه
اتذكر انو هيه مرحله مو مصيريه مرحله عاديه بس درجاتك حتطلع بالانترنت ويشوفوها كرايبك.
سادساً اذا جنت ماتفهم على مدرسك الي بالمدرسه واكثر الطلاب ميدخلون خصوصي اقرا على اليوتيوب ترا المدرسين دُررر يخبلون
اول مدرس حيدر وليد مااعرف شنو اوصف هذا الاستاذ كل الكلمات قليله بحقه
ططبعاً حتكولون بسمه احنا بالرياضيات نقرا على علي صادق او استاذ باسل الزبيدي او اكو بعد غيرهم ف اكلك انو محد يشرح شرح مثل حيدر وليد ولاتكولون حيدر وليد ممل وعلي صادق يونسنه بالدرس ف احب اكلك علي صادق ميونس على صادق يطلعكم من انتباهكم وتركيزكم. عموما اني مااحب المدرس الي يضحك بدرسه.
ونوب نجي للعربي العربي ماجان عندي مدرس زيننن كلش انو يوصلي المعلومه بس مدرستنه جانت كلش زينه اولا نجي للادب الادب انت تقرا او اذا عندك ملزمه اقرا بيها اسئله واجوبه والقصايد على محمد الحمو لو ماهوا جان اني ماحفظت القصائد ابدا وحتى اخوي سادس ديقرا عليه اما القواعد القواعد حيره كلش جبيره مااكدر انصحك بمدرس واحد لان اني قريت على هواي اول مدرسه سمر والثانيه رفل الزبيدي هي اكثر وحده درست عليها وبعد هشام المعموري يمكن هيج اسمه. فيب اني قريت على هذول بالعربي بس اكثر شيء رفل +داحجي عن الكتاب الاول بس لان الثاني ماشفته اصلا
