هلاووو شلخباررر
حتى وانتوا مو طلاب رابع ادخلو يمكن تنطون ملاحظه او شيء .
بما أن عندي وقت فراغ كلت اكتبلكم هذا البارت .
العام من سويت بارت ثالثيون وشاركت المدرسين والملازم والاشياء الي درست عليها هواي كالو استفادينه من البارت ف جنت اكلب هل فترا وشفت ناس بدت تدرس رابع وناس لخ خايفه تدخل لمرحله الاعدادي ومن هل حجي .
ف اي بما ان اني كملت رابع وصرت خامس رسميا اجيت اشاركم تجربتي😔❤.
اول شيء الرابع من ابسط واحلا والطف مرحله مرت عليه شكد مااكول ان هي حلوا مراح اوفي حقها من الاصدقاء ومن كل النواحي .
اول ماده هي الاسلاميه حححموت والله عيب تتسمى ماده على كد البساطه مالتها بالكورسين جد كيوت كلششششش . وحلوا بس عداوتي ويه احكام التلاوه لذلك درجتي نزلت بس مو هواي 😔
ثاني ماده العربي الي طيح حظ حظي ومعدلي طبعا العربي مااكول ان اوميكادددد صعب صعب كلشششش بس ان بي صعوبة ومدرستنه جانت كلش مسويتنه عقده تكول اني افتح القرآن واجيبلكم ايات ههههههه .
وربي عقدتني ومن وراها ردت اعمى من البجي علمود درجاتي المهم العربي مو ذيج الصعوبه وهي ترجع للمدرس اذا جان زين وياكم لو يريد يسويلكم عقده . اخر فترا عرفت استاذ اسمه استاذ احمد النعيمي تحس يشرح من كل كلبه وفهمت عليه . اما الادب هو حفظ ولازم تدرخ مو كلش صعب بس مااحب الادب واي يعني انجبرت اقرا ورقه وقلم وجابت نتيجه حلوا .
ثالث ماده الانكليزي صراحة هو كلش كيوت وسهل بس اني مو قوية بالانكليزي لذالك واجهت صعوبه وكارهته بس ان عادي وحلو وتكدر تمشي حالك بي على احمد فوزي .
رابع ماده الكيمياء خلي اكون صريحه وياكم الرابع بشكل عام يلطمون لطم من الكيمياء حرفيا .
ليش؟
الكورس الاول احس كلش كيوت اني وصراحه كلش حبيته وسعي جان كامل وجنت اقرا على حسين العاشمي بس الي وياي بالشعبه جانو يدكون ويلطمون بس جانو يقرون على حسين حمزه .
السبب الثاني الكيمياء كلها رياضيات لازم اول محاضره تتعلم الاساسيات حتى تكدر تسيطر واوكي ماده الكورس الاول كلش حلوا بالنسبه الي قريتها على حسين الهاشمي .
ماده الكورس الثاني كلش كلش كلش عانيت بيها لان حسين الهاشمي مجان منزل الماده ورحت اقرا على حسين حمزه ودرجاتي زفتتتتتتت . واصلا العضويه ممفهمومه ومعقده ف اي ماده الكورس الثاني يحتاجلها كعده عدله وتركيز . اقروا على حسين الهاشمي نصيحه مني اخذوها
خامس ماده الاحياء الاحياء بيها هواي حجي ويحتاجله ورقه وقلم وتضبط الفصل مال الحمامه والسمكه والفصل الاخير هذول الاثنين الي جنت مااحبهن بس رغم ذالك عادي ورقه وقلم ولخصت كلشيء ودرجاتي كلش حلوا وهو اصلا حلو .
ماكو استاذ لان احس الاحياء لازم انت تكعد ورقه وقلم بس جانت عندي ملزمه اقرا بيها بالنت من اتذكر اسمها اكوله بالتعليقات .
سادس ماده الفيزياء صراحة الكورس الاول كرهتها كلشششششششششش جانت مدرستنه تجيب خارجي الفكرا والارقام واني مجنت متعلمه عليها واجهت صعوبه لان ماعندي استاذ وبالبدايه قريت على علي السوداني ومجنت افهم .رغم جانت درجتي زينه بس اني كاره الماده .
بالكورس الثاني لا جانت اكثر ماده درجاتي بيها عاليه واكثر ماده كيوتتت بالنسبه الي لان عرفت شلون اقراها وعلى منو . قريت على علي الذهبي وابد ماتندمت وطبعا يحتاج تفهم وهم بيها كلاميات شوي يراد تفهمهن قبل لاتحفظ اكعد ورقه وقلم وكلشيء ينحل .
سابع ماده الرياضيات ححححححححموتتت والله تافههههههه ومتستحق مسمى الرياضيات خاصه الكورس الثاني بسيطططططططططط
الكورس الاول اوكي اعترف شوي بيها دوخه بس كيوت يعني تتعلم الاساسيات ينحل كلشيء ومو صعب ودرجاتي كيوتييي .
الكورس الثاني وربي سهللللللل سهل سهل مو شلون مجان ودرجاتي كامله بي 😔.
ثامن ماده هي الحاسوب اوه والله جنت اكرها خاصه الكورس الثاني معقددد بس تكدر تكعد وتحفز الكورس الاول اما الكورس الثاني لا لازم تفهم .
بالنهايه مااكول ان الرابع جنت نايمه ونجحت بي لا صراحة جنت هواي اجهد نفسي علمود الدرجات وهواي جنت ابجي على العربي بس بعدها مهتميت ونسيت من شفت درجاتي اخر السنه .
وبالاخير اتمنالكم الموفقيه والنجاح وهم انتوا هل فترا حيعلنون النتائج يارب النجاح للجميع
اي سؤال حتى وان جان تافهه لاتتردوون اني موجوده .
نصيحه مني ادري كلكم تردون اعفاء ف مو معناها ترحون تاخذون عطلتكم حتى تقرون للرابع والله الرابع ميستاهل لو يستاهل جان كتلكم روحو اقروا حتى تطلعون اعفاء بس بسيط وميستحق كلشيء بيومه وكلشيء بوقته راح ينحل كلشيء.
مع السلامه.
