خواطري 💙

سبب هروبنا تعبنا 💙

عارفة انك تهرب من كل حاجه مش شجاعة ولا حاجه حلوة والمفروض نواجه كل حاجه اين كان نوعها بس لما طاقتنا خلصت خوفنا اننا نخسركوا ف اخترنا نهرب نلف ونمشي من غير كلام ومن غير اي حاجة بس اننا نهرب من مواجهة معاكوا عارفين ان نهايتها ان انتو تبقوا برا حياتنا انا فاكرة موقف حصل معايا كنت بكلم امي بقولها اتمني يجيلي كلية في محافظة تانية وامشي من هنا رد امي عليا سعتها صدمني بس رديت عليها رغم ان ردي مكنش كامل قالتلي للدرجادي بتكرهينا انا زي ما اكون كنت متوقعة ومكنتش متوقعة قولتلها مش كدا بس عادي وسكت كنت حاسة بالمراره اللي بلعتها من كلامي بس حقيقي كان وجعي فاق كل حاجة مكنتش عايزة افضل ومكنتش عايزة  ابعد بس في حاجات لازم نخترها واحنا عارفين كويس ان فيها اضرار لينا وللي مننا بس فيها راحة لينا عشان كدا بنحاول نهرب نفسنا نرتاح كل حاجه بتحصلنا ورا بعضها مفيش راحة مفيش رست مفيش هدنة طبيعي نتعب ومع اول فرصة تيجي نبعد عشان كدا مش من حق حد يلوم علينا ابدا احنا تعبنا وحقيقي محدش حس بينا ولا ساعدنا كل كان بيحط علينا حقنا نمشي ومنرجعش هي فيها انانية بس انتو كمان كنتوا انانين معانا ف اتعلمنا منكوا ودا اللي حصل بس كنتوا عايزين تحققوا حلمكوا فينا بس احنا حقيقي تعبنا ف لازم نهرب 😔💙

بقلمي . الاء اشرف 💜😇