للمرة التانيه حروفي مش راضية تساعدني وتقف جمبي زي كل مرة لما يبقي جواك حاجات كتير بس بتنهي سؤال مالك ب مفيش انا تمام الحمدلله رغم الحاح البعض عليك انك فيك حاجه وانت بتبقي محتاجه دا بس مش في كل وقت في وقت بتبقي محتاج حضن محتاج تعيط محتاج تصرخ تعمل اي حاجة غير انك تتكلم بتبقي عايزة تخرج اللي جواك واللي بيحرق قلبك باي طريقة غير انك تحكي مش قادر تحكي مش قادر تقف علي رجلك تبان قوي من برا قدام الكل اللي يشوفك لا يمكن يخطر علي باله انك منهار من جوا في وقت بنبقي محتاجين نسكت فيه محتاجين حضن ناس بتحبنا يحتوي كل كلامنا وكل خوفنا بس بحضن مش باننا نتكلم محتاجين ايد تطبطب من غير كلام مش محتاجين كلمة معلش لانها بتزود وجعنا وتخلينا نلوم نفسنا اننا اتكلمنا ف بنبقي جوانا نار بتحرق قلوبنا ورغم كدا احنا بنجاهد ونعافر عشان نخرج ضحكة نطمن بيها اللي حوالينا واحنا عايزين اللي يطمنا بنعمل مع الكل اللي نفسنا انو يتعمل معانا عشان مبقناش قادرين كل حاجه بتيجي تكسر فينا حاجه حقيقي احنا بقينا هاشين اووي من جوا ومش حمل حاجه اتمني نقدر نقف تاني لان الاستسلام عمره ماكان من صفاتنا رغم كل حاجه واي حاجه حصلت معانا احنا ااقوي دايما وقدها
YOU ARE READING
خواطري 💙
Randomلطالما أحببت أن أُسطر كل تجارُبي وخيباتي علي هيئة نصوص وكلمات متناسقة وبدأت بإخراجها للعالم بعد تفكير طويل ربما يجد أحدٍ نفسُه بين سطوري 🤎
