صعيدي علمني الادب

٦

بيقوم بدر وبيدخل الحمام بيبص للمرايه بشرود وبيكح بيظهر دم في الحوض ..

بيغسل ايده بالميه وبيغسل الحوض وبيغسل وشه وبيطلع .

...............................

في الليل...

روح: يااااه 

يونس: يااااه ايه بتفكري في ايه يا مصيبه

روح: ياااه لو حرب الطماطم شغاله !

يونس: ايه !

روح: لا ولا حاجه دي لعبه احنا نرتاح بقا

يونس: اه كفايه كده بقا ونرجع بلدنا مصر ام الدنيا 

روح : ايوه طبعا كده كده هانروح يا نمر ما احنا مرجوعنا لمصر طبعا..

يونس: مش عارف ليه مقلق منك 

روح: اخص عليك يا نمر انا اقلق ..

يونس: لأ خالص..

روح: تصبح علي جنه يا نمر 

يونس بيحضنها  ..

يونس: بعشقك

روح بضحك: عارفه قول حاجه جديده

بيضحك يونس عليها وبينام .

............................

في الصباح...

مصطفي: لساك زعلان مني يا بوي عارفك ماعندكش غير يونس هوا حبيبك انما انا لاه

شاكر: بقا اكده 

مصطفي: متغير ياما عن زمان ...فين ابوي الحنين اللي ايده فرطه .

شاكر: هات من الأخر ياواد عاوز ايه !

مصطفي: رضاك عني بالدنيا يا بوي.

شاكر: راضي روح كليتك بقا 

مصطفي : ايوه هاروح 

شاكر: عايز ايه يا مصطفي

مصطفي: عاوز 100000 جنيه 

شاكر: وه ..ليه مش عاطيك مصروفك 

مصطفي: خلاص يا بوي مش عاوز ..دانك اقهر فيا اكده لحد ما هانهار واكتئب ..

شاكر: عاوزهم ليه يا مصطفي سيبك من الحديت الماسخ ده

مصطفي: بصراحه ...عاوز اجيب ساعه روليكس يا بوي