#البارت_الواحد_وثلاثون
يونس: كيف كل ده يحصل واحنا مانعرفش وليه عمي ما خبرنيش وليه صابر عليها السنين دي كلها .
شاكر: كان عايدور عليها لحد ما ظهرت حاول معاها بس هيا حيه ما رضيتش تريحوا حتي قبل مماته
يونس: طب ازاي هيا توأم روح وهيا مع مصطفي في الكليه
شاكر: عاتقول انها اجلت كام سنه
يونس: حاسس ان في حاجات مش فاهمها لحد دلوك يا بوي طب عمي كان متأكد ما اظنش انه متأكد
شاكر: ايه اللي بيدور في دماغك يا يونس
يونس: عمي صارحني من اول يوم انه تعبان طيب ليه ماخبرنيش عن سر واعر زي ده وماخبرش روح هيا كانت هاتفرح اكيد هو خبرك امتي يا بوي
شاكر بيسند علي الكرسي وبيفتكر....
كان وقت فرح يونس وروح وهو كان واقف وواضح انه بيفكر في حاجه طلع يونس وروح اوضتهم وبدر دخل المكتب وشاكر
شاكر: مالك يا خوي ليه شارد
بدر : ولا حاجه مبسوط يا شاكر اخيرا هاتطمن علي روح
شاكر: ربنا يسعدهم
بدر: انا عاوز احكيلك عن حاجه
شاكر: احكي يا خوي
بدر: ساميه
شاكر: مالها نذير الشؤم دي
بدر: بعد ما سارة ماتت بعتت لي فيديو
شاكر: فيديو ايه ؟!
بدر: فيديو ليها والممرضه بتديها طفله لسه مولوده وبتلفت حواليها وبعد كده خدتها ومشت
شاكر: مش فاهم
بدر: انا لما عرفت ان سارة حامل كانت ظروفي وحشه وماكنتش عايز اعرف النوع حتي وسارة كانت عارفه ظروفي كانت بتبقي تعبانه مش بترضي تقولي لحد الولادة راحت مستشفي حكومي وولدت روح
شاكر: يعني مراتك كانت حامل في توأم وساميه خطفت البنت التانيه
بدر: ايوه
شاكر: واتأكدت من الكلام ده
بدر: شوفت الممرضه وضغطت عليها واعترفت بكل حاجه
شاكر: وساميه لما كان في ايدها تخطف ماخطفتش الاتنين ليه
بدر: يعني مش عارفها عشان تحرق قلبي العمر كله عليها عشان مايبقاش في ايدي حاجه اعملها
