البارت الاول
-ماما انا رايحه الجامعه عايزه مني حاجه
. . لا يا حبيبتي ربنا معاكي
وصلت البنت الجامعه ده اول يوم ليها ف الجامعه متعرفش حد لسه هتتعرف علي بنات دخلت الجامعه وبعدين دورت علي الكليه بتاعتها انها كليه الطب البشري دخلت الكليه ودورت علي المدرج اللي هتدخله دخلت المدرج وقعدت ف البينش التالت ....
اه صحيييح
نسيت اعرفكو عليا
انا اسمي نارين اللي كنت بتكلم معاها دي ماما اسمها اسماء بابا اتوفي وانا ف تالته ثانوي وعندي اخوات ولدين محمد ف تالته هندسه ومصطفي ف اولي ثانوي انا ف اولي كليه طب بشري كنت جايبه ف الثانويه99
فلاش باااااااك....
ليوم النتيجه
نارين: ماما انا خايفه اوي
اسماء: اهدي يا حبيبتي خير ان شاء الله
محمد: النتيجه ظهرت يا نارين
نارين: شوفها بسرعه يا محمد
فتح محمد اللينك وشاف النتيجه وكانت نارين قاعده خايفه
محمد: نارين انتي جبتي 99 ي حبيبتي
نارين: بجد متهزرش معايا انا جبت كده بجد
محمد: اه والله اهوه
وشافت نارين النتيجه وعيطت ومامتها زغردت وهي كمان عيطت من الفرحه وكان يوم فرح عندهم ف البيت نارين افتكرت كلام باباها معاها
باااك...
فلاش باك تاني اقدم شويه
احمد والد نارين : يا بنتي انا عايز اشوفك دكتوره قد الدنيا قبل ما اموت نفسي اشوفك دكتوره مشهوره كده وكل الناس يقولو عليكي دكتوره الفقراء وتحسي بالناس يا حبيبتي..
نارين: ان شاء الله يا بابا بس متقولش كده انت هتعيش وهتشوف اولادي كمان انت هتبقي زي العسل يا بابا وبعدين انت وعدتني انك مش هتسبني ابدا وهتقف جمبي عايز تمشي وتسيبني وتخلف بوعدك ليا !!؟
احمد: وانا يا بنتي مضمنش عمري ممكن اموت ف اي وقت انتي عارفه مرضي..
نارين: بعد الشر عليك يا احلي بابا ف الدنيا
احمد: روحي كلمي ماما بتنادي عليكي
مشيت نارين من هنا وبعدين باباها مات زي ما يكون مستنيها تطلع علشان يموت لان الشخص اللي بيموت روحه بتبقي متعلقه باقرب حد ليه ولما هي مشيت هو مات ..
رجعت نارين لباباها لاقته مات فضلت تعيط وتلوم نفسها وتقول يا ريتني ما سبتك يا بابا وعدي تلت ايام العزاء بتاع باباها وافتكرت كلامه معاها وانها لازم تجيب طب وبس باي طريقه خدتها وصيه من باباها وهي لازم تحققها باي وسيله
باااااااك....
نرجع تاني للكليه قعدت نارين وجت بنت قعدت جمبها وفضلو يتكلمو واتصاحبو هما الاتنين وبقت دي اول صاحبه ليها اسمها نوران وفضلو يتكلمو شويه لحد ما الدكتور دخل واتعرف عليهم وجه الدور علي نارين
الدكتور احمد: اسمك اي
نارين: اسمي نارين احمد الدهاشنه
الدكتور: بتقولي اي.. واتصدم الدكتور
هنعرف ليه الدكتور اتصدم من الاسم؟؟
ممكن تفاعل لو عجبتكو
