هلا والله شخباركم اعرف تاخرت بتنزيل بارت بس مجان عندي مجال اكتب يالله نبلش ونكول بسم الله)
لينا.. بعد ماعرفت ابوي مريض كمت ابجي وسمير كسر خاطره عليه وبقه يلعب بشعري لمن غفيت بوحدي
سمير... اليل كله افكر ب لينا كسرت خاطري لذالك كلت خل ادزها باجر شوف ابوها خطيه
لينا.. كعدت الصبح وسمير بعده نايم كمت غسلت وبدلت لكيته كاعد كال سويلنه ريوك علمود ادزج لهلج شوفين ابوج اني كلش فرحت من سمير كالي هيج
وبسرعه شبكته وشكرته
سمير.. لينا شبكتني وشكرتني وبعدين وخرت كتله يالله بسرعه علمود تحضرين نفسج وروح
لينا... تمام هسه سوي ريوك بسرعه
سمير... دخلت سبحت وبدلت نزلت للغرفه لكيت لينا مجهزه الريوك كعدت اريد اتريك لينا مرادت تتريك لان تريد تروح تبدل بس خليتها تتريك
لينا... سمير اصر انو اتريك وتريكت وصعدت بدلت ونزلت بسرعه لكيت زهراء بت عم سمير جايه اهووووه
وكتها تجي هاي الحيه استغفر آلَلَهّ
لينا... سمير اني جاهزه يالله روح
زهراء... خير وين تردون ياحلوين
سمير... اريد اودي لينا لهلها من زمان مشايفتهم وابوها مريض هم
زهراء... ها خوش لينا شكد تبقين يمهم
لينا... ماعرف والله شيقرر سمير اقبل
سمير... تبقه 4ايام وتجي من زمان هي عنهم
زهراء.... اها تمام
سمير... لينا جبتي فونج
لينا... اي جبته
سمير... يالله نتوكل
لينا... رحنه وكل طريق صافنه وسمير محجه وياي شي
وصلنه للبيت كال سمير نزلي اني ماكدر انزل وسلم على اهلج لينا
لينا... من كال هيج ضجت لان مراح ينزل يسلم
كتله تمام
سمير... شفت لينا ضاجت
كتلها لينا دقيقه كالتلي ها خير سمير امرني
كتله خل اجي وياج مصدكون شكد فرحت لينا
لينا... من كال هيج صارلي جناحات وطرت من فرحه هههه 😂
دكينه الباب طلع علي اخوي اووف مشتاقتله هواي حيل حضنته وبجيت
سمير... هاي ليش حضنته 😐😐
علي... شلونك خويه سمير
سمير... الحمدلله بخير انت شلونك شخبارك
علي.. الحمد الله على كل حال
لينا... دخلنه وسلمت على اهلي وبجيت هواي لان مشتاقتلهم هواي هواي
سميرهم سلم عليهم وعلى ابوي سلم
سمير يباوعلي شلون ابجي ضاج لان بجيت هواي
ماما فرح عزمت سمير للغده بس مابقه لان العصر عنده دوام
سمير...لينا تعالي دقيقه
لينا... صاحلي سمير وطاني مصرف الي وكال شنو تردين او تحتاجين بس خابريني
سمير... نطيتها مصرف الها وكتلها شنو تردين خابريلي
سمير... رجعت للبيت لكيت امي مسويه غده وزهراء موجوده فكتله يمه صاعد ابدل وجي اتغده واروح للدوام
صعدت جاي البس بدلت دوامي وبقه بس القميص اجت زهراء دخلت للغرفه بدون استئذان ابد
صحت بيها شنو جاي سوين اليدخل يدك الباب ويدخل باحترام
زهراء... شدعوه سمير مصار شي اوكي اسفه
سمير.. لبست بدلتي وردت اطلع وحجتني زهراء
زهراء... سمير اريد احجي بعد ماكدر اتحمل كلبي وحنيني وحبي الك دمروني ماجاي اصورلك لغيري لو لينا سمير فدوه افهمني اني احبك من الصغر والله احبك
سمير... نصدمت من حجي زهراء
وكتلها جاي تحجين انتي اني رجال مزوج كافي هل حجي الماصخ
زهراء... موبيدي احبك وبعدين لينا فصليه طلكها وخل نزوج اني وياك سمير احبك والله
سمير... لينا مرتي كافي هل الحجي بس رايح للدوام اني
زهراء... منو كال لينا تحبك الك ها منو كال
سمير... زهراء اخر واول مره تحجين هل سوالف كافي
سمير... طلعت عنها
زهراء... اني الج يالينا والله ماخلي سمير الج هين
رحت خابرت ميس صديقتي وحجيتلها وكالت عوفيهم
وكتله والله ماعوفه الها ال ازوجه لسمير
بعدين اذكرت محمد عاجبته لينا تمام يالينا راح نبلش لعب
نزلت يم ام سمير وزينب
كلت زينب على رقم لينا وطتني
كتله بحجه اسئل على ابوها
وبعدين رحت راسلت محمد وكتله رقم لينا عدي وابوها مريض وسئلت عليه
كال عادي اخذ رقم واسئل على ابوها كتله اي مابيها شي وهذا واجبنه نسئل عليهم
محمد.. راسلتها لينا وكتلها هلووو
لينا... رقم غريب راسل وحاوبت
كتله هلوات
كال شلونج كتله تمام بس منوو وياي كال محمد اني ابن عم سمير حبيت بس اسئل على ابوج شلون صار
كتله تمام الحمدلله تسئل عنك العافيه
وبقينه نحجي حجي عادي
وبعدين اترخصت ورحت عنه ومسحت المحادثه
زهراء... سمير رجع للبيت ولاكيته بالمطبخ كتله سمير اسمعني فدوه اروحلك اني والله احبك ليش تكسر كلبي ليشششش 😭💔
سمير... زهراء كافي كافي ترى مصخت سالفه عيب هل حجي
زهراء... تدري ليش مجاي تحبني لان تحب لينا الخاينه
سمير لينا خاينه والله ماتحبك ولاراح تحبك
سمير... شنو جاي تحجين انتي
زهراء... مثل ماسمعت لينا خاينه وباجر جيبلك دليل
سمير... زهراء روحي نامي وباجر الله كريم عود (خلص البارت الرابع عشر) الكاتبه قمر
فدوه شجعوني بتصويتكم لان والله تعليق وتصويت يسويلي واهس وحتى عندي بعد قصه ماعندي واهسه انزلها يالله اخليكم وي القصه ان شاءلله قراءه ممتعه
