عطر له ظل

عطر له ظل الجزء الثالث

عطر له ظل ,, الجزء الثالث .. رواية بقلم #الدون_دى_ساد_الشرق_علاء_الدين

وهنا تحدثت بصوت ضعيف جدا يكاد أن يصل فقط لمسامع سحر

,,ماستر خسارتك أنك مش ماستر .. تجلد بدون حزام وتحتوى بدون ملامسه .. يخربيت جبروتك يا شيخ,,

قالتها بكيانها وروحها . نطقت بحال لسانها مغيبه تحلق بعالم السعاده , وتحركت بداخلها مشاعر لم تألفها لدرجة كادت أن تبكى ,, ورددت بهمس يحمل التمنى

,,هل فتنت بك .. أنت تشبه كثيرا سيدى المنتظر,,

وربما أنت يا ماستر

سحر: بت يا ملك ..فوقى مالك ايه اللى بتقوليه ده .. ماستر ايه يخربيتك .حد يسمعك,,

ملك وكأنها تفيق من حلما وتنظر الى سحر متلعثمة الحروف غير قادره على تدارك الموقف وما شعرت ونطقت به

ملك: مش عارفه بجد يا سحر ايه اللى حصل لى .. مش هقدر أخبى عليكى أحاسيس كتير جوايا حساها متلخبطه بس كل اللى أقدر أقولهولك أن علاء فعلا قريب جدا بكل ما فيه من الماستر اللى بحلم به دايما.

سحر يا بنتى أرحمينى بقا وأعقلى .ماستر اايه وازاى الراجل ده ماله ومال ميولنا ,, هو فعلا مثقف وواعى وكل تصرفاته محسوبه .. وفعلا شخصيه مبهره وتقدر تسيطر بطريقه مستحبه من اللى أدامه لكن برده مش معنى كده اننا نتخيله ماستر

واياكى تقولى أى كلمه من الكلام ده أدامه الله يكرمك خليكى بعقلك وما تودناش فى داهيه .

ملك : حاضر .. حاضر أسكتى بقا علشان شكله خلص البروفه وجاى علينا .

علاء بابتسامه هادئه يقترب منهما ,,,

علاء : ايه الأخبار يا ترى عجبكم الجو ولا ايه رأيكم؟!!

ملك ناظره الى علاء نظرات تكاد أن تفضح أعجابها بهذا الشخص وعيناها تتسع وتزداد لمعانا يعبر عن جزء بسيط مما دار بداخلها ,,

ملك:رغم أنى أول مره فى حياتى أدخل مسرح وأشوف كل الأمور دى عن قرب وأحسها بس بجد أنت رائع وما لكش حل..

سحر تقاطع حديث ملك وتتدارك الموقف لتنقذ صديقتها من حديثها الذى يحمل هياما وعشقا

سحر: بص يا أستاذ علاء هو سبحان الله رغم أنى فى البدايه حسيت بقسوتك خصوصا لما صعب عليا الناس وهى بتتذكر ذكريات وأمور صعبه مرت بها فى حياتها .. لكن فى نفس الوقت أبهرنى تقبلهم لده بمنتهى الوعى والحب .. والأجمل لما حسيتهم فى الأخر بيوصلوا لمرحلة هدوء ملحوظه .. بجد صعب جدا القدره على دمج الألم بالرضا .

علاء : بصى يا سحر سهل جدا أى شخص يسبب الألم لشخص ما ويوصله للأنين لكن الأصعب أن اللى بيدير الحوار ده يقدر بالفعل يفسر الأنين ويحتويه ويحوله لقوه.