ذيب
رجعت للبصره ابد ماجنت اريد ارجع كلبي تكطع نكطع على ازاد من بجى بالكو
الا شوي اجيت ابطل وكلام زمرد الابرد من الثلج هم وصلت ودكيت الباب فتحوا
وستقبلوني الاهل كلهم تغدينه وكعدنه نشرب جاي
ذيب:يمه اربد احجي وياكم بموضوع
ام ذيب:خير يمه صاير شي
ذيب:لا بس يمه تعبت اريد ارتاح واجه الوكت الي لازم ارتاح بي
اسر:شنو بالك
ذيب:اربد اسلم المشيخه لعمي سجاد وهوه تقاعد ف يلتهي بيه وادري بيه انه
حكيم وراح يحل مشاكل الناس احسن مني
ام ذيب:ليش يمه جا هذه الشي الوحيد البقه من ابوك
ذيب:يمه تعبت انه تعبتت وابوي لا تذكرنه مشيخه ولا اي شي ابوي عايش بگلوبنه
ام ذيب:صح كلامك يمه سوي التشوفه صح
ذيب:ابدوا بموا بغراضكم اسبوع ونسافر
اسر:وين
ذيب:راح احقق امنيتج يمه مو دوم تكولين اتمنى اعيش بكربله راح تعيشين بكربله
ام ذيب بفرح:صدگ يمه
داليا:ياااااي شكد حلو معقوله كل ما نشتاق للزياره بعد نلبس عبينه ونروح مو
بالسنه حسنه
ذيب:هههههه اي حتى سايق راح احطلجن
ريان:احلا خبر راح اسمعه بحياتي
اسر بشقه:اوكفي شوي حجيه هوه ماماخذج لسواد عيونج تره علمود حبيبت
الكلب
ذيب بشقه:انجب ادبسزز علمود الثنين
ام ذيب:شني يمه ياحبيبه
اسر:مو زمرد عايشه بكربله
داليا بشقه:اكول شعجب منك من الشيطان اثاري كلبك هناك
ذيب:يلااا بله كلام فاضي باجر وراجن شغل وعزيمه وعدجن سبوع واحد فقط
تحضرن بي غراضجن اقل السبوع حتى كلشي لا تاخذن فقط الملابس
البيت راح اعوف بي بس الاثاث
ريان:تسوي فضل والله كلش نرتاح
ذيب:بس ملابسجن كل الملابس اخذنه ذهبجن لان راح اقفل البيت
ام ذيب:ان شاء الله يمه
ذيب
خابرت عمي سجاد وكلته على سالفه المشيخه رحب بيه وعجبته الفكره اجه باجر
وسويت عزيمه وسلمت المشيخه اله بحظور كل الشيوخ وثائر يباوعلنه بحقد
كملت السالفه وبدينه نلم بغراضنه شتريت بيت يم بيت نيران كلش طبعا همه بيوتهم
هيج تصير
بيت العميد فارس. اسواق ومعجنات
بيت زمرد بيت يوسف
وهنا صار بيتي بيت حسام
ذيب
طبعا هوه مأثث واثاثه حلو بس المطبخ ماعجب الوالده ف طلبنه من النت
واحد على ذوقها وهناك ابو لبيت استلمه والغرفه مالت داليا ماعجبته
هم غيرناها وغرفتي واما اسر وريان عجبتهم غرفتهم كم مره خابرت على مود ازاد
وحجيت وي زمرد احس ردتلي روحي من سمعت صوته هلكت هلاك بهل سبوع
واجه اليوم المنتظر كعدنه الصبح نجهز غراضنه طيارتنه المغرب كملنه كلشي
تغدينه وكملنه صار العصر رحنه للمطار صاحوا بالمطار
على ركاب طائرت كربلاء المقدسه الذهاب الى اماكنهم
رحنه كعدنه شوي وطارت الطياره بالگو كاضين ريان حتى لاتصرخ وهيه منا حامل
ريان بهمس:دخيلك يبو فاضل ولكم راح نموت مو يلا على الاقل سوا حتى
نجتمع بالجنه هم سوا اكلج عمه انه بالجنه اضل حامل
ذيب انه حاط ايدي على وجهي واضحك وامي دايره عليه وتهدء بيه واسر بالگو
كاض نفسه حتى لايضحك بس يضحك تضل تحجي عليه وصلنه بسلام الحمدلله
اسر:ريان ريان يلا كعدي وصلنه
ريان:وين وين للجنه ابني وين
اسر ذيب ام ذيب داليا:ههههههههههههههه
اسر:هههههه اي ههههههه للجنه وصلنه شبيج حبيبتي وصلنه لكربله
ريان:مابيه شمالكم انتم خايفين اصلن ولا تخوف كلش حلوه الطياره
ام ذيب بصدمه:صخام بوجهج كون الا شوي فضحتينه من خوفج نوب شمالكم
خايفين
اسر:ههههه نوصل للبيت ونتفاهم بقينه بس احنه بالطياره
ذيب
نزلنه من الطياره واستلمنه الجنط والسيارات بديت امشي واسر يمشي وراي
وصلنه للبيت دخلنه لكيناه نضيف انه كلت لابو البيت يجيب عامله تنضفه وصلنه
ميتين تعب كبل ذبينه نفسنه انه سبحت ونمت باجر يوم جديده وهواي راح
تنكشف اشياء...
للكاتبه:البصراويه
ياتره شنو راح يصير باجر؟؟ صوتووووووووا ونطوني رأيكم بالتعليقات
