داليا:زمرد حبيبتي مرت اخوي العزيزه
زمرد:بله لواكه اسمعج شنو تردين
داليا:لو هيج مرت الاخو لو ماكو تفهمني قبل لا احجي
الكل: 😂 😂
زمرد:ماكلتي شنو تردين
داليا:فدوووه غنيلنه اغنيه تركيه
ميار:فدوه زمرد
زمرد:تمام كضيت ايد ذيب وغمضت عيوني وبديت اغني خلصت وكملت الكل كام يصفك والولد يصوفرون
داليا:عاش هل صوت زوزه
زمرد كالت زوزه اجه مشهد على بالي عفت ايد ذياب وباوعت على داليا:شنو كلتي
داليا:عاش هل صوت زوزه
زمرد رجع اجه هل مشهد راسي كام يأذيني:انه اترخص
ذيب
عصبت وما ردت احد يسمع صوته غيرها كضت ايدي وغمضت عيونه وبدت تغني ومن خلصت الكل ضل يصفك والولد يصفرون داليا كلته عاش هل صوت زوزه عافت ايدي صفنت شويه وكالت لداليا شنو كلتي كلت عاش هل صوت زوزه تغيرت حالته صفنت شويه وترخصت شويه ورحت وراها لكيته كاعده على المرجوحه ومدنكه وحاطه اديه على راسه اجيت كعدت
زمرد
طلعت وكعدت على المرجوحه ودنكت راسي واحطيت اديه على راسي وافرك بي اريد اتذكر بعد راسي كام يأذيني اجه ذيب كعد يمي
ذيب:زمرد شبيج تغيرت حالتج
زمرد:حطيته راسي على صدره وضليت ابجي تعبت تعبت اريد اتذكر
ذيب:اهدي حبيبتي ان شاء الله تذكرين
زمرد:ضليت حاطه راسي على صدره وهوه شابكني شويه ونمت وانه ماادري بنفسي
ذيب
من كعدت يمه وسألته ضلت تبجي شبكته وضليت اهدي بيه شويه ونامت شلته و وديته للغرفه فتحت حجابه ونومتهن نزلت جوه يم الواد عيب منهم بس ضل بالي يم زمرد شويه وراحوا صعدت سبحت وبدلت ورحت شفت زمرد لكيته نايمه رحت لغرفتي ونمت كعدت الصبح غسلت وبدلت وتريكت ورحت للشغل اتصلت على زمرد
ذيب:الووو
زمرد:الووو هلا ذيب
ذيب:هلا بيج شلونج
زمرد:الحمدلله عذرني البارحه اجه مشهد على بلي وتأثرت شوي
ذيب:لا عادي ما صار شي حضري نفسج انت وداليا بليل نطلع نتعشه انه اروح عندي شغل مع السلامه
زمرد:تمام مع السلامه
زمرد
كعدت الصبح لكيت نفسي نايمه بفراشي كمت بدلت وغسلت وجهي ولبست دشداشه وحجابي نزلت تريكت وساعدتهم بالشغل والتنضيف (اتصل ذيب مابيه حيل اعيد الكلام) دالي ولج داليي وينج
داليا:هااا شنو
زمرد:بليل نطلع نتعشه ذيب يكول
داليا:اممم انه مااروح بنطي تاذيني
زمرد:شبيج حياتي بيج شي
داليا:لا عمري مابيه العاده اجت روحوا انتوا
زمرد:تمام طبخت خالتي واجوا الولد صبينه تغدينه وكملنه صبينه جاي وغسلنه المواعين كل واحد راح لغرفته رحت لغرفتي ضليت اكلب بالنقال لحد ماصار قريب المغرب توضيت وقريت قران شوي وطلعت سويت بخور ورحت ابخر البيت طبعا مالبست حجاب لان لابسه الحرام مال الصلاة صار كدامي ذيب...
ذيب
كملت شغلي ورجعنه للبيت انه واسر تغديت وغسلت شربت جاي وصعدت لغرفتي كلبت بالنقال صارت الساعه بالخمسه خمسه بدلت ونزلت صارت زمرد كدامي لابسه حرام الصلاة وتريد تبخر بالبيت طالعه ملاك ابسمت بوجهي
زمرد
ابتسمت بوجه:تريد ابخرك
ذيب رديت الابتسامه:بخري
زمرد بخرته وكملت:انه رايحه ابخر البيت
ذيب:مو تتاخرن وره الصلاة نطلع
زمرد:دالي ماتروح بطنه
ذيب:شبيه
زمرد خجلت:وكلت مابيه انه رايحه
ذيب:عرغت شبيه وابتسمت على خجله اذن وصليت ورحت بدل لبست قميص اسود وبنطرون اسود وحذاذ بني وحزام بني شسورت شعري وحطيت عطر ونزلت وي نزلتي طلعت زمرد طالعه ملاك
زمرد
اذن وصليت بدلت ولبست فستان اسود وبي حزام ذهبي واسود وحجاب اسود وكعب اسود ومكياج خفيف وحلقتي ولبست سور ذهبي ومحبس وحجل ذهبي واخذت جنطتي حطيت بيه فلوس ومكياج بسيط وتلفوني وطلعت وي طلعتي نزل ذيب وطالع صاك
ذيب:طالعه حلوه
زمرد بخجل:شكرا وانت هم طالع حلو
ذيب:عبايتج وين
زمرد:فدوه ذيب مااعرفله
ذيب:اوووف ماشي بس روحي مسحي مكياجج
زمرد:تمام رحت خففته ها تمام
ذيب:اي يلا امشي
ريان:يااي فدوه تخبلون هاي شنو منسقين
زمرد هم اجاني هيج مشهد بس سويت نفسي طبيعيه:ههه لاوالله صدفه
ذيب:يمه احنه طالعين نتعشه لا سوون عشه احنه نجيب ويانه
ام ذيب:الله وياكم يمه
زمرد:خالتي دالي محتاجين شي
ام ذيب:لا يمه سلامتج
داليا:لاعمري سلامتج
زمرد كعدت على الكرسي بالمطبخ البس الكعب وصفنت بالي كالته ريان
ذيب:سألت امي وداليا اذا محتاجين شي وكعدت تلبس كعبه لبست حذائي وهيه هم وصفنت زمرد زمرددد
زمرد:هااا
ذيب:شبيج صفنتي
زمرد نمشي ونحجي نريد نروح للسياره:ذيب اكو مشاهد جاي تصير نفسها صايره عندي بالماضي هسه من ريان كالت ياي فدوه تخبلون هاي شنو منسقين اجاني هذه المشهد وي ولد بس وجه مامبين
ذيب ضليت افكر منو هذه الولد خفت خاف تكون مخطوبه وهذه خطيبه بس ما بينت:عوفج من هاي الافكار تولي امشي نروح نطلع نتونس
زمرد:تمام صعدنه بالسياره ومشينه ربطت نقالي وشغلت اغنية يا اول عشك مال عباس الامير وضليت ادندن وياها انه وذيب
ذيب حبيت اكسر الصمت:اي وين نروح
زمرد:امممم طازج سناك الجبيله
ذيب باستغراب:لحظه لحظه انت وين تعرفينه
زمرد:مااعرف ليش هذه المكان اجه على بالي اول شي
ذيب:ماشي انه اعرفه بس مارايحله لان مو هواي اطلع اتعشه واذا طلعت انروح لباربكيوا المعقل
زمرد:تمام وصلنه اول مادخلنه اجه نادل باتجاهنه
النادل:اهلا وسهلا انسه زمرد نورتينه وين هل غيبه تفضلي طاولتج بعدهي موجوده محد يكعد عليه
زمرد باستغراب:عفوا منوين تعرفني
النادل:شل قضيه انسه زمرد انت زبونه قديمه عدنه حته انت حجزتي هاي الطاوله وكلتي يمته ما اجي الكالها موجوده ومحد كاعد عليه
زمرد:عذرني انه فاقده الذاكره وكلشي مااتذكر
النادل:سلامتج انسه زمرد تفضلي لطاولتج
زمرد:شكرا انت اسمك حامد
النادل:اي نعم الحمدلله تذكرتيني
زمرد:مو هواي هيج مشاهد بسيطه
ذيب
اول مادخلنه اجه نادل حجه الكلام الفوك ضلينه مستغربين وبعدين زمرد عرفت اسمه
النادل:شنو تحبون تاكلون
ذيب:عفوا شنو ماكو منيوو شو هذه صفن على زمرد ونوب حجه
النادل:انسه زمرد كلش متغيره انت اذا احد كال شو ماكو منيو تكولين مايحتاج ثق بيه
زمرد صفنت:ماكو واحد مايتغير المهم مايحتاج المنيو نزل النه2مكسيكانو و2 جكن سبايسي بركر وبيتزا شاورما دجاج صغير وسلطه السيزر و وجبة كرسبي صغير ومقبلات واحد وسط مشكل وواحد بس جاجيك ورمانيه و2كولا حجم كبير
النادل بابتسامه:نص ساعه ويمكم الطلب
ذيب ضليت متفاجئ شلون هيج وشلون طلبت بدون مايجيب المنيو:زمرد جاي تذكرين شلون هيج طلبتي بدون ماتشوفين المنيو
زمرد:مااعرف حته هذن الكلمات طلعن بشكل لا ارادي ذيب بالكي صدك واذكر ضلينه نسولف شوي واجه الاكل
النادل:تفضلوا بالعافيه
زمرد:حامد
النادل:نعم انسه زمرد
زمرد:اريد وجبتين كرسبي وبيتزا شاورما حجم كبير واريد سلطة سيزز2 و8جكن سبايسي بركر ومقبلات حجم كبير داريهن الي نوعلي بيهن حته لو تسويلي ثنين اريد من كل نوع و4كولا حجم كبير توصلهن لهذه العنوان***من توصل اتصل على هذه الرقم يطلع يستلمهن077****
النادل:حاضر انسه زمرد
زمرد بابتسامه:راح نخسرك اليوم
ذيب وصل الاكل وحجت وي النادل الحجي الفوك ضليت صافن وين راح تودي هذه الاكل كله طلع لبيتنه:ههههه خسراتكم راحه
زمرد:يلا نبدي
ذيب بدينه والاكل جان يموت
زمرد:شنو رأيك
ذيب:فد شي كلش طيب بس ليش طلبتي مقبلات ثنين
زمرد تاكل وتحجي بعفويه:لا انه مااكل هاي الانواع كله بس الجاجيك والرمانيه هواي اشياء مااكله ومنهن المايونيز عدوي اللدود هههههه
ذيب تاكل وتحجي بعفويه وانه ابتسمت وصفنت عليه وعلى جماله
زمرد:خرب فتحت التلفون وخابرت اسر الووو
اسر:هلا بمرت اخوي
زمرد اكل واحجي:هههه مو وكتك اسر المهم شوي ويخابرون عليك اطلع استلم الاكل وعود بعدين اخذ رائيكم تره الاكل كله على ذوقي
اسر:اووووو هاي هيه اليوم نبات بالمستشفى
زمرد:انننننننننن اروح اكل انه
اسر:الله وياج
ذيب
خابرت على اسر وكعدت تحجي ويا خلصت وكعدنه ناكل ونسولف خلصنه ودفعت الحساب هسه وين نروح
زمرد:نروح لنوتيلا نحلي
ذيب:دخلنه وهم اجه نادل
النادل:اهلا ست زمرد نورتينه
زمرد:احمم اهلا بيك كعدنه على طاوله شنو الفلم ماكو واحد مايعرفني
ذيب:والله ماادري والله بعد
النادل:تفضلي ست زمرد شنو تحبين
زمرد:2ملك شك بالنوتيلا و2ايسكريم بالشكلاته وطبق كرب بالنوتيلا والايسكريم والفواكه وبس
النادل:ابد ماتغيرتي كل ماتجين تطلبين نفس الطلب انت واستاذ حسام نص ساعه ويمج الطلب
ذيب:منو حسام
زمرد:علمي علمك مااتذكر هيج اسم شويه ووصلت الحلويات بدينه ناكل وجان الطعم خيالي
ذيب:انه هاي السوالف كله مااكله من وراج اكلته
زمرد:ههههههه شسوي بعد اكلنه وكملنه رحنه ندفع الحساب
ذيب:شكد الحساب
العامل:25الف
ذيب:اتفضل
العامل:شكرا تفضلي ست زمرد
زمرد انطاني 2عصير لون احمر:عفوا شنو هذه
العامل:مشروبج الخاص والله لو تقتنعين وتبيعينه النه
زمرد:ممكن تفهمني السالفه عدل يامشروب هذه انه فاقده الذاكره وكلشي مااتذكر
العامل:سلامتج شوفي ست زمرد انت قبل4او5اشهر اجيتي انت واصدقائج اكلتوا تقريبا ضليتوا ل11او12 بليل طلعوا اصدقائج وضليتي انت طلبتي منه نسوي هذه المشروب بقه من عنده شوي وضكته وطعمه جان كلش طيب وطلعت وراج علمود احاجيج بهذه الموضوع بس مالحكت عليج صعدتي انت والشباب وسقتي بسرعه اتصلت عليج وطلبت منج تبيعي النه يعني نسوي بمطعمنه ونبيعه وي المشروبات بس ما قبلتي كلتي هذه شي خاص بيه
زمرد:اهاا تمام شكرا ضلينه طلعنه وضلينه نمشي صعدنه بالسياره
ذيب:شنو الفلم زمرد فهميني
زمرد:فهمني انت احسن اوكف شوي اوووف اوووف ضل احاول اتذكر شي اخر شي راسي كام يأذيني ونغمى عليه...
ذيب
كعد يحجي ويشرح العامل ضليت مااعرف شحجي تطلع وي ولد وتسوق سياره دخت صعدنه بالسياره صار الكلام الفوك ونغمه على زمرد....
