Scroll down for Zawgyi Code~
[Unicode Verison]
___________________________
ထန်ကျွင့်ဟယ်သည် ယန်ရွှမ်းနှင့် ပြန်တွေ့ရန် အခြေအနေအခွင့်သာတော့မည်မဟုတ်ဟုသာ ပုံသေမှတ်ထားခဲ့သည်။
အသက်ငါးနှစ်အရွယ်သာ ရှိသေးသော ကလေးတစ်ယောက်အတွက်မူ တစ်နှစ်တာ ကာလသည် ထိုတစ်နှစ်တာအတွင်း ဖြစ်ခဲ့သော အရာအားလုံးအား မေ့ပျောက်သွားရန် လုံလုံလောက်လောက်ရှိသည်အထိ အလွန်တရာမှပင် ရှည်လျားထွေပြား လှလွန်းပေ၏။ သို့သော်ငြားသည် ချွင်းချက်အနေဖြင့် ထန်ကျွင့်ဟယ်သည် ယခုထက်ထိတိုင် ယန်ရွှမ်းအားမှတ်မိနေဆဲဖြစ်သည်။
သူ၏ ခြောက်နှစ်ပြည့်သော နွေရာသီတွင်တော့ ထန်ကျွင့်ဟယ်သည် ယန်ရွှမ်းအား တမံပြန်လည် တွေ့ဆုံခဲ့ရလေသည်။
အနက်ရောင်ကားတစ်စီး သူတို့အိမ်အရှေ့သို့ ရပ်ချလာနှင့်အမျှ သူ၏လက်အားဆုပ်ကိုင်၍ ထန်ရှောင်နျန်သည်အိမ်အောက်ထပ်သို့ခေါ်သွားတော့သည်။ ယခုတစ်ကြိမ်တွင်တော့ သူ မငိုမိတော့ချေ၊ ကားနောက်ခန်းထိုင်ခုံဆီသို့ နာခံစွာနှင့် ကိုယ့်ဟာကိုယ် တွယ်တက်သွားပြီး ထန်ရှောင်နျန်အား "တာ့တာ"ဟုပြောနေစဥ်အတွင်း သေချာမတ်မတ်ပင် ထိုင်လိုက် မိသေး၏။
မသွားခင်အတွင်း ထန်ရှောင်နျန်သည် သူ့အား ကြည့်ကောင်းသည့် အဝတ်အစားအချို့ပင် ဝယ်ပေးလေသည်။ အဖြူစွတ်စွတ် ရှပ်အကျီအား အောက်ခံထားလျှက် အပေါ်မှ မီးခိုးရောင် အကွက် ဝတ်စကုပ် လက်ပြတ်အား ထပ်ဝတ်လိုက်သည့်အပြင် လည်ပင်းတစ်လျှောက်တွင် ဖဲပြားလေးပါ ပေါင်းချည်လိုက်သောအခါ ထန်ကျွင့်ဟယ်သည် လုံးဝမင်းသားငယ်လေးတစ်ပါးနှင့်တူသွားပေတော့၏။
________________________
ယန်ချန်းချွမ် သူ့အား အိမ်ပေါ်သို့ အတူခေါ်သွားသည့်အခါ၌တောင် အိမ်နီးနားချင်း တစ်ဦးက မြင်သွားပြီး အံ့သြစွာဖြင့် မေးလာသည်။
"အိုး၊ ဒီချစ်စရာကောင်လေးက ဘယ်က ရောက်လာတာပါလိမ့်"
ယန်ချန်းချွမ် ကပြုံးလျှက် ဝတ်ကျေတန်းကျေသာ ပြန်ဖြေပေး၏။
ESTÁS LEYENDO
Paper Plain - 纸飞机《Myanmar Translation》
Romance//𝘽𝙤𝙩𝙝 𝙐𝙣𝙞𝙘𝙤𝙙𝙚 𝙖𝙣𝙙 𝙕𝙖𝙬𝙜𝙮𝙞 𝘾𝙤𝙙𝙚 𝙖𝙧𝙚 𝙖𝙫𝙖𝙞𝙡𝙖𝙗𝙡𝙚// Update schedule ^ Per chapter Per week Myanmar Translation Of paper plain - 纸飞机 (စက္ကူယာဥ်ပျံကလေး//စကၠဴယာဥ္ပ်ံကေလး) Author - Tan Shi - 潭石 (ထန်ရှီ//ထန္ရွီ) Weibo Accou...
