سَهمُ السارلــين •🏹
روزا الجنابي •
مُتابعة تصويت تعليق بين الفقرات لُطفا•
فاهي الليل يمَهم حتى
مَابي لوَن
ولا بي طيفَ يرَهمَ
عالچفَن رسمَه
سارلين
---------
ترخصت منها وطلعت من البيت بلا مشاعر ولا احس بأي شي بس كلمتها ترن بأذني
:- جراح قاتل أبن نمارق
اهز رأسي لا وأضحك بوحدي مثل المجنونة العالم تباوعلي وانه متجاهلة الكل ومكملة طريقي وصلت للبيت قفلت الباب وشمرت العباية
ولشال اهز برأسي واقنع نفسي
امي ما بيها شي.، جراح مو قاتل
لا مستحيل
كعدت بالكاع أرجف
حرارت جسمي أرتفعت وتعرقت بسبب افكاري لي خايفة اصدكها
نهضت نفسي مثل المجنونة ركضت للغرفة طلعت الاوراق واباوع عليهن سونار وتحاليل واشياء خلتني اشك أمي صاير عدها حمل قديم
شمرتهن ولزم رأسي بألم كزيت أسناني بقوة واصيح
:- لااااااا ياا رب لاااااا
كعدت بالگاع سحبت رجليني الصدري وغمضت عيوني أحاول ارتب افكار وحاولت وباءت بالفشل
حرارة افكاري نزلت
على عيوني وسببتلي وجع قوي
تمددت بمكاني لساعات وانه بس الافكار تنهش بعقلي ما أريد اصدك جراح قاتل
ولا اكدر اتهم احد واكول هذه لي دمر حياة امي وحياتي
اعصر افكاري واحاول اخليها تترتب بشكل دقيق وبدون طيش وتسرع وهدم حياتي وحياة اشخاص مالهم ذنب
جراح:- سارلين
غمض عيوني واسمع يردد بأسمي بعدها بثواني طُبعَت شفايفة على خدي
وهمس بنبرة أشتياق:- حبيبة عيوني
فتحت عيوني ساكتة كعد بصفي ورجع
شعري ليورا:- عش نايمة لـ حبيبة
:- تعال يمي
سويتله مجال وهو يباوعلي بترقب مدد بصفي وفتحلي إيده تقربت
خليت صفحت وجهي على صدرة رجع شعري ورا أذني وحجه بهدوء:- شبيج
:-مابيه
:-اشوف بيچ شي، شو دحگيلي
رفع وجهي اله:-عيونچ مظلمة اليوم
:- التعب صعد على عيوني
:- يخسة التعب لي يچيس مريتي
:- تكدر تاخذني و توديني بعيد منا
:-وين يعني
:- بس أتنفس الهوى صار يجويني
جر راسي طبع قبلة بين عيوني:- يلا
نهضت نفسي بدلت ملابسي بملابس محتشمة ولبست صاية
وطلعت ويا بدون ما أعرف وين طلعنا من الفرع وباوعلي
:- ببالچ مكان
:- البستان
:- بستان عمي كريم!
اومأت برأسي أي جر ايدي بوسط ايده وكمل طريقة للبستان كان وقت الغروب وبعد السماء بيها ضوء خفيف وصلنا البستان كلش
كبيرة صف السيارة ونزلنا إيدي بيده وبالي بعيييد عنه
عيني تشوف كلشي وعقلي مو مستوعب بس اشوف جراح وكلمة ايلاف ترن بأذني
كعدنا جوا شجرة كان يحاوطها خضار وورد قليلة
