سَهمُ السارلــين •🏹
روزا الجنابي •
نمَت ويه الجثث مَا خفت و هتزيت
خفت مِن گتلي كلمَن يلتهي برُوحه !
•••••••
بتول:- وقبل لا تعرفين چتال أبوچ
جمدت عيوني وهي تباوع بعيوني ببتسامة ونظرات مليانة طغيات وافكار سامة بلع ريگ جنجرتي جفت بصدمة همهمت
:- كتال أبوي!!
:- مو صارلچ أشهر تدورين على الحقيقة لخافينها عنچ عش نسيتي وتراجعتي!!
:- ماتراجعت. بس منو الكتل أبوي!! وجراح شعلي!
سحبت ايدها مني ووگفت مقابيلي بالضبط:- تردين تعرفين كلشي! اني احجيلج
:- وليش تحجيلي شنو غايتچ!!
:- تاتعرفين ويَ منو چاعدة، وأمچ أخذة منو! وانتِ اخذتيييي أبن منو!!
تراجعت خطوتين عنها نتظراتها خوفتني وتصرفاتها بعد اكثر كل شيء تسوي عدها غاية بي
زين شنو الحقيقة!
ليش خايفة أعرفها!
فزيت على صوتها:- تردين تسمعين!
:- لا
حجيتها بثقة ورافعت اله أأكد كلامي:- مايهمني أعرف شيء وأذا أريد اسمع فـ الافظل اسمعه من أمي
:- ماتسولفلج!
:- يعني الشيء مو لـ صالحي ما اعتقد انتِ اعرف بمصلحتي من أمي.
:- أمچ چذابة وبـ
قبل لا تكمل خليت اصبعي على شفتي:- اشششش ما أريد اسمع شيء لي عندچ خلي الج واحتفظي بي ألج
أمي اعرفها شنو وما اريد اسمع شيء منچ يخصها
ابتسمت ابتسامة ساخرة واومأت برأسها ندرايت اريد افتح الباب إيدي ترجف لزمت المقبض وتجمدة بمكاني
بتول:- ثامر وجراح هم لي چتلو أبوچ واخذو امج غصبا عليها تا يسدو الثار
نداريت عليها وهي استرسل بالكلام:- انطو فلوس وأشتروچن بالرخص
ان رضيتي ولا لا انتن خدم عدنا
اباوع بعيونها ساكتة وهي مستمرة تحجي، أذاني صفرت وما أسمع بس صدى صوتها بعقلي فتحت الباب وطلعت من يمها
مضروبة برأسي ما أسمع ولا أشوف أي شيء فتحت الباب الخارجي وطلعت البيت فواز اسمع شخص يردد أسمي نلزمت ايدي ونداريت صار بوجهي جراح اشوف شفايفه تتحرك بس عقلي مو راضي يسمع شنو يكول
نزلت رأسي اباوع لـ إيدة لازم أيدي
" جراح هو قاتل أبوچ"
سحبت أيدي منه
جراح:- سارونة مو أحاجيج
سارين:- سَدن تنتظرني باجر نحجي
حجيتها ومشيت فتحت الباب ودخلت اسمع صوتهم وشعوري كن فصل عن العالم
أمي كاعدة كدامي تحجي ويَ صديقة سَدن ومبتسمة
" ثامر قاتل بابا " يعني امي متزوجة قاتل زوجها"!!
شلون! يصير! وبابا!!
