دائرة النصيب ♥️

الحلقه 8

#الكاتبة_ژوژو_الطشهه

#دائرة_النصيب

#الحلقة_8

#لااااايك_قبل_ماتقري_وتعليق_بعد_ماتكملي❤️..

#تفااااعلن❤️

#علقي_ع_قد_ما_تقددري_عشان_الحلقه_تطلع_للكل❤️.

فات باقي الوقت

الساعه 2 دق باب غرفة نسرين فتحت الباب وانصدمت كان جهاد داهش وحاط يده ع صدرة الي كان مغرق بي الدم وواضح إنه الخياطة انفكت
نسرين بي صدمه:شنو هدا ليش درت هك جهاد خش بي خطوات مهزوزة وطاح ع سريرها دهشان: كنت م متعصب ب بذلت جهدا واجد وخبطت لعند انفتحت
نسرين شافتله:انوض صفاء
جهاد هز راسه بي سرعه:لالا خيطيلي توا وما تقوليلهاش بكرا توا تخاف وهك
نسرين:تمام حاضر
عدت تجري سكرت الباب
وطبعا كانت لابسة توتة لونها وردي وشعرها مطلوق عشان تحب ترقد وهوا مطلوق♥️
جت فتحت شنطتها وقعدت تطلع منها في الحاجات بعدها جت وقدمت من جهاد الي كان نص منتبه عليها ونص لاه لأنه نزيف واجد وبدا يدوخ
سلحت منه القميص وقعدت توقف في النزيف وخيطت الجرح وعقماته وربطتله بي شاشة
وخشت الحمام غسلت يديها ولمت الحاجات وجت قعدت تتأمل فيه وهوا راقد ملامحه هاديات بكل بي عكس لما يكون واعي حادات وهك ♥️
نسرين تفكر:توا أنا بنوضه بس هوا شبه دايخ مش ح ينوض ولا انوض سفيان؟ بس سفيان مرات ينفجع وهك ف انسب حل نخليه راقد هنا وانا نرقد لوطه اكيد بعدين شوي ينوض يطلع مافيش إلا هك 🤷
ف عشان هيا كانت نعسانه بكل طرحت لوطه وحطت مخدة ورقدت وما تغطتش لأنه في بطانيه وحده والي هيا غطت بيها جهاد 🥺🌸..
أول ما حطت راسها رقدت طول لأنه كانت نعسانه ♥️.
---------------
تفاعلن طلب وليس أمر كل ما تتفاعلي كل ما تطلع الحلقه للكل مانبيش منك شي إلا أنك اديري لايك ع الحلقه وتعطي رأيك وتوقعاتك ع الأقل تعليق سطرين بس تحفزيني وتشجعيني بيه ولو تقدري علقي تعليقات عرم عشان تطلع الحلقه للكل يعني أنا نكتب أكثر من 3600 كلمه وانتي سطرين ما تقدريش تعطي فيهن رأيك وتوقعاتك مش ضروري ملصق ومكتوب عليه جميل ما جميل انتي كيف ما تقري وتستمتعي وهك أنا تبي تشجيع وكلام حلو عشان نكمل ونزيد نبدع♥️..
------------------
طبعا كيف ما قلتلكن الساعه 2 عند محمد من لما طلع من هناء وهكي ما روحش لي حوشهم قعد يبرم في السياره ويفكر ويقول في عقلة هل الي درته أنا صح؟؟هل شي صح ولا غلط هل تسرعت ولا لا وكيف نوثق فيها ونعطيها حوشي ؟؟ هيا باتها طاردها يعني بات يطرد بنته وفي الليل معقوله تكون وحده مش تمام وانا غلطت؟؟ بس ياربي أنا وجعتني كيف نخلي وحده في الوقت هدا هيا وبنتها بس أنا لازم نعرف حقيقتها ولازم بكل لأنه من حقيقتها نقرر لو  نكمل الي درته أو ننسحب ياربي دلني ع الطريق الصح أنا طول عمري ماشي تمام وما عمري عصيتك ولا درت الغلط حتا لما قررت انساعدها كان غرضي هوا الإنسانية بس 🌸
بعد تفكير طويل طلع لي قصر متاعهم درس السيارة نعسان وتعبان نزل بالشوي فتح باب الحوش بالمفتاح وخش الصالة كانت ظلام وطبعا هله مرقدين جاي بيرقا داره
جاته منار تجري
محمد:بسم الله كنك انتي😡
منار:كنت نرجا فيك فرح رقدت وسيبتني قلت نرجاك تروح عشان نسهروا ع فيلم مع بعض نهدرزوا
محمد بي عصبيه شاف لي لبستها كانت لابسة شرت قصير لعند الركبه ومعاه كت لعند بطنها ومكياج اوفر وعطر🥶🥶
محمد بي صدمه وعصبيه:يا منار انتي شن الي بتوصليله بس شن اللبس الحقير هدا كيف ترضي ع روحك تلبسي هك حتا في حوشكم مفروض مش هك انتي كان في شي في عقلك حوليه وأمي كان موهمتك بي حاجه طلعيها من عقلك أنا لو نقرر نتزوج شي يوم صدقيني مش ح تكوني انتي لأنه اخر انسانه ممكن نفكر نتزوجها هيا انتي أنا مانحبش سريب الجواز والحب والجو هدا والكل عارفيني بس لو نويت صدقيني انتي لا انت خفيفه بكل وكنت ديما نسكتلك ونمشي فيك بس خلاص عاد دحنسة مش كويسه وانتي بنت خالتي ع عيني وراسي بس لازم تغيري من روحك وفكرة انك تتزوجيني طلعيها من راسك