دائرة النصيب ♥️

الحلقه 11

#الكاتبة_ژوژو_الطشهه

#دائرة_النصيب

#الحلقة_11

#لااااايك_قبل_ماتقري💙🌸.

#وتعليق_بعد_ما_تكملي❤️.

ثاني يوم الصبح الساعه 12 أروى شالها ابراهيم هيا ورواسي الجامعه كل وحده خشت محاظرتها....
-------------
أما نسرين روحت مع ايمن وسعاد لي حوشهم وصلوا خشوا لقت أمها في الصاله ترجا فيها
عدت نسرين حظنتها :ماما حبيبي رايفت عليكي عرررررم😭😭😭♥️♥️♥️
حليمه دموعها نزلن:حتا أنا بنيتي مش متعودة عليكي تغيبي الوقت هدا كله رايفت عليكي♥️🥺🥺
نسرين ابتسمت وجت قعدت وقعدوا كلهم
أيمن:أي ومش عساس 6 ايام
نسرين ابتسمت:مريض تعافه مافيش داعي لل 6 ايام ☺️
أيمن:باهي كويس
سعاد:رايفت عليكي عررررررم 😍😍😍
نسرين:أنا أكثر وربيي🥺♥️
حليمه:دايرتلك الاكلات الي تحبيهن ع الغداء 🤤♥️
نسرين ابتسمت:يا عيني رايفت ع اكلاتك نبي نغير دبشي ونجي♥️
كلهم: باهي ♥️
رقت نسرين دارها ولما خشت اختفت ابتسامتها وقعدت تفكر في قرارها وشن ح يصير الأيام الجايه دارت دوش سريع وغيرت لبست توتتها ونزلت تهدرز مع امها وسعاد.....
______________
أما عند محمد ناض فتح عيونه وانصدم بالي شافه قعد يعيط بي صوت عالي وعيونه مفتوحات بي صدمه
محمد بي صوت عالي بكل:لااااااااا لااااااا هدا شنوووووووو😡😡😡😡😡😡😡😡😡😡😡😡😡
منار ناضت بي خوف وشافتله
تعالن نحكيلكن محمد ناض شاف منار راقده يالاه ع السرير ولابسة دبش يحشم الله يحشمها😡
منار عدت تجري خدت جاكة لبستها وجت شافتله بس نظرة انتصار
محمد بي عصبيه:يا بنت الحررررررام انتي كيف درتي هكي كيف وصلتيلي
منار جايه تتكلم انفتح الباب وخشوا وفاء وعبد الرحمن وفرح ولما شافو منار ومحمد انصدموا
عبدالرحمن بي صدمه:شن في قوللنا شن فيه ليش العياط هدا😳😳😳😳
محمد بي عصبيه وصوت عالي يخوف بكل:الفررررررخه هددددددي شن جاااابها داري لقيتها راقدة يالايااااااا بي دبش تتحشم حتا العاهره تلبسه😡😡😡😡😡😡😡😡
كلهم فتحوا عيونهم بي صدمه كبيره بكللللل وكأنه حد كب عليهم اميه مصقعه💔
عبدالرحمن بي صدمه:شن فيه شن تقول قاعد انت فاطن لي كلامك
محمد يعيط:ايييي فاطن ونص فاطن وربي لما اندم عليها عيشتها تتدحنس 24 ساعه لاكن يا صاقطه لو تموتي ما واخدك😡😡😡😡😡
وفاء بي صدمه:كيف أنا مش فاهمه شي فهموني منار شن فيه
منار تبكي:خالتو وفاء والله انا ومحمد ع علاقة وامس دزلي رسالة كتبلي فيها تعالي الليل جيت أمس الليل الساعه 3 قعدنا نحكوا بعدها هوا اغراني بي كلامه وأنه ح يتجوزني بعدها صار الي صار وكله بي رضانا الزوز بس توا لما قتله نحكي العيله ونفضحك قعد يعيط ودار روحه كدب😭😭😭😭😭😭
وفاء بي صدمه:صح الكلام يا محمد 😡
محمد بي صدمه وعصبيه يتحزز ع منار ويبي يقتلها باته يدف فيه:والله إلا تكدب بنت الحرام والله تكدب وربي نربيك يا وسخه يا ساقطه أنا لو يعطوك ليا بلاش والله ما واخدك يا نجسة رني ع هلك يروحوا بيك 😡😡😡😡😡
منار خايفه وخاشه وراه عبدالرحمن:هلي ح يجوا بس ح يقروا فاتحتنا لأنه مش تاخد مني شرفي وتسيبني لا يا بابا 🔥🔥
محمد مصدوم من الكدب وكيف تكدب
وجاه من وراه باته وعطاها كفففففف ينوض الميت 🤤🔥🔥🔥
باته دفه :سيبها بنصدق من أنا 😡😡😡
فرح:صدق محمد يا بابا لأنه باين عليه معاه حق الحشره هدي ديما تتدحنس عليه وهوا ما يبيها وانا شاهده 😡😡😡
منار شافت لي فرح نظرة سم
وفاء:رنننن ع حكيم(بات منار) وصالحه (ام منار) يجووووو خلي نحلو الموضوع 😭😭😭😭💔
محمد بي عصبيه:أنا عارفك تبيني نتجوزها وديما تزني ع راسي وفرحانه بي الشي هدا بس حق من خلق الكون وحق من خلق الكون وحق من خلق الكون حتا لو قريت الفاتحه واللله واللله ماني مسكر عليها باب والله ما ني متزوجها 🔥🔥🔥🔥😡😡😡
طلع محمد معصب يجري نزل لوطه ركب سيارته وطلع يجري بيها ويسطرب معصب ومصدوم 💔🔥
فرح بي عصبيه:بابا ما تصدقهاش هدي حقيره محمد صح كلامه 😭😭 حرام عليكم ادبسوه في وحده كيفها يا بابا محمد ما يستاهلش محمد تربايتكم وانتم عارفين 😭😭😭
وفاء:سكري فمك حتا لو ما صار الي قلتي عليه بس توا هما كانوا مع بعض يعني منار ومحمد لازم يتجوزا😡😡
عبدالرحمن بي عصبيه:حسبي الله عليك صبح حسبي الله توا من بنصدق ولدي ولا البنت الي تحكي هكي معقوله في بنت تقول ع روحها هكي إلا لو كان صح
منار :شفت عمي شفت يعني عليش نطلع روحي هك إلا لو كان صح محمد كسد عليا وخداه الي يبيه ونكر😭😭😭😭😭😭😭
فرح تدعي عليها في سرها
عبدالرحمن:عدي استري روحك دبش الي لابستيه هدا وبعدين الحقوني كلكم الصاله أنا نكلم هلك عشان نحطوا حل المشكله هدي😡😡😡😡
طلع عبدالرحمن معصب ولحقنه فرح ووفاء بعدها نزل علي ومراته قعدوا يحكولهم ورنوا ع هل منار قالولهم نبوكم في موضوع مهم وهما قالو جايين في الطريق
عند منار عدت لي دار فرح لبست التوته الي كانت لابستها امس
وشافت للمرايه بي نظرة فرح
منار بي خبث:أنا ليا يا محمد ومش ح تكون لي غيري وصدقني مش ندمانه ع الي درته ابدا مدام ح تكون ليا حتا لو مش بي رضاك حتا غصب عنك وانا منار واللعب معايا واعر🔥🔥😈
ابتسمت للمرايه ونزلت لوطه عساس تبكي وهيا بتموت من البكي .....
---------
في حوش سفيان وصفاء ردوا لي حوشهم وجهاد قاعد معاهم كلهم في الصاله بعد ما فطروا وهك
جهاد ماسك جهاد الصغير ويبوس فيه
صفاء:جهاد قولي مش فاهمه شي رآه الفرح بعد 6 ايام وين تسكنوا امتى تجهز روحها وباقي الإجراءات كيف
جهاد: أول حاجه انا شريت شقة عمي مختار الي يالاكم هنا ومن أول أمس بديت فيها شريتلها حاجات واثات وما ناقصها شي أما هيا 5 ايام ح تلحق نشري حاجاتها المهمات بس اما الباقي أنا ح نشريه وبعدين نحنا ثاني يوم جوازنا مسافرين وح نرجعوا بعد شهر وهكي يكون كل شي تمام وبعدين نعدوا نخطبوها من هلها وأكيد ح يوافقوا لو سألو عليا لأنه أنا حكيت قصة حياتي كلها لي نسرين وبي خصوص شغلي مافيش حد يعرفه الا ناس قليل وحتا لو سال عليا كلهم ح يقولوا عليا كلام كويس وهكي وبالنسبه لو وافقوا بكرا نقوللهم يردوا علينا الخبر عشان هيا تشري الي تبيه لي العرس وبالنسبه للعرس ح يكون في صالة وهكي وحاجه آخرى مافيش داعي لي خطوبة وجو نقروا الفاتحه وبعد 6 أيام العرس هدا كل شي ☺️🔥
سفيان وصفاء شافو لي بعضهم مندهلين:واو
صفاء :لا انت عاشق وفرحان ومخطط لي كل شي 🤤♥️
جهاد ابتسم
صفاء :معناها حتا أنا من بكرا مطلع نشري لوازم الفرح يعني قصدك الفرح يوم واحد بس وفي الصاله صح
جهاد:بالزبط
سفيان:تمام ع الخير يا جهوده
جهاد:الله يسلمك طيري
---------
عند محمد وصل لي شالية متاعهم خش فيه جوا وقعد يكسر في الدنيا كلها من العصبيه ويعيط ومصدوم من حقارة منار 🔥🥺
_________
عند هناء تفطر في قهوه ورفيف تاكل في كورنفلكس
رفيف:ماما♥️
هناء :نعم ماما
رفيف:اليوم بيجي عمو محمد صح🥺
هناء ابتسمت:مش عارفه بس اكيد يجي ويشوفك
رفيف بي فرحه:يارب يجي لأنه مرايفتله وااااااجد 😍😍
هناء :انتي تحبيه
رفيف: بتلللللللللل هوا حلو وكويس بكل يحبني وانا نحبه 😍😍
هناء ابتسمت ودمعتها نزلت:ربي يجبر بي خاطره عشان جبر بي خاطرك 😢💔
رفيف:ماما عادي هوا يسكن معانا كيف بابا زمان لما ساكن معانا
هناء شافت لي رفيف بي صدمه ودمعتها نزلت:هوا ديما يجي يشوفك بس ما يقدرش يسكن معانا عشان عنده حوش خاص بيه
رفيف: امباهي 😢...