مشيت لي الناس القاعده لي برا عشان يتحننو دخلت ال'راكوبه' العاملاها للحنه وطقطقت ليهم بي بدي هيي مادايره لي ظلم مافي وحده تقول لي ولدي عيان وولدي فتران الجا اول يجيني مابقدم زول على زول يلا سررعه
فعلا جاتني المره الاولى على حسب كلامهن وبديت ليها
المهم جريت قعده وحده لحدي صلاه الضهر كدا مشيت صليت ورجعت تاني جاتني وحده قعدت تقول لي ولدي في البيت ببكي بس اعملي لي اصابع يدي ان شاء الله ..
اها يا حروم اسويهين ليها ؟؟
كلهن قالن خلاص
عملتهم ليها وخليها مشت
المهم الشغل جرا لحدي الساعه 10 بليل الجا تاني طوالي قلت ليه خلاص قفلنا
استنيت ديل كلهم لمن حنتهم نشفت قفلت الراكوبه ومشيت خليت بت اختي طلعت وقعدت ابكي كالعاده
_
(انا اسمي اسمهان من خلال الكلام عرفتو انا شغاله شنو المهم عمري 25 سنه انا وامي بس
ما حابه ادخل في التفاصيل)
لمن لقيت انو انا بكيت كتير قمت غسلت وشي ومشيت صليت ونمت
_ الصباح
صحيت من سته شربت لي شاي وعملت لي سندوتش واكلت سمعتهم بيتكلو جمب الراكوبه عرفتهم جو
شلت المفاتيح ومشيت عليهم
جبت ليهم مويه وبديت احنن
لمن انتهيت من الاتنبن الاوائل مشيت عملت لي امي الشاي وجيت راجعه
*دا الروتين اليومي
واصلت معاهم لحدي العصر وقفلت
مشيت السوق جبت لي بيقن واشتريت اكياس و اعتمدت اني اتاخر عشان اتهرب من الشغل لمن خلاص التلفونات كترو من الزبونات اتحركت عليهم
وانا في الشارع اتصلت على سندس قلت ليها لمن انتهي بجيك
مشيت لقيت مروه بت اختي تتونس مع الناس اعتزرت ليهم وكالعاده قعدت لمن انتهيت منهم كلهم الوقت كان زي 9 مساء المهم قفلت ولصقت لي ورقه مكتوب فيها اجازه
(الكلام دا للصباح كان الله حيانا)
المهم مشيت لي سندس
سندس: مالك ي يابت امي عامله كدى
اسمهان: يشهد الله الكتمان هلكني نفس دا مني قادره اتنفسو اسوي شنو في الدنيا دي
سندس:احي ي سهومه ابكي قطعتي لي قلبي
شلت نفس طويل وفكيت البكيه بكيت لمن خلاااص حسيت نفسي يادوب رجع
سندس: اها احكي مالك
_تعبت انا لحدي اسي ما فتحت البُرطمانه (العلبه الزي حقت المربه لغير الناطقين بها )
وخايفه افتحها ويطلعو شويه ازعل اكتر انا ان ما تميت الفي بالي دا حفضل في التعب دا طول عمري وانا مافيني حيل
سندس: ماعارفه اقول ليك شنو لكن كدي افتحيها اكيد بتكون كتيره
_طيب اكورك لي امي تمدها لي
...
يمه يمه يا يمه انا هني في حيطه خالتي سوسن بدور البرطمانيه الفيها القروش
بتول: يا بت ها ما بقدر احفر الواطه في الضُلمه دي
اسمهان: يمه البرطمانه مرقتها قبيل تحت عنقريبك من هني شايفاها
بتول: ايا هدي ليها
احي يا ركبي جنك تتعبني يا بتي
اسمهان: معليش يا يمه ،، سندس هوي ها امسكي البنبر دا سمح بتدروي ترميني تكسري لي عضيماتي في باقي الليل دا ؟
سندس: انزلي انزل
نزلت
بسم الله الرحمن الرحيم وفتحتها
فضيتها كلها في قماش وقعدنا نحسب
حسبنا لحدي ما وصلنا 30.000 الف بس بقيت ببكي وحضنتها وبكيت تاني
وفكيت ليك الزغريييت في الليل دااك لمن خشمنا وجعنا
تاني البسكتنا منو عاد
واصلنا عد لقيناهم 34.570
اسمهان: خلاص هاك الاربعه الف ديل هديه مني
سندس: انتي يابت نصييحه ؟ تعبانه وشقيانه عشان تجي تديني ليهن في صمه خشمي ؟؟؟؟ قومي يابت تمي موضوعك بعد تنتهي كان دايره تديني اديني
اسمهان: والله يا سندس كلامك دا مافي ليه داعي شيليهن النبي
سندس: بري والله ما بشيلهم .. واقفلي السيره دي عشان ما اكسر حنك الشاي الفي النار دا واطردك
اسمهان: راسك حجر غايتو .. سكت سكت شاهيك السمح دا ما بخلي وامشي
سندس عملت ليها شاي مقنن لمن امي جاتنا بي جاي انا دخلت عملت لي فشار وفنكوش بي مناسبه اليوم السمح دا
بتول: سامعاكن قبيل تزغرتن لكن وحاه الله ما قدرت اقوم اعرف الحاصل شنو .. اها حدثني يا بنوت الخطبوها مني فيكن ؟
سوسن: بري يا بتول اختي خطوبه شنو حدثيها يا اسمهان فرحيها في باقي الليل دا
اسمهان: والله يا يمه البرطمانيه ياهو فتحناها والقروش طلعو زايدات من الدايرنهن عشان كدا الفرحه ماسايعانا
الساعه الامي قامت على حيلها وقدت تزغرت هي زاتها واحن نعجبكن طوالي زغرتنا وراها ..
سوسن: واااشريري منكن انتن الماكن نصيحات اتي ابتول جاده ؟،، ايا والله فرحانين ليكم بالحيل لكن الساعه 11 بليل بتدرون تلمن خلق الله ؟!
بتول: هيا اختي وحاه الخلقتي ما ختيت في بالي لا شعوريا كدي زغرت
سندس: هيي واي الشاي برد اشربن بعد تعبي فيه دا دايراتنو يبرد وحاه ربي ولا بقوم اسخنو تاني في الليل دا
شربنا الشاي وطقينا الونسه لي الساعه وحده
بتول: بري ما برجع في الضلمه دي يخبتني حرامي كمان ،، محل تجرو بي ما تعرفو نبيت قبلنا
سندس: احسن شي يا خالتي انتن اتونسن نحن بنخش البرنده ،، بتنومن قبلكن ولا نقفل؟
سوسن: قفلن مالنا بنوم في الكتمه دي بنوم في الهواء الطبيعي دا ،،،،
انتي يا بتول اختي قفلتي بيتك دا
بتول: ايا
_______
سندس: اها يا بت امي حتسوي شنو ؟
اسمهان: والله مني عارفه الحمدلله اني بكره قلت اجازه المهم بمشي لي سعاد بت آمنه اشوف الكلام دا كيفن وكان لسه في بجهز حاجاتي انا وامي ونتكل على الله
سندس: احييا خيتي تمشي وتخليني وقعدت تبكي اهي اهي اهي وااحليل خيتي
اسمهان: هوي هاا خلي درامتك دي نومي نومك ما فايقه ليك
سندس: اصبري اصبري ما وريتك بالجديد والحصري والخطير
اسمهان: هاا الحصل
سندس: محمد ود جدنا البرعي
اسمهان: حيييا مالو المتخلف دا
سندس: نضم فوقي اهيئه 🙈 وقعدت تتخجل
اها انا صنقرت
اسمهان: عليك النبي ؟؟؟؟ حمد جاك جادي وحاه الخلقني الولد دا ما جادي اخييييرا
بركه يا يمه بعد نقتك فوقو دي لو ،، كان ماجاك كان كتلتو
سندس: انا ماحدثتك قلت ليك بجي انت الما صدقتيني
اسمهان: سمح سمح دافعي ليه لسه انا بعد دا غلبني النعاس بتسكتي ولا انوم برا
سندس: خلاص خلاص ،،، هيييا وحاه ربي اخير شمار
اسمهان: اها
سندس: فوزيه بت نعمه
اسمهان: مالها حتى هي ؟
سندس: سجم خشمي ماسمعتي بي خبرها ،، خطبها ليك واحد جلابي من الخرتوم ماشفتي الجابو ليها .. ( ورفعت يدينها فوق للدعاء) بي بركه الليل دا ان شاء الله حالي وحالك
اسمهان: وي علي اصلي قاعده وين انا مني خابره دا كله لكن فرحته ليها والله لمن امشي اباركلها
سندس: هههههااي يختي قطعت علاقتها مع بنات الحله جتتت عليهنة
اسمهان: اتي ماك نصيحه انا مابتقطعو معاي عشان بتقول بحننها في عرسها
سندس: اياا صحي وحاه الله انا غبيانه خلاص آبت خشمي وجعني من النضمي لصباح
يتبع ...
#ايثار_كمال
