اها مشيت دخلت جوه وشلت التلفون ياهو عشان اضرب لي سيد ريدي
جاتني ليك اسمهان
لسمهان: يابت امي الكلام السويتيه دا بقول انك بايره وفرحانه ..
سندس: اججججيخواااني ماهي فرحتي ،،
++ شنووو يقول بايره ؟؟ يختي ما اصلي بايره يا يمه عمري25 شويه والقطر يفوتني لكن الله كريم
اها خلاص اسكتي بدور اتفاهم معاهو في موضوع العرس
اسمهان: كدي دقيقه طيب ختي مخك في راسك اسي كيفن بالمنطق كدي تسوو عرس اوبوها ما تم اسبوع الكلام دا بجي كيفن
سندس: هوووي يابت جدي البرعي ماشاءالله ياهو عرس وشاف فرحتو وهدا ولدو بدورني والحي ابقى من الميت يعني اجل العرس شان مات بري وحاه الله اسي كان مُت ولا محمد مات اعيش كيفن
اسمهان: منطق غايتو خلاص يلا اضربي
طوالي سندس اتغتت ولا اشتغلت بي ولا اشتغلت بي امييره
وتشيل وتتكلم براحه اها في نص الكلام كدي هاجت وقفلت الخط في وشو
سكتنا ساي بي هيجتها دي بتكتلنا
اها بهناك الحريم
آمنه: اتي نصيحه عرس شنو البتسويهو ؟
الراجل ترابو لين عضامو ساي ما اتحلنن
بتول: هيهييييييي يكا لامن عضيماتو تحلل انحن بنكون حصلناه بعدين مني دي البتصبر من زمان ماها شفقانه للعرس
سوسن: ايا والله كلامك صحي يا بتول خيتي
آمنه: غايتو كلامكن غلت لكن مدام ولدو زاتو قال كدي يبقى خلاص
بتول: ايا اصلو خلاص ما بندورك تقوليلنا
نومن نومن جنك نضمي انا دي البستمع بس صدعت واسي في حفله في مخي
________
اها انا صحيت من الدُغش جهزت هديماتي وهدومي البسافر بها صحت سندس
سندس: دا شنو دا هاربه ولا شنو
اسمهان: بري اهروب شنو كمان بس ماشه لي شغلي
سندس: كيفن الكلام دا
اسمهان: ااجي اتي بتقعدي عشان بدورو يعرسوك انا مالي كمان !؟
سندس: حييا آبتدوري تشوفيني وانا عروس وآبتدوري تحضري حبستي اصلي ما اتوقعتها منك اهي اهي اهي
اسمهان: بطلي دراما من صباح الرحمن
اها قمنا نحن التلاته ومشينا لي ناس امي يسو في الشاي جا محمد يشيلو
محمد: اتي ماشا الخرتوم ؟
اسمهان: ايا
محمد: واتي يا سندس
سندس: امشي كيفن واخلي سيد ريدي 🙊
بتول: ووب صحي الاختشو ماتو ما بتخجلي مننا آبت ؟؟؟
سندس: بري البخجلني شنو قريبا ويبقى راجلي
محمد: ايا كلامها بصح
اها محمد قعد يتكشم وشال الشاي ومرق
سندس: علك النبي ما تمشي الخرتوم ما بقدر اقعد بدونك انا
اسمهان: ارحكي اتي عشان تشتغلي شويه وبعدين لمن العرس يتحدد تجي
سندس: فكره والله
اها صلاح دا ود خالتي آمنه الصغير
صلااح تعال آصلاح كلم محمد قولو سندس بتدورك تعال اسي
صلاح جرا وجا راجع معاه محمد
سندس: محمد ممكن امش الخرتوم اشتغل شويه واجي منها والعرس
محمد: ايا امشي اصلو العرس حيكون في العيد
سندس: نعلو عيد الضحيه وحاه الله آبستناك اي واحد يجي جاهز قبلاك طوالي بعرسو
محمد: بسم الله الرحمد الرحيم
سندس: شنو ؟؟؟ بسم الله مالي مجنونه ولا شيطاان انا ؟
محمد: هجمتي علي فجأة لامن خلعتيني المهم العرس في عيد الفطر
اها طوالي قعدت احسب رمضان فاضل ليه كم يوم وبعدها عرسي قعدت اتكشم
محمد: بس عينك دي ما تشوف اولاد الخرتوم ديل
سندس: هي عويناتي بشوفن غيرك 🙊
محمد: كلامك سمح ي سندستي
سندس: وي علي يا شنو
محمد: سندستي
سندس: هوي شكلك بتدور تفوت بي يلا خلاس امش
فعلا هو مشا وانا دخلت لي ناس امي واشيل واتكشم وحاه الله خشمي لامن علق
شربت 4 كبابي شاي وانا ما منتبهة
سندس: احيا الشاي دا ما نفعني
اميره: عليك الله تعالي اكلينا نحن
سندس: لي شان شنو !!!!
اسمهان: يختي شربتي اربعه كبابي شاي وما نفعنك اها البنفعك شنو
سندس: وحاه الله ولا منتبه + اكيد بنفعني العرس بس
اسمهان: واي منك غايتو يا محمد ما عملت فينا خير
سندس: انا ماشا الخرتوم
اسمهان: بصح وجري حضنتها
اميره: طيب سرعي عشان حا نرجع انا وانت واياد لانو محمد رجع
سندس: اتاريها فوزيه زعلانه عشان سيد الريد يعني يا حليلها
اسمهان: هيي صحي والله ما كانت عاجباني
المهم قامت جهزت شنطتها وانا شلت شنطتي وطلعنا طوالي ودعنا ناس امي ومرقنا نحن واصلا امهم وابوهم ووليد قامو ابدر مننا
اها انا اعاين لي اياد بدس وحاه الله ولد زي صباح العيد اها سندس قامت نامت لمن صحت فتحت قبلت بي جاي وبي جاي
سندس: اجيي اياد حبيب اسمهان الجابنا معاه شنو
يلا انا دي لمن جاتني عشراقه واميره ميته ضحك واياد زاتو يضحك
اسمهان: اتي خارجياتك دي ما بتخليها
سندس: هي بسم الله دا مش ياهو حبيبك ودي اختو نحن الجابنا معاهم شنو ،، ماشين وين انحنا
المره دي بدون وعي خبتتها خبته حتى صحصحت
سندس: سجمي قلت شنو الليله
اميره: قلت حاجات خطيره
_سندس_
اها انا عرفتني بكون درعتها بس ان شاء الله ما يكون شي خطير عشان اسمهان الليله بتنتهي مني
طوالي طلعت تلفوني واتصلت لي محمد
سندس: محمد وحاه الله مشتاقين
محمد: هي متين هو ؟
سندس: كدي يا محمد غلتانه انا ،،
محمد: دققيقه يا بنيه بهظر معاك كيفن ما اشتاق ليك
سندس: بصح عليك الله
محمد: ايا والله
سندس: طيب بدور اقول ليك انو حياتي بلاك ما بتبقى
محمد: الله على الكلام السمح ،
سندس بي زعل وات مالك مابتقول لي كلامن سمح مانعنك ولا شنو ما اصلكم اتو ما زي اولاد الخرتوم البقولو كلام سممح للبنات
محمد: خلاص خلي اولاد الخرتوم ينفعوك وقفل في وشي
سندس: هي زعل برجع ليه بعدين خلاص اها لقيت ديل بعاينو لي كلهم وبضحكو
سندس: اجي مالكم مشكله بسيطه بين البت وسيد ريدها مالكم ،،، هي نسيت اتو ماكُن بايركس الحاجات دي ما بتعرفولها
يتبع...
#ايثار_كمال
**الروايه مفروض اسمها يبقى اهي اهي لانو البكيه دي في اي جزء في😂😂😂😭
