ام سماره. باجر اخذهه اجهزه مثل العروس
ابو سماره. لا ميقبلون. يريدونهه بملابسه. بس جهزيلهه كم لبسه تاخذهم وياهاا.
ام سماره. الله لايوفقهم ان شاءالله.
يوم ذهاب الفصليه سماره. لبيت الشيخ سامر
في بيت الشيخ
سامر. كعدت. الصبح غسلت . وبدلت ونزلت صبحت على الشيخه بست راسهه وايدهه.
الشيخه. صبحك الله ابخير يمه شيخ شوكت تجي البت
سامر. قصدج الفصليه باجر تجي
الشيخه. سامر ديربالك من الظلم يمه
سامر. ان شاء الله. واني بداخلي بركان. شوكت تجي واطفي نار كلبي بيهه
الشيخه. الله يهديك ياشيخ
في بيت سماره.
ابوسماره. ام سماره. اجهزي بتج باجر من الصبح نتوكل على الله
ام سماره. ان شاءالله يالله سموره روحي ويه البنات لمي غراضج
سماره هنا و مريم. حاضر ماما. صعدنه للغرفه. واباوع. شنو ألم دألم من ذكرياتي واحلامي وراحتي
كمت الملم غراضي وابجي واحضن البنات احبهن وهنه يحبني وكتلهن شلون بفراقكم راح اشتاقلكم
هنا ومريم. الله يصبرنه ويصبرج يروحي. ان شاء الله يطلعون زينين
سماره. ان شاءالله تعدي على خير كملت لم اغراضيي ونزلت تعشينه وسهرنه اني واهلي. نعست وصعدت نمت كعدت الصبح غسلت وبدلت لبست فستان مخصر على جسمي اسود طويل وشال
وحذاء وجنطه اوف وايت و نزلت صبحت عليهم واتريكنه وكال بابا
ابو سماره. هاا بنيتي جاهزه خلينه نطلع هسه العالم تنتظر. واني بداخلي اكول راح اوديهه بيدي للظلم ولجهنم
سماره. ايي بابا جاهزه . حظنت ماما ابوس بيهه وابجي وحظنت اخوتي محمد ومحمود و مصطفى وابوس بيهم واباوع ماكو احمد وسألت ماما احمد وين
ام سماره. بالغرفه حابس نفسه يكول من ورايه راح تروح
سماره. لا ماما هذا نصيبي من رب العالمين رحت عليه للغرفه فتحت الباب كتله احمد متريد تودعني
يباوعلي ويبجي كال
احمد. من يوم الحادث واني بين الم الحادث والم روحي على اختي. كلهه من ورايه راحت فصليه واحنه نحلم ونخطط الزواجه ونفرح بيهه
وقررت مااودعه لان مابيدي شي مااكدر امنع روحتهه كله من وراي دخلت سموره عليه. وكالت متودعني كتله شلون اودعج ومن ورايه راح تدخلين النار برجليج ونزلت ادموعي. كتلهه سامحيني يبت امي وابوي. كالت
سماره. كال من وراي اني كتله حماده موذنبك هذا نصيبي من رب العالمين يموت الولد ع ايدك واروح اني فصليه. ان شاء الله يطلعون زينين
مسامحتك يروحي. حظنته ونزلن ادموعنه. سوه
وطلعنه للباب. واباوعلهم كلهم مجتمعين كتلهم سامحوني اذا زعلت واحد منكم او ضوجته او قصرت اتجاهكم بشي
الكل يبجي وكالوو ماسمحه. انتي سامحينه.
سماره. مسامحتكم ياسندي بهل دنيا. وبجيت كلت
يالله بابا.
ابو سماره. يالله بنيتي مشينه
محمد ومحمود. ومصطفى احنه نروح وياكم.
سماره. صعدنه اني وبابا ومحمد
ومحمود مصطفى بالسياره
عمامي ولد عمامي. بسياره 2
والطريق كله ابجي. وافكر بعد
مااشوف اهلي ماما و. بابا واخوتي وغفيت وماحسيت غير على محمود يكعدني ويكول وصلنه
نزلت اباوع بيت عادي بس حيل چبير. وبي حديقه اكبر من البيت وحيل حلوه . وهواي زلم كلهم مسلحين. نزلت راسي خايفه ولازمه ايد محمد ومحمود ارجف. وحظنوني وكالو بويه لاتخافين. بجيت وهمه بجوو. كتلهم والله ماخايفه شافني
بابا ابجي حظني وكال
ابو سماره. سمعت كلام سموره. حظنتهه وكتله سامحيني باباتي. مابيدي شي.
سماره.كتله مسامح بابا.
في بيت الشيخ سامر.
سامر كعدت الصبح صافن بالسقف وافكر اليوم راح تجي الفصليه كمت من فراشي غسلت وبدلت ولبست دشداشه سوده. وغتره بيج. لفيته على طريقه عمانيه ولبست محبسي. وساعة ولبست جراب السلاح وخليت بي سلاحي ونزلت صبحت على الشيخه.بست راسه وايده وصبحت على ابو صكر.
وكعدت اتريكنه وكال ابو صكر
ابو صكر. شيخ. اليوم. تجي البت احذر من الظلم ياخوي
سامر. ابو صكر. هاي فصليه. وكلشي راح اسوي بيهه
ابو صكر. ماكول غير الله يهديك ياخوي
الشيخه. يمه شيخ بالمظيف عادل. ومايظلم.
و لاتظلم البت وهيه. بالبيت.
سامر. كتله على امرج شيخه. واني داخلي بركان. محد يحس بنار كلبي على اخوي وكلت ابو صكر شوكت يوصلون
ابو صكر. على وصول.
سامر. طلعنه اني وابو صكر.و عمامي
. وولد عمامي. شايلين اسلاحنه.
وصلوو اهل الفصليه واني عيني
ع السياره انتظر تنزل الفصليه كلبي نار
اريد اخذ الثار. نزلت هيه
و اخوته. وحاظنيهه يبجون
جان اضل صافن. هاي شنووو لا يالله
بعده صغيره. اني بس اكفخه راشدي تموت.
هسه شلون راح انتقم منهم بيهه.
ابوسماره. اخذت بنيتي بحظني ابوس بيهه وكتلهه بنيتي انتبهي على نفسج وكلشي يطلبون كولي امر ارفعي راسي يبنت روحي. ورحت سلمت ع شيخ سامر كتله هاي بنتي غاليه. هاي امانه يمك
سامر. جابهه ابوهه وسلمهه بايدي واني رافع حاجبي على جمالها ونعومتهاا. و لابسه مستور. بس جسمه
مفضووح عدها وورك. حيل بارز. شنوو هذا. لا يالله. وجان افز من تفكيري هيي. شبيك سامر. هاي فصليه هاي بدال دم اخوك. هاي لازم تعذبهه. وتخليه تكره نفسهه والى اخليه تتمنه المووت. وكتله لا يضل بالك ابو محمد.
سماره. اخذني بابا وسلمني الواحد عيونه تجدح من الغضب وكاله هاي امانه يمك دير بالك عليه كال اطمئن وسحبني من ايدي
