#الكاتبة_ميمي
مرتضى. يصير خير بس كوم انته بسلامه
سامر. ابو صكر.اريد اطلع يخوي
مرتضى. ان شاء الله يكمل المغذي ونطلع الدكتور اكتبلك على خروج
في بيت الشيخ.
الشيخه. طلعوو ابو صكر وسامر. بس للظهر كلبي وجعني عليهم كلت يمه ياشيوخ كلبي وينكم شصارلكم. شو مامرتاحه اليوم. صليت ودعيت ربي يحميهم من الشر
سامر كملت المغذي واخذنه جثمان اخوي وطلعنه الكربلاء وصلنه للبيت. وكلت لمرتضى ابو صكر شلون راح انكول للشيخه
سامر. اني وابو صكر ولد عمامي شايلين جثمان اخوي عباس ودخلنه على الشيخه. وكالت. هايمه
جبتوو العريس. بنعش. وهلهلت كلللللوووووش. يمه مبارك عليك ووكعت بالكاع دمعت عيني وركضت عليه. صحت يااااشيييييخه. موحمل تعوفيني هسسسه. و اخذناها. اني وابو صكر للمستشفى وطلع هبوط بالضغط ضربوهه ابره مهدئ ومغذي. شوي صارت احسن كالت اريد اشوف وليدي كملنه اجراءات الخروج و رجعنه للبيت
الشيخه. بعد ماشفت وليدي العريس بالنعش. متت على وليدي كمت احجي واهلهل وماحسيت الى واني بالمستشفى وكتلهم اريد اشوف وليدي وصلنه للبيت وجان سامر يكول شيخه ودمعت عينه
سامر. شيخه. فكري بينه احنه بدونج شراح نسوي بدون شوفت وجهج ياوجه الخير ونزلت دمعتي كبل مسحته وكتله وعلي الدم بالدم وجان ادكول الشخيه
الشيخه. يمه هذا قضاء وقدر تعدد الاسباب والموت واحد. فكر يوليدي لو الولد ذاك مات. جان صار العكس. استغفر. ربك وادعيله بالرحمه يمه
سامر. الله كريم. دخلنه جوه لكينه كووول عمامي همه وولدهم ونسوانهم وبناتهم بالبيت يصيحون ويبجوون. ملخوو نفسهم من البجي وجان الشيخه تصيح بيهم ونزلت ادمووعه اول مره اشوفهن من بعد ابوي الشيخ الله يرحمه وادكوول
الشيخه. حجيت ويه سامر. ودخلنه للبيت. واشوف النساويين. ملخه نفسه من البجي والصياح
وجان اصيح واكول. كاااافي. لحد يبجي ويصيح. وليدي عريس راح. ونزلت ادموعي. وكلت ان لله وان اليه راجعون
سامر. ضلينه للصبح كاعدين محد نام رحنه للنجف و دفناه و بعد. 3 ايام خلصت الفاتحه وكلت هسه وقت الثار الدم بالدم اخذت ولد عمامي وطلعنه 4 سيارات. لبغداد
في بيت ابو. سماره.
ابوسماره. بالمستشفى. طلعوو الشيوخ بعد مامات ابنهم وابني بغيبوبه. وضلينه وياها. وبعدين. كاموو يركضون الدكاتره والممرضات ورحت اركض عليهم. شكوو شصار
الدكتور. الحمدالله على سلامته ابنك بخير اتعدى مرحلة الخطر وهسه صحه من الغيبوبه
محمد. دكتور نكدر نشوفه.
الدكتور. موبس تشوفه راح اكتبله على خروج بس لازم الراحه التامه.
ابوسماره. ان شاءالله دكتور. اني اشكرك على تعبك ويانه.
الدكتور. العفوو هذا واجبي. ابو محمد.
محمد طلعنه للبيت. ولكينه البيت مكلوب. عمامي وخوالي كلهم يتحمدون على سلامت احمد
بعد 3 ايام من الحادث صار الي جنه متوقعينه
