فصليتين

البارت الثالث والثلاثون

سجادد: لزمتهه وگطعت الحزام عليهه تگطع

سميه: عوفني الله يكسر اديك.

سجاد: ولج مال مشاكل لسويتيهه انه واخوي وكعتهه مال جاهل قشمرتيني هم وكعتهه بس مال تأذين امي وتكسرينهه لو يوكف كدامي اكبر واحد ماوكعهه انتي شني من كلب عدج كطعت لحزام عليهه بس هم مابرد گلبي فتحت الباب وكلتلهه انتي طالگ طالگ طالگ وطلعت من البيت رحت لأمي
.
.
.
.

.
سميه: بويه شوف شسوه بيه 😭😭😭

ابو سميه: تستاهلين. ولج شني هذا تفكيرج انه منه اعلكج بلبنكه بعد زين ماموتج. بس صوج امج لشجعتج نطيتجن مجال زياده. بس اني الجن منا ورايح بعد طلعه ماكو لتوصل للباب رجليهه تتكسر لا عرس لا فاتحه لا سوك لا عزيمه فهمتتن فشتلني بين العالم والشيخ 😡😡😡😡😡صخمتن وجهي الله يصخم وجهجن

.
.
.
.
.
عسل:اجه يوم عرس ايناس هم رحنه للصالون وحضرنه بس مالي خلك اي شي رجعنه للبيت هم ركصن وتعب وايناس طلعت تجنن جنهه لعابه.  رحنه للزفه زفوهه وخلصوو ورجعنه لبيت جدو ثاني يوم راح نرجع لبغداد كبل نمنه من التعب متنه.
.
.
.
.
سجاد: رحت لامي وكعدت يم رجليهه ابجي

ام سجاد:اسم الله الرحمان شبيك ابني شصاير وياك

سجاد: يمه سامحيني ابوس رجلج

ام سجاد: على شنو حبيبي

سجاد: سولفلتلهه كلشي على سميه

ام سجاد: يمه انه عرفتهه من لبدايه بس ماكلتلك لين ردتك تعرفهه بنفسك لين اذا احجي راح تكول كرحت لو تسوي شي انته بعد تعرف شرهه وعقليتهه همزين وشسويت انته وياهه

سجاد:يمه طلكتهه

ام سجاد: شلون وعمك. يمه اذا الك نفس بيهه لا تطلكهه علمودي اني مابيه شي وصرت زينه لا تخليني اصير حاجز بحياتك

سجاد: لا اني ماريدهه وماكدر اعيش وياهه ماشوفهه الي مره من البدايه تزوجتهه بس علمود اكسر خشم عسل بس اني لوكعت بيهه

ام سجاد: اي شوف شحصلت من عنادك وعصبيتك هل راحت عسل منك بنيه مثل لورد تنحط ع جرح يطيب

سجاد: يايمه اوعدج عسل راح تصير الي ومو لغيري وراح ارجعهه لو جان الثمن حياتي

ام سجاد: ماكو شي غصب سجاد هم تريد ترجع تعيد نفس سالفه

سجاد: لا ياغصب. بس اكلج عسل ماتكرهني. رغم لسويته بيهه

ام سجاد: درجعهه وهذا اخوك حاط عينه على اختهه

سجاد:ههه شني ياهي اختهه

ام سجاد: ميمي اختهه لصغيره هم حليوه بس للسان هيه وكرار يوميه حرب تصير