မီနာရှုထောင့်
ထိုယောက်ျား၏ ခန့်ညားလှပသောကျောပြင်ကျယ်ကြီးကို တွေ့ရသည်။ကိုယ်နေကိုယ်ဟန်မှာလည်း မော်ဒယ်တစ်ယောက်ကဲ့သို့ပင်။လက်ရန်းပေါ်တွင် လက်နှစ်စုံကို တင်ထားကာ လောကကြီးတွင် သူတစ်ကိုယ်သာရှိသကဲ့သို့ ရေပြင်ကြီးအားငေးမောနေသည်။ကျယ်ပြောလှသောရေပြင်ကြီး၏ဘေးပတ်လည်ကို မိုးမျှော်တိုက်တာများက ဝန်းရံထားသည်။အရာခပ်သိမ်းကိုကား ကောင်းကင်ပြာကြီးမှ လွှမ်းခြုံထားသည်။ထိုကောင်းကင်ပြာနဲ့အတူ အဖြူရောင်တိမ်များက ယှဉ်တွဲလျက်ရှ်ိသည်။
ထိုနေ့ကား သာယာသောနေ့ဖြစ်သည်။ကင်မရာတစ်လက်သည် မည်မျှပင် အရည်အသွေး
ကောင်းစေကာမူ သဘာဝမျက်လုံးကိုကား မမှီပေ။
ရေပြင်ကျယ်ကြီးနဲ့ ထိုယောကျာ်းသည် ဓာတ်ပုံကင်မရာထဲတွင် ဤမျှပြီးပြည့်စုံသော မြင်ကွင်းဖြစ်လျှင် ပကတိကား မည်မျှလှရက် မည်နည်းဟုအောက်မေ့မိသည်။အချိန်အတော်ကြာ ထိုကျော
ပြင်အား ငေးမောနေမိသည်။ငေးနေမိသူမိမိ၏ မျက်လုံးနှင့်ကိုယ်ခန္ဓာတို့သည်
ထိုကျောပြင်မှ တစ်ဖဝါးမှမခွာချေ။နောက်ဆုံး၌
ကျောပြင်ပိုင်ရှင်သည် မိမိရှိရာအရပ်သို့ မျက်နှာမူခဲ့ပေပြီ။သို့ပေမယ့် မိမိမှာတော့ မူလပုံစုံအတိုင်းသာ။ထိုသူသည်ဖြည်းငြင်းသော ခြေလှမ်းများဖြင့် လျှောက်လှမ်းလာသည်။မိမိရှိရာအရပ်သို့
လျှောက်လာလေသည်လား?ခြေတစ်လှမ်းပြီးတစ်လှမ်း လှမ်းလို့လာသည်။
နီးကပ်သော အကွာအဝေးရောက်မှ မိမိ၏အသိတရားများ တိုးဝင်လာကာ လက်ထဲတွင်ရှိသော
ကင်မရာဖြင့် တောင်ရိုက်မြောက်ရိုက် ရိုက်လိုက်
သည်။မိမိ၏ပခုံး၌ လက်ချောင်းဖြင့်ပုတ်သော အထိအတွေ့ကို ရရှိသည်။ထိုအထိအတွေ့သည် မိမိအား ရုတ်တရက်ဆိုသလို လန့်ဖြန့်စေကာ လက်ထဲရှိ
ကင်မရာသည် ကမ္ဘာမြေကြီး၏ ဆွဲအားအတိုင်း အောက်သို့ကျလေသည်။လျင်မြန်သောလက်တစ်စုံကြောင့် ကင်မရာလေးမှာ ဖျက်စီးခြင်းတရားမှ လွတ်မြောက်လေသည်။ကင်မရာအား ထိုလူလက်မှယူလိုက်ပြီး "ကျေးဇူးတင်ပါတယ်(အာရီဂတိုဂိုဆိုင်းမာရှီတ)"ခါးကိုင်းကာ ပြောလိုက်သည်။
YOU ARE READING
What's love?(အချစ်ဆိုသည်မှာ)
عاطفيةPark Sun Hoo who is afraid to commit in love There's Mina who's kpop superstar How their meet cute in Kobe city lead to love? ငယ်ဘဝမှ စိတ်ဒဏ်ရာကြောင့် အချစ်ကိုမယုံကြည်ရဲသော ပတ်ဆန်းဟိုးနှင့် ကေပေါ့စူပါစတား မီနာတို့ ဂျပန်နိုင်ငံ ကိုဘီမြို့မှာ မထင်မှတ...