ماما صحتني من النوم كالعادة عشان انام جمب أختي الصغيرة عشان متخافش لوحدها قومت و أنا شبة صاحية و نمت جمبها نمت مش كتير يعني نص ساعة روحت لقيت الساعة ٩ الصبح صحيت لبست السماعة بتاعتي و بسمع عليها اغاني أيوة متستغربش دي من عاداتي اليومية و بعدين غسلت سناني فكرت هفطر اية فطرت جبنة و عيش و بعد مخلصت فطار لقيت الساعة ١١ رخمت علي اختي شوية و بعدين صحيتها غصب عنها و عملتها فطار ال هوا بيض اومليت كلت و اتفرجت علي عالم سمسم بعدين بدأت تكتب واجبها بتاع الدرس وهيا بتتمرقع يعني تكتب شوية و تغني ترقص كدا و أنا بزعقلها و قعدنا عادي بعدين جبت ازازة الكحول عشان امسح شاشة الموبايل مسحتها و لقيت الموبايل جاب شاشة سودا بس شغال فضلت اعيط و جسمي اتنفض و خفت لحسن ماما تعرف "مع العلم اننا قاعدين لوحدنا في البيت بابا و ماما في الشغل و اخويا الكبير في الدرس" بعدين حطيتة علي الشاحن و اشتغل الحمد لله و بعدين بابا جه من الشغل علي حوالي الساعة ٣ تقريبا و روحت أنا و هوا ودينا اختي الدرس بتاعها و رجعنا البيت عملنا الغدا مع بعض الغدا كان طواجن مكرونة بالحمى المصريين يعرفوها و ماما جت من الشغل و اخويا رجع من الدرس و اتغدينا بعدين روحت أنا و ماما جبنا اختي من الدرس و روحنا البيت قعدنا شوية و جتلنا مرات خالي السوسة علي الساعة ٨ كانت رايحة تجيب مشترك و خدت ماما معاها مش عارفة لية بس قشطا و بعدين رجعوا ماما بقا من واجب إكرام الضيف راحت قالتلها اتفضلي عندنا شوية و دخلت عندنا الشقة و خرجت جبت ببسي و جبت حاجة حلوة لبنتها الصغيرة و هيا و ماما قعدوا يتكلموا و أنا و اختي و بنت خالي الصغيرة قعدنا في الاوضة إلي برا و رسمنا و كلنا و شربنا ببسي و اتفىجنا علي اسبونج بوب و بعدين مشيو قعدنا نتفرج علي التلفزيون شوية لحد الساعة ١٢ بعدين ماما خدت موبايلي تلعب علية كاندي كراش لحد لما جت الساعة واحدة و أنا طبعا خت منها الموبايل بحجة أنة سخن و كدا و قعدت اقرا رواية أما منزالها لحد لما جت الساعة واحدة و نص كنت واصلة لبارت معين في القصة فية إن حد بيكتب مذكراتة و جتني الفكرة أنا بكتب ملخص الي حصل انهاردة و هروح أنام
Marina samy
أنت تقرأ
يوميات مارينا
Non-Fictionأنا بكتب المذكرات دي حرية شخصية السبب الرئيسي اني اكتب المذكرات دي إني الهي وقتي و كمان عشان في المستقبل ارجع اقراها و افتخر اني أحرزت تقدم و شوف الفرق بين الماضي و الي بيحصل دلوقتي
