အရာအားလုံးဟာ အဲ့ဒီေန့က စခဲ့တာ...
ရော်ရွက်ဝါလေးတွေ တဖြုတ်ဖြုတ်ကြွေကျနေတဲ့ ဆောင်းဦးရာသီ။ ရွက်ဝါလေးတွေက
က သစ်ပင်ပေါ်ကနေ မြေပြင်ကို တရွေ့ရွေ့ ကြွေကျနေတယ်။ Rose မျက်လုံးထဲတော့ သစ်ရွက်တွေကြွေနေပုံက ဘဲလေးအကမယ်လေးတွေ ကနေသလိုပဲ။ အဲ့နေ့တုန်းက Rose တစ်ယောက် အနီနဲ့အနက် ရောထားတဲ့ plaid skirt ၊ အဖြူရောင် tank top ၊ နောက်ပြီးကျ အပေါ်ကနေ မီးခိုးရောင် jacket လေးတစ်ထည် ထပ်ဝတ်ထားတယ်။ ကျောင်းဝန်းထဲ ဟိုကြည့် ဒီကြည့်နဲ့ ဘယ်သူက ဘယ်သူမှန်းလဲ မသိသေးဘူး။
“ ဟေး … မင်းက ကျောင်းသူသစ်လား ”
ဟိုဒီလိုက်ကြည့်နေတုန်း ဘေးနားကနေ လှမ်းမေးတဲ့အသံကို ကြားလိုက်ရတယ်။ သူ လှည့်ကြည့်လိုက်တော့ သူ့ကိုလှမ်းမေးတဲ့သူက ကောင်လေးတစ်ယောက်ဖြစ်နေတယ်။ Rose ထက်တော့ အသက် နည်းနည်း ပိုကြီးတဲ့ပုံပဲ။
“ ကြည့်ရတာ ကျွန်မက သူများတွေထက် မျက်လုံးထဲ ပိုထင်းနေတယ်နဲ့ တူတယ် ”
“ အင်း … ။ မင်းက သိပ်လှတာကိုး ”
သူ့ကို လှမ်းကြည့်ရင်း ကောင်လေးက ပြုံးပြီး ပြန်ဖြေတယ်။
Rose လည်း ပြန်ပြုံးပြရင်း ပေါ့ပေါ့ပါးပါးပဲ နူတ်ဆက်လိုက်တယ်။
“ နောက်ဆို ကျွန်မကို Rose လို့ ခေါ်လို့ရပါတယ် ”
နူတ်ဆက်ဖို့ ကမ်းလိုက်တဲ့ လက်ကို ဖြေးဖြေးလေးဆုပ်ကိုင်ပြီး နမ်းလိုက်တယ်။ ရိုမီယိုက ကပွဲညမှာ ဂျူးလိယက်ရဲ့လက်ကလေးကို နမ်းပြီး နူတ်ဆက်သလိုမျိုးပဲ ။
“ ကျွန်တော့်ကိုလည်း နောက်ဆို Tyler လို့ပဲခေါ်ပါ ”
အဲ့နေ့ကတည်းစပြီး Rose တစ်ယောက် ချစ်မိသွားခဲ့တယ်။ Tyler ကို ပိုင်ဆိုင်ရတာက လက်တွေ့ဘဝထဲ သူ့တစ်ဦးတည်းအတွက် သီးသန့်ဖြစ်တည်နေတဲ့ ရိုမီယိုကို ပိုင်ဆိုင်ရသလိုမျိုး၊ ဒစ္စနေးပုံပြင်တွေထဲက Prince Charming နဲ့အတူရှိနေရသလိုမျိုး အရာအားလုံးက ချိုမြိန်ပြီး လှပနေတယ်။ ဘဝမှာ တစ်ခါမှ ဒီလောက်ထိ ကြည်နူးပီတိ ဂွမ်းဆီထိ ဖြစ်မနေဖူးဘူး။
----------------------------------
ကျောင်းဆင်းကပွဲနေ့ …
အဲ့နေ့က Rose ငွေရောင်ဂါဝန်လေးနဲ့ ပုလဲလည်ဆွဲလေးကို ဝတ်ထားတယ်။ ဆံပင်ကို ရေလှိုင်းတွေလို ကောက်ထားတယ်။ Tyler ကတော့ အနက်တိုင်းဝတ်စုံအပြည်နဲ့ မိမိုက်နေကောပဲ။ Tyler က Rose ကို ပြုံးပြရင်း ကျောင်းကပွဲညကို အတူတူ ကခဲ့ကြတယ်။ သူ့လက်ကို ဆုပ်ကိုင်ထားရတဲ့အခိုက်အတန့်မှာ ကမ္ဘာလောကကြီး ခဏရပ်တန့်သွားသလိုမျိုး အဲ့ညရဲ့ အချိန်တွေကလည်း ရပ်တန့်သွားတယ်။ ကပွဲလည်း ပြီးကော အစီအစဉ်တင်ဆက်သူက နောက်ဆုံးပိတ်အနေနဲ့ ဒီညရဲ့ Prom King and Queen ကို ကြေငြာပေးဖို့ စင်ပေါ်တက်လာတယ်။
YOU ARE READING
လွတ်လမ်း ကမ်းမရှိ ( Myanmar Translation)
Short Story(TW: rape, abusive, violence, suicide, crimes) ကြောက်စရာကောင်းတဲ့ Relationship ကြောင့် ကိုယ့်ကိုကိုယ် အဆုံးစီရင်ခဲ့ကြသူများဆီသို့ ... အနိုင့်ကျင့်စော်ကားတတ်တဲ့ Abusive relationship မျိုးက ဒီကမ္ဘာပေါ်မှာ ထပ်မရှိသင့်တော့ဘူး။ ရပ်တန့်ပစ်မှ ရမယ်။ အချစ်က...
