တီဗွီက လွှင့်နေတဲ့ သတင်းမှာ တုန်လှုပ်စရာ အကြောင်းအရာတစ်ခုကို ကြားလိုက်ရတယ်။
“ …. ရဲအရာရှိတွေဟာ Zeke Goldwings ဟု ယူဆရသော အမျိုးသားအလောင်း တစ်လောင်းကို ယနေ့မှာ ရှာဖွေ့တွေ့ရှိခဲ့ပါတယ်။ အဆိုပါ အလောင်းတွင် နှလုံးနေရာသို့ ထိုးသွင်းဒဏ်ရာ နှစ်ချက်၊ ဦးခေါင်းသို့ သေနတ်ပစ်ရာ တစ်ချက် တွေ့ရှိရပြီး သံသယရှိတရားခံဟာ အဆိုပါအမျိုးသားကို သတ်ဖြတ်ခဲ့ပြီးနောက် မြစ်ထဲသို့ ပစ်ချခဲ့တယ်ဟု ယူဆရကြောင်း ရဲအရာရှိတွေက ဆိုပါတယ် ။လက်ရှိအချိန်အထိတော့ ရဲအရာရှိတွေက Zeke Goldwings ကို သတ်ဖြတ်ခဲ့သူနှင့် ပက်သက်ပြီး သဲလွန်စ တစ်စုံတစ်ရာ ရရှိထားခြင်းမျိုး မရှိသေးပါဘူး။ Zeke Goldwings တစ်ယောက် ကောင်းကင်ဘုံမှာ အနားယူနိုင်ပါစေ … ”
သတင်းတင်ဆက်သူက သက်ပြင်းတစ်ချက်ချရင်း သတင်းကို အဆုံးသတ်လိုက်တယ်။ Zeke အသတ်ခံလိုက်ရတဲ့သတင်းက Rose ရင်ထဲ ေစာင့်တက်သွားတယ်။
“ Tyler !”
Rose ဒေါသတကြီးနဲ့ Tyler ကို အော်ခေါ်လိုက်တယ်။ အဲ့တာနဲ့ Tyler လည်း အပေါ်ထပ်ကနေ စိတ်ပျက်လက်ပျက်ဆင်းလာရင်း ပြန်မေးတယ်။
“ ဘာဖြစ်ပြန်ပြီတုန်း ! ”
“ ရှင် သတ်တာမလား ။ ရှင် သူ့ကို သတ်လိုက်တာမလား! ”
တီဗွီက ကြေငြာသွားတဲ့သတင်းကို မယုံနိုင်ဘဲ ဒေါသတကြီး မေးလိုက်တယ်။
“ ကြံကြီးစည်ရာ … ။ ကြည့်ရတာ တစ်ယောက်ယောက်က ရဲတွေထက် ပိုသိ ပိုတတ်နေပကောလား ”
Rose ကို မထိခလုတ် ထိခလုတ် ရီရင်း သူနဲ့ ဘာမှမဆိုင်သလို ပြန်ဖြေတယ်။
လူတစ်ယောက်လုံး သေသွားတာကို ခနဲ့တဲ့တဲ့ စောင်းမြောင်းပြောနေတဲ့ သူ့ကို Rose သည်းမခံနိုင်တော့ပဲ ပါးတစ်ချက် ဖြောင်းကနဲ ချထလိုက်တယ်။ ဒါက Rose တစ်ယောက် ပထမဆုံးအကြိမ် သူ့ကို ငြိမ်ခံမနေတော့ဘဲ ပေါက်ကွဲထွက်လာခဲ့တာပဲ။
ရုတ်တရက် ပါးချခံလိုက်ရလို့ Tyler ဒေါသက ငယ်ထိပ်ကို စောင့်တက်သွားတယ်။ ချက်ချင်းပဲ သူ့ကို မျက်ထောင့်နီနဲ့ စိုက်ကြည့်ပြီး လည်ပင်းကနေ ဆွဲချုပ်ရင်း နား နားတိုးတိုးလေး ကပ်ပြောလိုက်တယ်။
YOU ARE READING
လွတ်လမ်း ကမ်းမရှိ ( Myanmar Translation)
Short Story(TW: rape, abusive, violence, suicide, crimes) ကြောက်စရာကောင်းတဲ့ Relationship ကြောင့် ကိုယ့်ကိုကိုယ် အဆုံးစီရင်ခဲ့ကြသူများဆီသို့ ... အနိုင့်ကျင့်စော်ကားတတ်တဲ့ Abusive relationship မျိုးက ဒီကမ္ဘာပေါ်မှာ ထပ်မရှိသင့်တော့ဘူး။ ရပ်တန့်ပစ်မှ ရမယ်။ အချစ်က...
