TIED TO YOU

TIED TO YOU chapter 1

Chapter one.

Mak!.. Gracie nyabak nitih ke mak iya benung di irit apai iya,naka meh pemedih Lyssa beakai-akai minta kasih tang laki iya majak ngirit betarit ke buk iya ambih telanjai-lanjai tudah Lyssa dirit iya laban ke bekenaka kain sarung aja tang nasib bekena ke baju enggau tanchut dalam.

"Dik ka amat kiruh ke aku neh,kini pejalai aku dik kiruh amat diau sekali dik ba luar rumah indu sial!" Pabo.

Mak!.. Rerangai aja meh tudah Gracie ngangauka mak iya sambil ngetup mulut tusu botol iya enda bebaju semina bekena ke pimpus aja.Gracie berumur 3 tahun agi mit ukai nemu nagang apai iya majak medihka indai iya semina nyabak aja meh tudah ke meda indai iya nyabak rerauh nyepi diri pedih.

"Akai..pedih aku badu ngaga aku bakatu bunuh sekali meh aku ari dik nginsah aku bakatu idup nadai meh guna aku tu!" ko jaku Lyssa.

"Ya! Dik sigi indu nadai guna, idup ngenusahka orang indu sial baka dik nemu dik aku benchi amat meda mua dik nya aku madah ke dik pengambih pengeyaie utai meh dik nya nesal jadi enggau dik nya enti enda ketegal anak udah ku bunuh sekali enggau dik!" Pabo alu ngindik mua Lyssa ke benung gegaring gali ba lantai tengah laman laban ke dirit Pabo keluar rumah nyau enda dapat ambih tegali.

"Akai..." Lyssa nyabak aja di indik Pabo baka ke ngaga jelu.

"Nyamai! Agi dik ka agi aku udah madah anang kiruh ke aku nama pengawa aku nibuh kiruh diau aja dalan rumah anak aja peda jaga nibuh kiruh ke pengawa aku nama utai digaga aku!" Pabo nyu ngasak amat ngindik mua sentang kuyu Lyssa laban ke Lyssa tu singit tubuh ta denyak ke iya amat meh mua Lyssa udah nya dicekak iya meh Lyssa.

"Oii! Kenapa you buat bini you macam tu mati lah you punya bini kalau macam tu!" laki bansa Cina ke enda jauh ari rumah sida iya nya ngesah tudah Lyssa meda balat amat Pabo nginsah bini iya.

Betimbal jaku meh laki Cina nya enggau Pabo tang pengudah ninga laki Cina nya madah kediri deka betalipun ngagai Polis baru Pabo badu udah nya tama ngagai dalam kereta iya ngelenyauka diri ari rumah nya.

Dia meh laki Cina nya tadi nulung Lyssa angkat alu duduk ba bangku luar dia Lyssa,nya laki Cina nya ngasuh Lyssa lari kada laki iya udah bejalai enti dik majak enda lari mati dik pengujung iya laban laki dik nya ko laki Cina nya tadi irau ke Lyssa digaga iya bakanya baru.

Lyssa alu merap anak iya Gracie enggau sesabak,laki Cina nya alu ngeluluka Lyssa tama dalam rumah nulung iya beradu tang nya meh semina barang anak iya aja disimpan iya dalam kantung.

"You tunggu sini okay." Laki Cina nya alu berumban nuju ngagai rumah iya enda lama berapa minit udah nya kereta laki Cina nya tadi alu ngetu ba depan Lyssa.

Nyau meh Lyssa enggau anak iya nepan kereta laki Cina nya tadi.

Lyssa alu madah ngagai laki Cina nya ngasuh nuju ngagai rumah kaban iya,laki Cina nya alu nitih ke jaku Lyssa aja amat meh Lyssa selamat.

RUMAH AMANDA.

Datai ba dia Lyssa alu tuchum aja malik ngagai laki Cina nya tadi tang enda bejaku,laki Cina nya pan malas tuchum Lyssa laki nya nemu Lyssa enggai nyadi bejaku engka laban mulut iya bisi telih.

Enda lama udah nya Amanda alu pansut tekenyit meda seduai menyanak iya tau ba depan rumah enda bepadah,laki Cina nya tadi pan alu mulaika diri pengudah nganjung Lyssa ngagai kaban iya.

"Lys..nama ga mua dik balat amat dinsah laki dik baru pia?!" tanya Amanda sambil merap Gracie.

Lyssa semina nunduk ke pala iya aja,udah nya Amanda alu ngemai Lyssa tama bilik.

"Nama dik enggai ngeriput laki dik nya ngagai polis sekali awak iya ensepi bakani awak kena tangkap polis" Amanda.

Lyssa enda nyaut semina merening lantai aja,Amanda alu ngasuh Lyssa mandi ngena gari Amanda tang nya meh Lyssa nadai kiruh semina duduk ba bangku sofa aja.

"Dia dulu ga dik lyssa,aku meri anak dik mandi dulu anang ira au aku bisi nyaga Gracie" Amanda alu meri anak Lyssa mandi,Amanda sigi badas enggau Lyssa bakanya mega iya rinduka Gracie baka ke enggau anak diri udah ga iya selalu kiruh ke Lyssa ari bala apai indai Lyssa.

Lemai nya jarum jam udah nunjuk ke numur 6 nandaka ari udah lemai,indai Amanda pan atai ari kerja nyau tekenyit meda Lyssa bisi dia.

"Eh!dik endu lama dik udah ditu?" ko Ayang indai Amanda.

Lyssa semina ngangukka pala iya aja,Amanda alu ngasuh indai iya mandi dulu laban deka makai semua utai udah di panduk magang semina nganti diri makai.

Ari nyau udah petang amat,Lyssa alu berandau enggau Amanda madah ngasuh ngimpun Gracie enggau manah.Amanda tu sigi au ke aja enda iya nemu reti jaku padah Lyssa tu tadi,Lyssa madahka diri deka ngeriput laki iya ngagai balai Polis nyadi Amanda pan pechaya.

"Enda ngawa aku nepan teksi"ko Lyssa madah ninga Amanda deka nganjung iya ngena kereta.

"Au,enti bakanya jimat dik" Amanda.

Lyssa udah mesan teksi tadi cun-cun ga teksi nya alu datai.
Datai ba pasar,Lyssa alu bejalai kaki nuju bangku ba endur taman anak mit main dia alu duduk.
"Minta ampun mak anak,mak enda ulih ngemai dik ngagai endur taman kitu ninga dik ketawa gaga ati main diri asie" ko Lyssa nyabak ngasak amat.

Malam nya pengudah Gracie makai di sapi Amanda makai alu tinduk ba pangking Amanda,nyadi Amanda duduk ba bilik ruang tamu seduai menyinari iya.

"Uji dik telipun ngagai Lyssa umang" Ayang.

"Udah mak tang nadai diangkat ke iya enggai nyadi" Amanda.

"Kasih endar endu nya digaga laki nadai guna nya bunuh sekali enggau utai ke jai bakanya,apai indai bisi tang bangat sampai ati bebuai ke anak diri"Ayang muchau ati diri.

Lyssa sigi sengaja enda ngangkat telipun,ngasuh balat agi Lyssa nyabak.
Lyssa alu ngambar serta ngambi video endur iya kediatu rindu meda bintang bekelip ba langit baka ke malam nya.

Amanda muka facebook iya sambil meda cherita dalam tibi,sekali tepeda ke post ari Lyssa meda gambar enggau video Lyssa.

"Udah lama aku enda meda bintang baka ke malam tu engka tu meh pemadu aku meda bintang ba langit,terima kasih ngagai pengasih penyiru serta pemedih ti diberi ngagai aku ngelamatu anang irau enti dik enda sanggup tu aku sanggup ngelarika diri badu ayan agi ba dunya nyata.Udah tu aku munuh diri terjun ari tingkat atas tu engka alu enda ulih dani agi."

Pengudah macha jaku Lyssa nya alu gegetak pala patung Amanda,gegetak aja jari Amanda ngenyak ke telipun ngiga numur telipun Lyssa laban deka nagang Lyssa enda ngasuh munuh diri.

Berapa kali Amanda nguji telipun tetap enggai nyadi.

Lyssa alu bediri sambil nyabak tepeda ke numur laki iya benung ngangau ba telipun tang nadai guna iya nyaut laban iya nemu laki iya sigi ngancham iya laban laki iya kala bejaku madah "dik anang nguji munuh diri dik lagi aku disalah ke orang jaga dik!" ko jaku laki iya.

Lama diri Lyssa nyabak bediri ba tingkat atas bangunan nya,bangunan nadai utai laban udah enda diguna agi tang jalai dia sigi bisi orang bejalai laban bangunan kebukai bisi agi beroperasi.Lyssa alu mejamka mata iya sambil lengan iya kedua-dua dibuka iya,tubuh Lyssa udah nadai asai agi iya empu enda nemu diri udah labuh ke enda nyentuk ke iya alu enda nemu utai agi petang terus asai udah nya nadai nemu utai agi tubuh udah nadai asai agi.

Betampung..

Hey,terima kasih udah macha serta udah milih cherita ti dikarang aku selamat macha alu terus follow cherita ari aku sayau manis ari aku.