15 DAYS WITH YOU [Completed]

DAY 7

DAY 7

Today is Sunday, at gaya ng nakasanayan namin maaga kaming aalis para magsimba then, after gagala kami.

"Celestine? Hija gising ka na ba?" Tawag ni yaya Elena.

"Gising na po." Tugon ko naman.

"Pinapasabi ng mommy mo na maaga daw kayong aalis ngayon."

Siya si Yaya Elena, siya ang nag alaga samin ni kuya mula bata pa kami tuwing wala sina mommy. Tumandang walang anak si yaya kaya naman parang anak na rin ang turing niya samin ni kuya Christian. Malaki ang tiwala sakanya nina mommy at daddy kaya ng masira ng bagyo ang bahay nila sila na ang gumastos para mapaayos at mapatayuan sila ng mas komportableng matitirihan.

"Sige po mag aayos na po."

Ng maramdaman kong wala na sa labas si yaya bumangon na ako kama para maligo.

After almost 1 hour of preparing bumaba na ako para mag breakfast.

"Good morning dad," bati ko sakanya sabay halik sa pisngi ng madatnan ko siya sa dining area na nagkakape.

"Good morning, princess." Nakangiting bati niya rin sakin.

"Asan si mommy?" Tanong ko ng di ko siya madatnan.

"May kinuha lang, anyway kumain ka na maya maya lang aalis na tayo."

Tumango nalang ako at umupo na sa usual seat ko para kumain. I'm not into heavy meal at breakfast kaya di rin nag tagal tapos na ako sakto naman ang pagbaba ni mommy.

"Tapos na kayo?" Tanong niya ng makalapit samin. Tumango lang kami pareho ni dad.

"So let's go? Kakausapin pa natin si father bago mag start ang mass, so we need to go there as early as we can."

"Kunin ko lang po ang gamit ko sa taas." Pagpapaalam ko. Tinanguan lang nila ako kaya umalis din ako agad.

30 minutes kaming maaga bago mag simula ang sunday mass. Dumeretsyo kami sa likod ng simbahan kung saan naroon ang tinutuloyan ng pari.

Pag uusapan nila yung charity work na gagawin nila daddy dito sa simbahan. Every year nila tong ginagawa minsan twice a year or even thrice.

At dahil di ko naman alam ang pinaguusapan nila nag paalam na akong sa loob nalang mismo ng simbahan maghihintay. Maaga pa naman kaya mag suot muna ako ng earphone.

Nasa kalagitnaan ako ng pakikinig sa kanta ng biglang may tumabi sa akin. Sa pag aakalang sina mommy na yun nag mulat ako ng mata at nag tangal ng earphone para lang magulat sa itsura mg taong bubungad sakin.

"Anong ginagawa mo dito?" Nagugulat na tanong ko.

"Ano ba sa tingin mo ang ginagawa sa simbahan?" Pilosopong tanong niya. Napasapo ako sa aking noo kahit kailan talaga. Ipaalala niyo sakin na nasa simbahan ako.

"Pilosopo!" Nanggigigil na sambit ko. Tumawa naman siya ng malakas kaya napatingin ako sa mga tao na inti unti ng dumarating na nakatingin sa gawi namin.

"Chill ito naman. Madalas talaga ako mag simba dito ano." Madalas? Eh ngayon ko lang kaya siya nakita dito.

"Sige mag sinungaling ka sa harap mismo ng altar!"

"Oo na! oo na!" Pagsuko niya. Pinagtaasan ko siya ng kilay na paraang ipinapahiwatig ko na ituloy niya ang sinasabi niya.

"Ano kasi-" si siya makatingin sakin. "Ano-" di niya matuloy tuloy ang sinasabi niya.

"Ano? Puro ka ano!"

"Kasi ahm-," patingin tingin siya sa paligid tila naghahanap ng makukuhang sagot. "Hi tito, hi tita!" Parang nakahinga siya ng maluwag ng makita ang mga magulang ko.