اشعار عراقيه

؏ڼ آلآڂوٍهہ آلﭾزء ١

١

ارد اكمش الغربيل نصين اسويه
ماخله بلصحبان حتى الأثق بيه

٢

جرب صديجك يوم غثه بحچاياك
شوفه بوجه زعلان شيسوي وياك

٣

گـالـولي شـو طعنات ظهرك غـميـجه گتلهم من الضاگ ملحي إعله ريجه

٤

ماضل صديج وياي صاحب طويله
وسلمت امري اليوم ل الله اشتكيله

٥

ارد احجي شي مضموم خاف احجي ونعاب
رايدلي صاحب كون شايل وفه جلاب

٦

الخوه كون تريد صاحب وسـع بال
مـوش اعله كسرت عود لم خوته وشال

٧

غيرة وكرم واخلاص كلهن صفاتك
واتعب شوصف بيك يالطيبة ذاتك

٨

الخوه تبقه احزام للشده مذخور
طول الوكت وياك كل عمري منذور

٩

ودعت روحي العام يمك امانة
بايعها خايب ليش لهل الخيانة

١٠

الخوة شحت حيل صارت قليلة
لكن وحگ عيناك خوتنه اصيلة

١١

راح الاخو ياناس ما بعد يرجع
صار الوكت وياي ضرباته توجع

١٢

سلاني سل فركاك سواني عبرة
طبكوني ست طبكات لظموني ببرة

١٣

شتظن املك يوم لو انسى ذكراك
للجفن والتابوت حد خوتي وياك

١٤

الخوة منبع طيب وانتو من اهلها
اليزرع الطيبات يحصد مثلها

١٥

عصرتني عصرت موت ساعات الفراك
شوگ الورد للماي هيج الكم اشتاك

١٦

وكتك يخويه ادريه كلش كصه اوياك
بس الكلب والروح تتمنه ملكاك

١٧

لاجرح لاجرحين لاهنه ميه
شما اضمد اللجمات تبقه الاذيه