اشعار عراقيه

آڜٺيآﭰ الجزء ٢

١

طبع اليحب مايوم ينسى اليحبهم
يتمنى طير يصير وكل ساعه يمهم؟

٢

نمت آنه عالتبريد حسبالي أغفه
نار المحب بحشاي ماترضه تطفه

٣

اصبر واصبر الروح واشكي من الفراك
لويمي كل الناس بس الك اشتاك

٤

يل من عسل مخلوق ومكاسر بهيل
والله الكلب مشتاك لشوفتك حيل

٥

ورده شتلني الشوگ يم دار اهلکم
موذنبي ذنب الروح هيه التحبکم

٦

صاحو عليه الناس واسمع ولاجن
كالو خذاه الشوك وهذا الولد جن

٧

كلي انتة هم تشتاك وتحن مثلنه ىمن كثر مانهواك طردونة اهلنه

٨

منتظرك وتانيت وجروحي بيه
ارجعلي فدوه شبيك الحك عليه

٩

ترجف عليك اعضاي كل ساعه وتلوج
ودموعي عالخدين روج بأثر روج

١٠

اتمنى اشوفك دوم ويسعدني ملكاك
وجروحي كلها تطيب بس احجي وياك

١١

غالي وعزيز اهواي وفراگك اهموم
وعيوني لو تنساك أعميها للدوم

١٢

لعيونك الحلوات صدگني أشتاگـ
ماأصبر بلياك واتحمل افراگـ

١٣

عبوة وزرعني الشوگ صرت اعله دربك
واعذرني لو طگيت فجرني حبك

١٤

أصفن واعد انجوم وايدي اعله خدي
هم غربة هم افراگ هم ولفي ضدي

١٥

لاتگطع اترجاك سمعني كلمة
والله الهوه بلياك مايسوه اشمه

١٦

طيفك يانور العين كل ليله ضيفي
بعيونك الحلوات هم يمر طيفي

١٨

يا حد وصل وياك لوتدري حبي
من تفتح ابلوتوث تستلم كلبي

١٩

صايم على فرگاك غيرك فلا اريد
أفطر أنه بملگاك وك شوفتك عيد

....