If Merpeople Exist (Jikook) ✅

Part-1

Nipui khawlum lai a ni a,tuifawn ri te chu ngaihthlak a nuamin thli thaw heuh heuhte chu dawn a nuam em em a,mahse mihring hmuhtur an khat pharh mai. Sangha mantu thenkhat hmuhtur an awm zeuh zeuh a,a bak chu lungpui lian tak tak te,thingkung to pheuh pheuh leh ralkhata lawng lian rawn kal leh zeuh zeuhte chu a ni mai.

Chuan kan sawi theihnghilh miahloh tur chu,lung khawkrawk tak tak chunga thingphek atang siam kawng zawh zela tuipui chunga lighthouse var sang tak dinh ruah mai chu a ni.

Chu lighthouse chhungah chuan tlangval hmeltha tak leh la naupang tak hi amahin a cheng a,a hming chu Jeon Jeongguk a ni a,kum 23 a ni mek bawk.

Jeongguk hi a hmaa lighthouse enkawltute tupa niin a pi leh pute an thih hnuah Busan atang enkawlsak turin a rawn awm a, chhungkaw hausa tak atanga rawn chhuak ni mahse Seoul khawpuia hna thawh aiin hlawh tlem neia tuipui bula hna thawh chu a thlang zawk a,a chhungte pawn a duhthlanna chu zah sakin an hnial hranlo.
.
.
.
Tihtur awmloh em vangin thli thaw dawng turin lighthouse kawta thutna tur thutthleng te a siamah chuan a thu a,a phone ah chuan *Cherry Blossom Ending* tih hla,Busker Busker sak chu a ngaithla a,a sakpui rat rat a,a aw a mawiin Entertainment thenkhat chuan hmu se training tira k-pop idol-a chhuah an chak zek zek ang,a hmel a tha tel kher bawk nen,a pian phei chu sawiselbo.

A mit a chhing tan diar diar tih chuan a thutna piah deuh thingphel hnuaiah chuan thil ri barh hi a hria a,phu zukin a harh nghal kawk a,a phone-a a hla play a repeat vang chuan a ngai alo la in play bawk a.

Sangha mai mai anih ringin hla chu a sak zawmpui leh rat rat a,mahse thil ri bawrh chu vawikhat chiah nilo,vawihnih vawithum lai a nih takah chuan hriatchian tumin a tho a,kal pheiin thingphel bula tui chu a bihthla a,a thil hmuh chu a rap kher mai.

"FUCK!" A au thawt a,a bul hnaia mi an awm leh awmloh a en kual nghal vat bawk a,mahse tuipuia lawng kal lai takngial pawh hmuh tur a awmlo.

Khur der dera hnuailam a bih leh chuan engkim alo pangngai leh vek tawh a,nichin lawka tui chhung atanga mit pahnih,amah lo en kurtu pawh kha a bo daih tawh.

In chhungah lut vat vatin lift-ah a chuang chho nghal a, lighthouse chhunga a room ah chuan lutin khumah a mu nghal a,a ngaihtuah naah a mit hmuh bak kha engmah a lang theilo.

Mitthi ruang ti dawn se kha mit kha a khap lai reng a hmu bawk si a,bakah mitthi ruang chu ni se a hnu lawka a bo theih danah a ni theilo. A ngaihtuahna chu a buai ngei mai.

Fairytales tih vel,a bik takin mermaid emaw merman ho hi an awm a ringlo bur a,a thil hmuh kha anih ring mah se a rin zinga a tawp berah a dah a ni,chuti khawp chuan a ringlo.
.
.
.
.
.
Tuipuia amah en rengtu mit a hmuhna atang khan kar khat lai alo liam ta reng mai. Jeongguk pawh chuan theihnghilh tan derin a thutna siam bulah chuan a kal a,mahse tun tum chu thu loin kalna tura an siam thingphelah chuan a thu a,a ke chu tuiah chuan a chiah bawk a.

A phone-ah chuan Car,the Garden hla,All Night Long chu a play a,feel hmel em em hian a thlekpui a,mitchhing chung chuan a sakpui bawk a.

Mahse a hla play chuan a laihawl a thleng vel chauh ang,vawilehkhatah tuia a ke chiah chu engthil emawni hian a ke rekah a rawn vuan thut a,a te ring ngei mai.

"Aw Lalpa! Pa Pathian! Engthil phiangsen nge! Fuck you!  Ramhuai leh! Min thlah rawh!!!" A ke chu a thing nawk nawk a,a vuantu lah chuan a vuan nghet sauh sauh emaw tih tur hian a inphelh thei derlo zui.

Khur dur dur leh a ke la thing nawk nawk chung chuan a ke lam chu a hawi thla a,ka rei leh! A kerekah chuan kuttang dang lep mai hian a lo vuan anih chu.

Chupawh chu tih tawh nak laiin,a kuttang inkarah chuan sangha web niawm tak hi alo bet kual bawk a, vawilehkhatah Jeongguk chu zawi vekin a thutnaah chuan nikhaw hreloin a let hlawm der a.

New genre nen aw! Tlema dangdai deuhin. Nikum September thla atang khan rawn ziah ka tum tawh a, mahse ka rilruah a plot tur a lang thei hlawllo a. Tunah ka phur thut a,ka rawn dah tan ang.

Mermaid lampang te,fairies,vampire,etc, lampang hi ka tui tawp a,ngaihnawm in tih hram ka beisei.

Short story tur aw.. Chapter a tamlo ang.