If Merpeople Exist (Jikook) ✅

Part-3

"Merman ni ve si...aaaa...a ni theilo,awle,a engpawh chu ni la,mihring i lo nilo ta a. Engtinnge mihring ang chiaha i awm theih? Danglamna engmah i neilo a,engkim i la hrethiam zui. Park Jimin! Engtinnge sex chungchang te kha i hriat? Heihi prank ami?" Jeongguk chuan Jimin chu zawhna chhan senloh hi a zawt a,Jimin chuan nin hmel deuh hian a melh reng a.

Chianglo riaua a inhriat vangin Jimin nen an intawn hmasak ber ni chuan Jeongguk chuan soup siamin eitur tlem a ei a,Jimin pawh a ngaihtuah lo. A mutthilhsan hmak a nih chu.
.
.
.
Zingkara a thawh chuan Jeongguk chu a ham bai bai a,a mutna khuma a ban phar kual vel a tum chuan thil lum deuh hi a khawih fuh a,a phu nasa kher mai.

A thil khawih lamah chuan rang lutuk tak mai hian a hawi a,a lam hawia lo muhil sak sak Jimin a hmuh chuan a thaw dep dep a,Jimin chala sam bet chu zawitea hui kiansakin a hmel chu a en reng a.

Mipa mah ni la tinge i hmeltha ka tih em em a?

Jimin a en reng lai chuan a rawn meng thut a, Jeongguk chu a che lai kher mai. A kut chu a la let hrut hrut a,a aw a thian kharh bawk a,chutih lai chuan Jimin chuan thawh pahin Jeongguk chu a nuih sen sen a.

"Khum luma ka mut ngailoh vang nge,ka muttui zia hi,"a ti chhuak a, Jeongguk ai bul set sawtah chuan a va awm phei a.

"Uhh..Jimin,haw tawh rawh,"Jeongguk chuan a ti chhuak phawng a,Jimin chu a meng phawk ngei mai,"Ka tih awm-awmzia chuh,i chhungten an ngaihtuah ang che,i te ropui si."

Khum atanga chhuak vatin Jeongguk chu eitur siam tumin a tho chhuak a,Jimin pawh chuan a zui ve nghal a.

Jimin en tuma a hawi chuan Jeongguk chu a thil hmuh vangin a ka a ang phuau a,a thil tih lai theihnghilh thak khawpin a hmaa a hoodie chiah haa ding tau Jimin chu a melh tlawk tlawk mai a ni.

"Uhm...."hawi kual rek rekin a awm ngaihna hrelo chuan refrigerator chu a hawng a,a chhunga banana milk a dah chu a la,a hawn hnuah a lem khawlh khawlh a,Jimin chuan chik zet hian a lo en a.

"A tha e. Thil buaithlak kan tih zawh hunah kan inbe tha ang. Kan inkarah hian sawifiah tur tam tak a awmin ka hria. Mahse i hriat atana ka duh chu,ka hmu ngun tawh lutuk che,chuan hriatchian che ka duh a,chumi rual chuan mihring nun hi ka zir ve duh."

A sawi zawh veleh Jimin chuan khum lam chu a pan a, Jeongguk lam hawi chuan a mu a, tawrhhlelhawm zetin Jeongguk chu a en reng bawk a,a tawngtu tan chuan a bula va mut ve rawk rawk a,a taksa khawilai pawh va fawhsak a hmangaihna zawng zawng pek a chakawm hle a ni.

"Uhm...Jimin?"a tih chuan Jimin chuan mitko san ak hian a lo en a,"Kan eitur ang hi i ei ve ngai em?

Chuveleh Jimin chu khuma atanga rawn tho chhuak leh nghalin Jeongguk bulah chuan a va kal leh nghal a,dawhkan tlang chu a kut pahnihin a vuan a,nuih sen sen pahin Jeongguk chu a melh a.

"Ka ei thei vek, Jeongguk. Ka dam rei tawh a,tiang thil ei chu ngaiah ka nei tawh,"phur deuhin Jimin chuan a ti chhuak a,engmah a siam thiamloh vangin Jeongguk che vel chu a lo en reng a.

"Han sawi teh. Engtia rei nge i dam tawh,Jimin? I thusawi ka awih theih nan engkim min hrilh rawh." Jeongguk chuan kimchi chu a kang sar sar a,bibimbap siamna turin bowl lian leh telh tur ho a lakhawm bawk a.

"A hmasa berah chuan kum 532 ka dam tawh a chuan-"

"532 MAW?!" Jeongguk chuan a rawn ti chhuak thawt a.

"Lo ngawi rawh, Jeongguk. Ka sawi dawn alawm. A rualin kan awm a,a hla vaklo. Mihring hnaiha awm hi nuam kan tia,mahse min manchhuah a hlauhawm thei lutuk,"Jimin chuan Jeongguk thiltih lai chu a en pah reng a,a pum a rawn rik leh ruih ruih chuan Jeongguk chuan nui sekin Jimin chu a rawn en a,"Lo kal rawh,eitur dang ka lo pe ang che."

Jimin chu Jeongguk bulah chuan a va ding a, Jeongguk chuan bowl atang dumplings a tih lum lawk chu a la chhuak a,"Aaa ti rawh le,"tih dan tur a hrilh pah chuan Jeongguk chu a ang tel ve a,Jimin chuan a nuih hmasa te te a,a hnuah a ka chu a ang a, Jeongguk chuan dumplings chu a kaah a barh a.

Jimin chuan tui a ti kher mai, Jeongguk chu a dil leh a,mahse vanduaithlak takin a lo awm tawh bawk silo,a ner nang a.

Tihtur a awm loh vangin tuichhunga an chendan chanchin te chu a sawi chhunzawm leh a,a tawp a tawpah Jeongguk chuan Merman ani tih a awih tir thei ta hram a ni.

Dawhkanah eitur ho chu Jeongguk chuan a dah chhuak a,a zawh hnuah Jimin chu a ei theih thu hrilhin inhmachhawnin an thu ta ran a,an ril a tam dun bawk a,biak pawh an inbe manglo,an kaah eitur a lut mawlh mawlh mawlh mai a ni.

Jeongguk in Jimin chungchang a zawh vel chhung leh thil an inhrilh kual chhung chuan khua a thim lek lek tawh a,tukverh atanga pawn lam a thlir chuan Jeongguk chu a nui sek a,Jimin lam chu a en vat a,l.

"Tuiah i cheng duh em Jimin?"

Jimin chu phawk zet hian a meng a,mahse a reilo. Phur lutuka zuangin Jeongguk chu a kuah a, Jeongguk kawr la ha chungin an awmna atang chuan pawn lama chhuak turin an chhukthla a,boruak chu a tawk chiahin a dai a. Lungpui bul an thlen chuan Jimin leh Jeongguk chu dingin boruak an hip dun vang vang a.

"Ka in shift dawn ania Jeongguk,"tih ri a a hriat chuan Jeongguk chuan Jimin chu a en vat a,a kawr alo phelh tan der tawh. Rang tawkin a hawisawn nghal a.

"A-awle."

Reiloteah a bula tui ri burh ri chu a hre thuai a,a hawichhuah chuan Jimin chu a sangha mei nen tui chhungah a awm der tawh a,hlim hmel deuhin a kut chuan tui chu a theh kual a, Jeongguk chuan mit tlalo lek hian a en reng bawk a.

Wow