..
عزيز : ولد تعرف اخوك وين ماعاد يرد علي ولا شي !
سعود بنفسه : معقول نفذ خطته!
سعود شرح ل ابوه خطه نواف .
عزيز بعصبيه : ليييه ماقلت لي من اول !! هالبنت الفضيحه للحين حيه ! اكيد هالمجرمين اغتـ//ـصبوها !
لازم تنقتل شرفنا على الحديده !
سعود : يبه بس في النهايه ذي بنتك..واختي..
عزيز : يعني راضي بالفضيحه ! اثاريني ماربيت رجال !
سعود بتوتر : اااا لا يبه المفروض تنقتل كل شي الا الشرف ..
سعود بنفسه : يبه معليش بس الي نسويه غلط ، انا مضطر اني ماخليك تقتلها وتحرق قلب امي عليها .. هو كفايه محروق من خطفتها..وروحه نواف
سعود بدا يدق على نواف اكثر من مره عشان يرد ، بس نواف مشغول بشي ثاني..
__________________
رشاش : يعييال ارفعو اسلحتكم ولا تخلون احد يقرب منكم والي يتحرك منهم ثورو فيه !
عسكري : نحنا مب جايين نلقي القبض عليكم لان شي صعب علينا وحاليا عددنا قليل مابنقدر ، نحنا نبي نتأكد من شي
رشاش : مابتطلعون من هنا الا وانتو ميتين ! ، بعدين وش تبون ؟
عسكري : نبي نتعرف على الاعضاء الجدد ؟ ماعندكم مشكله صح
رشاش : وقح انت ؟ وتقولها بدم بارد ؟ تتوقع بيعلمونك هوياتهم ؟
عسكري : مافي مشكله ابد ، تتوقعو بتقدرو تقتلونا كلنا ؟ على الاقل بيهرب واحد وبيسرب المعلومات ، عشان اوضح لك الي قدامك كلهم رسامين ، بالاصح نقدر نرسم الاشخاص الجدد ونتعرف على هوياتهم بس المطلوب مننا نحفظ اشكالهم
نواف خباك وراه زين
نواف : لاتطلعين وجهك
عسكري : اوو الاعضاء الجدد شكلهم حبايب او اخوان ماندري عموما عرفنا شكل الولد ناقصنا نعرف شكل البنت
رشاش : نواف لاتخلهم يشوفونها مهما صار !
عسكري من ورا وبعدون محد ينتبه له رفع سلاحه يبي يطلق على رجل نواف عشان يقدرو يشوفو البنت ، انتبه له مصلح ورفع سلاحه عليه
مصلح : اطلق ؟ يلا اطلق انا انتضرك .؟
كل العصابه التفتو وشافو الشخص الي مصوب على نواف .. لاكن بسرعه من الجهه الثانيه واحد من العساكر طلق على نواف
وبالفعل نجحت خطتهم وقدرو يشوفون شكلك .
بدأو العصابه يسقطون العساكر واحد واحد لاكن هربو منهم نسبه كثيره
انتي وقتها ماهمك انهم شافوك او لا ، همك سلامه اخوك وبس .
لاكن وانتي ماسكته وتشدين على رجله الشال عشان يوقف النزيف قاعده تسمعين اهتزاز بجيبه سحبتيه وشفتي جواله يدق .
الاتصال من سعود
طالعتي بنواف بخوف وقلتي
شهد : سعود...سعود يدق.
نواف : سعود ! عطيني
اخذ الجوال نواف ورد
نواف بتعب : نعم شتبي
سعود : فيك شي ؟
نواف : لا شتبي
سعود : لاتخبي علي وانا اخوك
نواف : اصابه خفيفه وتقدر تقول طلقه من مسدس وش تبي ؟
سعود : طلقه !! قتلوكم ! سوو فيكم شي !
نواف : ياخي لاتسوي خايف علي توكم تبون تقتلونا !وبعدين مب هم هم قاعدين يحموننا عكس الي تفكرون فيه !
سعود : مجرمين يحمونكم لاتسوقها
نواف : تقدر تقول صرنا منهم
سعود بصدمه : ايش ! ن..نواف ! منجدك !
نواف : اي من جدي اخلص شتبي انت !
سعود : ابقولك ان ابوي عرف ان شهد حيه ويبي يسوي اي شي عشان يقتلها لو يستأجر قاتلين عشان يقتلها
نواف بصدمه : ايش !! كل ذا عشان مسمى الشرف !!!
سعود : اخ يا نواف حاولت امنعه صدقني
نواف : انت ؟!!!! تمنعه !!! انت زي كلبه المطيع ماتختلف عنه بشي وهذا وجهي ان ماكان الي تسويه خطه عشان تصيدون شهد لاكن وربي ما اخليها لكم !
قفل نواف الخط
مصلح : شالقصه ؟
نواف : قصه طويله يا مصلح خلنا منها
شهد : مب مصدقه ان الناس الي المفروض اسميهم سندي صارو ضدي ..
مصلح : شهد لاتقولين كذا .. حتى لو صارو ضدك عندك اخوك ، و انا بكون زي اخوك الثاني
ابتسمتي ورجعتي تشدين رجل نواف
رشاش : خلاص شهد يكفي يلا امشو لازم نغير موقعنا !
قمتي وسحبتي نواف وقاعده تساعدينه يمشي بس جت ايلاف مسكته من يده الثانيه
نواف انصدم هنا ، وتقدرو تقولون استحى ، ما استحى انه حبها او شي بالعكس استحى مم حركتها ، مو متعود انه بنت مايعرفها تمسكه كذا
وقفتي وقلتي
شهد : نعم حبيبي ؟
ايلاف : خير ؟ بالنهايه هذا زميلي بالعصابه من حقي اساعده
شهد : اخته موجوده تقدري تتوكلي
ايلاف : وهل المطلوب مني اسمع كلامك ذحين ؟
نواف : شهد خلاص خليها تساعدك مافي مشكله
طالعتي ب نواف مستغربه وكملتي مشي وحطيتوه بوحده من السيارات جت ايلاف بتركب جنبه بس سحبتيها وجلستي
ابتسمتي بخباثه وقلتي : اخوي يحتاج مساعدتي
من نضرات ايلاف ودها تمسكك وتثور فيك بس سكتت ومشت
طبعا مصلح ركب يبي يسوق بس سديم جت وجلست جنبه
انتي لاشعوريا عيونك شوي وتطلع من مكانها ،
طالع فيك نواف وهمس لك : شفيك ؟
رديتي وانتي عيونك على سديم : لا مافي شي
مصلح شغل السياره ومشى
سديم : ايوا مصلح كيفك
مصلح : بخير الحمدالله كيفك انتي
سديم : بخير دامك بخير الا اقولك ماتذكر ايامنا سوا
مصلح : وش جاب لك طاري هالافكار ذحين
سديم وهي تبتسم : مدري قلت اسليك بالطريق ، تذكر لما كل شي كنا نسويه سوا ، محد يتدخل بيننا ، كاننا حبايب
ابتسم مصلح وانتي شوي ويثور البركان الي براسك
سديم : اقلك مب ناوي تعلمني السواقه
مصلح بضحك : تمام تعالي قربي
انتي بنفسك : لو قربت بموت..
قربت سديم منه وهو حاط يده على الطاره حطت يدها فوق يده
سديم : يلا
شهد : لا ضميه احسن ؟ حبيبي ترا مب اخوك يوم تقعدين تلمسينه زي كذا خلي عندك شوي حيا ؟
التفتو سديم ومصلح عليك
توترتي .. ماكنتي تبين تقولين كذا .. بس ماتدرين وش صار
سديم : كفايه تحشرين نفسك بشي مالك علاقه فيه ؟
مصلح بعد يدها عن يده على طول ،
رجعت سديم طالعت بمصلح بنضرات غريبه ، كانها ناويه على شي
سديم باست مصلح بخده وقالت
سديم : شكرا ما قصرت خلي نتعلم مره ثانيه لما تكون هالمعتوهه مب معنا
انفجرتي ، حرفياااا انفجرتي ! لاكن الي فجرك البوسه ، بس اخذتيها بحجه انها قالت لك معتوهه وبديتي تقولين
شهد : معتوهه ؟ انتي اذا استحيتي على وجهك تعالي كلميني ! وقحه !
سديم : وقحه ! انا !!؟ الشره مب عليك الشره على اهلك الي ماعرفو يربونك وبعدين ليت عندك اهل زي الناس اهلك غصبوك تتزوجين واحد ماتبينه ، موضوع يضحك صراحه
نقدر نقول انك هنا وباللحضه هذي تحسستي من كلامها .
سديم : شفيك سكتتي ؟ ضاع شرفك ومستقبلك بين يد واحد حتى ماتزوجتيه برضاك
.....
انتي تكه زياده وتبكين .
سديم : انقطع لسانك ؟ اوف تخيلو اتزوج واحد ماني قابله فيه ههههههههههه
بكيتي ، ماقدرتي تتحملين ، انتي مو حساسه ، بس تحسستي من هالموضوع
نواف كان منسدح قام على طول وضمك وقعد يهديك وهو خايف عليك ومتوتر
نواف : انتي ماعندك احساس ؟ هذا موضوع تقعدين تطقطقين فيها عليه !
مصلح : سديم خير ؟ وش الي مغيرك ماكنتي كذا ؟
بديتي تبكين اكثر وانتي تتخيلين الموضوع وكيف اهلك منجد زوجوك شخص بدون رضاك
مصلح هنا وقف السياره والتفت عليك
مصلح : شهد اعرف ان الموضوع ذا مضايقك بس ليه تبكين ؟ انتي بخير وكل شي تمام مافي داعي انك تبكين
رجع طالع بشهد بنضرات تخوف وقال : انتي حسابك معي
سديم : يعني بتحاسبني انت ي مصلح ؟
مصلح : اي بحاسبك !! انتي تغيرتي والوضع ماصار عاجبني !
سكتت سديم وبقلبها اشياء كثير ، وصلتو ونزلتو وكلن راح مكانه وسرا اليوم زي اي يوم ثاني
< الصبح >
سديم : الوضع ماعاد ينطاق مع شهد هذي !
ايلاف : منجد الوضع ماينطاق !
سديم : مالنا الا نقتلها وكذا بتقدر كل وحده تتقرب لحبيبها
ايلاف : احب افكارك ي سديم ، بس متى ؟
سديم : اخر اليل طبعا لازم نلهي نواف و نقتلها
ايلاف : خططه حلوووه
سلطان : ايه ، خطه مره حلوه
______________
تتوقعون سلطان بيعاونهم ولا بيمنعهم ؟
،
البارت الجاي ينزل الاربعاء 😩❤️
