Kathang-Isip

II - Markus & Jessica Part One

Maikling Kuwento - Jessica & Markus

"Bye-bye, Teacher."

"Bye. Ingat kayo sa pag-uwi."

"Opo, teacher."

"Maghintay sa playground kapag wala pa ang mga sundo ninyo ha?"

"Opo."

Ganito ang araw-araw na senaryo sa paaralang pinapasukan ni Jessica, isang grade school teacher sa pribadong paaralan. Pinalad ito na makahanap ng trabaho pagkatapos ng kolehiyo sa kursong Bachelor in Elementary Education. Nais talaga niyang maging Arkitekto subalit hindi niya kayang tustusan ang mga gastusin sa kursong ito. Bilang panganay sa tatlong magkakapatid, kinailangan niyang alalayan ang kanyang mga magulang at kapatid sa aspetong pinansyal. Bagama't maganda ang pasahid sa pinapasukang paaralan, hindi ito sapat para supportahan ang kanyang mga kapatid sa kolehiyo, kaya nagpa-part time din ito bilang online tutor & private tutor sa ilang mag-aaral sa kanyang pinapasukan. Paminsan-minsan din ay ginagamit niya ang angking talento sa pagguhit bilang sideline.

"Ica, may pa-lunchout si Mr. Dave sa atin. Pinasusundo ka na sa akin." Wika ng isa sa kanyang kapwa guro.

"Pass ako. Tututor-an ko ngayon si Tetsu eh."

"Sayang naman. Sige, sabihin ko sa kanila. Next time, sama ka na ha? Ang dami mo nang napapalampas na lunchout dahil sa part-time mo."

"Sensya na talaga. Alam mo naman na kailangan ko din kumayod." Hinging-paumanhin ng dalaga sa kausap.

"Don't worry, maiintindihan naman nila yun basta sumama ka na sa susunod ha?"
"Sige."

*******

"Nay, natanggap na ba ninyo yung pinadala kong pera?" Kausap ni Jessica sa Telepono ang ina. Kapapadala lamang nito ng pera sa kanila. Tubong Manlapay ang dalaga, subalit sa Maynila siya nagtuturo.

"Oo, anak. Salamat ha? Sabihin ko sa papa mo, para maidagdag sa pagpapatayo ng babuyan at manukan. Mag-ingat ka diyan."

"Okay po. Subukan ko po makauwi this year, kaso hindi po ako makakapangako."

"Ayos lang, anak. Pasensya ka na ha? Kung hindi dahil sa amin, mae-enjoy mo sana yung trabaho at buhay mo."

"Wala po yun. Malapit na rin naman pong magtapos sina Jared at Jetro. Konting tiis na lang."

"Salamat talaga, anak. O siya, ibaba ko na 'to. Akyat na ulit ako sa atin. Subukan kong bumaba ulit dito sa Montalongon sa susunod na linggo. Hindi ako makapag-text sa iyo kasi wala ang mga kapatid mo dito ngayon."

"Ayos lang po. Subukan ko silang tawagan, nay."

"Sige anak. Salamat."

"Bye, nay."

*******

Kauuwi lamang ni Jessica mula sa bahay ng isa sa kanyang tinuturuan nang may makitang itim na sasakyan na naka-park sa harap ng tinutuluyang apartment. Dumiretso agad ito sa loob subalit papasok na ito ng kanyang apartment nang makitang may lalaking naghihintay sa harap ng apartment ng kanyang katabing kwarto na si Shery. Papasok na sa loob ang dalaga nang nagsalita ito.

"Hi, Miss. I'd like to ask kung nasaan yung tenant sa apartment na 'to." Tanong nito sa kanya.

"Sino sila?"

"I'm Markus. I'm acquainted sa nakatira sa apartment na ito. I'd like to ask if you know her whereabouts."

"I don't know kung nasaan yung tenant diyan."

"I see."

Nakatingin lamang ang dalaga sa binata.

"Ah Miss, Kindly tell her that I went here. Okay lang ba?" Nag-aalangan na tanong nito sa dalaga.